1 Samueu 19:1 - Ritonõpo Omiry: A Bíblia Sagrada na língua Aparai do Brasil

¹ Morarame Tawi etapary se toehtoh tokarose Sauu a tumũkuru Jonata a, imehnõ takorehmananomo a roropa. Yrome Tawi epeme Jonata nexiase itamurume.

1 Samueu 19:1 ပူးပေါင်းရင်းမြစ်များ

Jenexi 37:18

Joze tonese eya xine moino aepyryhtao. Eporehkara ro ynororo ahtao tõturupitose toto etapary poko.

2 Samueu 4:8

Mame Ixiposete zupuhpyry tarose eya xine Tawi a Eperõ pona. Ynara tykase toto tuisa a: — Seny, Ixiposete, oepekara Sauu mũkuhpyry zupuhpyry. Oetapary se aexihpyryme nexiase ynororo. Seroae Ritonõpo omỹpono oepekara etapano Sauu ekyrỹpyamo, tykase.

1 Samueu 18:1

Morarame Sauu tõturukehse Tawi maro. Mame imũkuru Jonata Tawi se toehse. Osepeme toehse toto ipunaka Jonata zamaro Tawi exiryke, osepyno toehtoh sã ipyno toehse ynororo.

1 Samueu 18:25

Mame tozuhse toto Sauu a: — Ynara kahtoko Tawi a: “Tuisa Sauu 100me pirixteu tõ etapapory se mã oya tõxiry epehpyryme imaro oerẽnatohme, topetõkara mỹpotohme,” kahtoko eya. Yrome Tawi etapapory se Sauu nexiase pirixteu tomo a.

1 Samueu 18:3

Mame tõmihpyry totapose Jonata a Tawi a, jũme onytyoromara toehtohme, ipyno toexiryke, osepyno toehtoh samo.

1 Samueu 18:8

Naeroro mokaro omiry etaryke tyya tãkye pyra toehse Sauu. Tyekĩtapãse ynororo. Ynara tykase: — Ya miume rokẽ tokarose nohpo tomo a, yrome Tawi a 10 miume tokarose. Toiro se rokẽ ynororo tuisame toehtohme, tykase Sauu.

1 Samueu 18:9

Morotoino Tawi zumoxike toehpitose Sauu. Zae pyra Tawi ehtoh tupise eya.

1 Samueu 19:2

Morara exiryke ynara tykase Jonata Tawi a: — Papa oetapary se toehse. Morara exiryke kokoro pakeimo tomeseke exiko. Otonẽko. Mame tehme moroto exiko.

1 Samueu 20:1

Morarame Tawi toepase urutõ kõ tapyĩ tae, Rama põ poe, Jonata esaka toytose ynororo oturupose. Ynara tykase: — Oty yriahse? Zae rokẽ exiase repe, yrome omy jetapary se nase, tykase Tawi.

1 Samueu 20:19

Mame mokokoro roropa arypyra oexiry enẽko mã toto. Naeroro ytoko õtonẽtopõpyry pona ropa, topu tõ mõpozakoxi.