1 Samueu 2:10 - Ritonõpo Omiry: A Bíblia Sagrada na língua Aparai do Brasil

¹⁰ Ritonõpo Kuesẽkõ zehno exiketõ enahkapõko mana; konomeru ke toto poremãkapõko mana kapu aeino. Sero nono põkõ apiakãko Kuesẽkõ mana emero porehme. Tyjamitunuru ekarõko mana tuisa a. Tuisamehxo, imehnõ esẽme tynymenekahpyry rĩko mana.

1 Samueu 2:10 ပူးပေါင်းရင်းမြစ်များ

2 Samueu 22:14

Morarame Ritonõpo omiryme konomeru konõto kapu ae toehse, tõmiry totapose Ritonõpo Jamihmehxo Exikety a.

2 Samueu 7:13

Mokyro mã tapyi amõko jesety esaryme. Mame jũme tapõ po tuisame exĩko mã ynororo.

2 Samueu 7:8

Naeroro seromaroro ypoetory Tawi zuruko: “Ynara ãko Ritonõpo Jamihmehxo Exikety: ‘Kymenekase ona po awahtao, kaneru tõ ekahmaryhtao oya, ypoetory tõ esẽme oehtohme, Izyraeu tõ tuisaryme.

Jo 40:9

Ajamitunuru ekarõko mah yjamitunuru samo? Õmiry ke konomeru riry waro mahno panaikato konõto, jomiry samo?

Saumu 132:17

Taro toiro Tawi pary rĩko ase tuisa imehxo, taro roropa ynymenekahpyry poenõ jũme tuisame tyripõko ase.

Saumu 148:14

Typoetory Izyraeu tõ tyripose eya kokoro rokẽ jamihmehxo toto ehtohme. Naeroro eahmatoko, ipoetory tõ anamonohpyra exiketomo, Izyraeu tomo, ipyno aehtyamo. “Kure mase, Ritonõpo,” kahtoko!

Saumu 2:2

Sero nono põkõ tuisary tõ typyrekõ rĩko mã toto, kowenu poko erohketõ maro atamorepãko mã toto Ritonõpo epeme pyra toehtohkõme, tuisame inymenekahpyry epeme pyra toehtohkõme roropa.

Saumu 2:6

Ynara ãko mana: “Ynymenekahpyry yriase tuisame japõ po, moroto Jerusarẽ po, ypy Xião kurã po.”

Saumu 2:9

Toto esẽme exĩko mase omyxiry mã kurimene risẽme exĩko; zae pyra exiketõ wãnohnõko mase oripo ehmory sã topu pona.’ ”

Saumu 20:6

Tuisa: Seromaroro zuaro ase: tuisame tynymenekahpyry rĩko orẽpyra Ritonõpo mana. Tosary poe kapu kurã poe ezuhnõko mana, tyjamitunuru ke orẽpyra mokyro rĩko mana.

Saumu 20:7

Toitoine ahno ynara ãko: “Orẽpyra ase tykahuke jexiryke etonatohme,” ãko. Imehnõ ynara ãko: “Tykawaruke jexiryke orẽpyra ase,” ãko roropa. Yrome kymarokõ Ritonõpo Kuesẽkõ jamitunuru enetupuhnõko sytatose.

Saumu 21:1

Ritonõpo, tãkye mã tuisa, eya ajamitunuru mekaroase exiryke; atãkyemãko mã ynororo, opoe topetõkara typoremãkase exiryke eya.

Saumu 28:8

Typoetory tõ ewomãko Kuesẽkõ mana. Inymenekahpyry tuisame ewomãko mana.

Saumu 45:7

Zae ehtoh pyno mase, popyra ehtoh se pyra mase ipunaka. Morara exiryke Ritonõpo Oesemy a tymenekase mexiase, oya tãkye ehtoh ekaroase imehnõ tuisa tomo a inekarohpyry motye.

Saumu 89:17

Omoro, Ritonõpo, jamihme yna rĩko mase; kure rokẽ yna riryke oya, orẽpyra toehse yna.

Saumu 89:24

Jũme anamonohpyra ase Tawi akorehmary poko, ipyno exikehpyra ase, yjamitunuru ke orẽpyra exĩko mana.

Saumu 89:25

Inonory zumohxo tyrĩko ase tuna konõto Metiteraneu poe tuna Eupyrati pona.

Saumu 96:13

aepyry ropa ahtao emero Esẽme ehtohme. Zae rokẽ sero nono põkõ rohmanohpõko mana.

Saumu 98:9

Ynara exiryke, oehnõko mana tõmiry omipona sero nono põkõ ritohme! Ahno tõ emero esẽme exĩko mana sero nono po, zae ehtoh ke toto rohmanohpõko mana, zae rokẽ ehtohme sero nono po.

Exutu 15:6

Ritonõpo, jamihmehxo oemary apotunuru wino mana, osenuruhkãko ynanase oepetõkara etohtohkary eneryke yna a.

Ekereziaxti 11:9

Nuasemãkomo, oryximãkõ roropa, atãkyematoko poetome ro awahtao xine. Ise oehtohkõ tyritoko, openetatohkõ okurohtao xine. Yrome ynara wenikehpyra ehtoko: ãpiakatorỹko Ritonõpo mana onyrihpyrykõ poko emero porehme.

Ekereziaxti 12:14

Mame Ritonõpo ẽpataka osekarõko sytatose kynyrihpyrykõ poko emero porehme, tokare pyra tyrise ahtao ro kyya xine: kure ehtopo, popyra ehtoh roropa, enara rokene.

Izaja 32:1

Mame ẽmepyry oehnõko mana zae Exikety mã Tuisame exĩko, zae erohnõko mana tuisame toexiry poko, imaro kowenu poko erohketõ roropa zae rokẽ erohnõko mã toto.

Izaja 45:24

Zurũko mã toto, ynara ãko: Ritonõpo rokẽ mã tyjamitunuru ekarõko kyya xine orẽpyra kuehtohkõme. Yzehno aexityã emero toehxirosẽme exĩko mã toto, ehxirõko mã toto jẽpataka.

Ezekieu 29:21

— Morara toehse ahtao Izyraeu tõ jamihme ripõko ase. Omoro Ezekieu õtary kurãkãko ase jomiry ekarotohme imehnõ netaryme emero porehme. Mame zuaro exĩko mã toto, ywy ase Ritonõpo.

Mateu 25:34

Morarame ynara ãko mã typoetory tomo a: “Osehtoko. Kure matose. Papa nymenekatyãme matose. Osehtoko xiaro jesaka. Oesarykõme jesary tyrise ya moino ro, senohne ritopõpyry poe ro, nono ritopõpyry poe ro.

Mateu 28:18

Morarame typoetory tomo a Jezu toytose tahtao ynara tykase ynororo: — Emero esẽme toehse ase Ritonõpo poe. Kapuaõkõ esẽme ase, sero nono põkõ esẽme roropa ase.

Ruka 1:69

Kypynanohnekõ enehpone kyya xine. Orẽpyra exikety mokyro. Tawi parỹpyryme ynororo.

Ruka 19:27

Mame seromaroro moxiã yzehnotokomo, tosẽkõme jexiry satokõkara, enehko toto xiaro ya. Etapatoko toto yneneryme,” tykase esẽkomo, tykase Jezu eya xine.

Atos 10:38

Seromaroro amarokõ roropa Jezu waro exĩko matose. Ritonõpo a Tuzenu tokarose eya emero zuaro ehtohme. Morarame toytoytose ynororo. Ahno poko toenupunase. Joroko nyryhmatyã tukurãkase ropa eya, kurãkõkara roropa, Ritonõpo imaro exiryke.

Atos 4:27

— Morararo taro nase Jerusarẽ po seromaroro, tykase Peturu Ritonõpo a. — Erote tuisame nase. Põtiu Pirato kowenatume roropa nase. Mokaro oximõme Roma põkõ maro Izyraeu tõ maro Omũkuru zehno.

2 Korĩtiu 5:10

Imeĩpo kymarokõ emero Kyrixtu ẽpataka osenepõko sytatose. Kuapiakatorỹko mana kuepehmatohkõme kynyrihpyrykõ epehpyryme. Kure rokẽ kynyrihpyrykõ ahtao sero nono po kurã ke kuepehmatorỹko mana. Yrome popyra kuahtao xine sero nono po, kynyrihpyrykõ epehpyryme rokẽ kuepehmatorỹko mana.

Juize 5:31

Ritonõpo yna Esemy, morararo oepetõkara norihno toto, emero porehme, yrome ah oepe tõ saereme exikety sã orẽpyra sã nexĩ toto, xixi tũtary samo! Mame etonara toehse toh kynexine 40me jeimamyry pune.

1 Samueu 12:13

— Seromaroro, mose ynoro, onymenekahpyrykõ otuisarykõme. Mekaropoatose, mame otuisarykõme mose tokarose Ritonõpo a oya xine.

1 Samueu 12:17

Seromaroro konopome pyra mana. Tiriiku apoitohme nase seromaroro. Yrome oturũko ase Ritonõpo a konomeru enehpotohme konopo maro. Morara toehse ahtao onenerykõme enetupuhnõko matose oorypyrykõ poko. Iirypyryme toehse matose Ritonõpo Kuesẽkomo a tuisa tokaropose ahtao oya xine oesẽkõme, tykase Samueu.

1 Samueu 12:18

Mame tõturuse Samueu Ritonõpo a, moro ae ro konomeru tonehpose Ritonõpo a konopo maro. Mame moro eneryke tyya xine Ritonõpo zuno toehse toto, Samueu zuno roropa toehse toto.

1 Samueu 12:3

Taro ase. Zae pyra toehse jahtao kyhxirotoko Ritonõpo neneryme, ynymenekahpyry tuisame neneryme roropa. Otarame imepỹ eky tomatonanohse ya, pui te, jumẽtu? Otarame imepỹ tonekunohse ya te, otarame imepỹ tyrohmanohpose ya? Otarame tineru tapoise ya zae ehtoh tyorõmatohme repe? Morara toehse jahtao ynapoihpyry ekarõko ropa ase, tykase Samueu.

1 Samueu 15:28

Naeroro ynara tykase Samueu eya: — Seroae Izyraeu tõ esẽme oehtoh tyxihkase Ritonõpo a owinoino imepyny a ekarotohme, omotye kurehxo exikety a, tykase.

1 Samueu 16:1

Mame ynara tykase Ritonõpo Samueu a: — Emynyhmara exiko Sauu poko. Ypoetory tõ esẽme mokyro se pyra toehse ase. Morara exiryke oriu arykako pui retyry aka arotohme amaro Perẽ pona, Jese tapyĩ taka. Imũkuru toiro tymenekase ya tuisame ehtohme, tykase Ritonõpo.

1 Samueu 7:10

Tynekarory zahkaryhtao ro Samueu a pirixteu tõ tooehse Izyraeu tõ esaka etonase repe. Yrome konomeru konõto tonehpose Ritonõpo a. Morara exiryke pirixteu tõ otupĩko rokẽ toh toehse, toepase toto.