1 Samueu 18:18 - Ritonõpo Omiry: A Bíblia Sagrada na língua Aparai do Brasil

¹⁸ Yrome tozuhse Tawi a. Ynara tykase: — Oẽxiry apoiry ypytyme kure ya repe. Yrome ime pyra ase. Papa tõ roropa ime pyra mã toto. Tuisamehxo mase. Apaniryme jehtoh poko zuaro pyra ase ipunaka, tykase ynororo.

1 Samueu 18:18 ပူးပေါင်းရင်းမြစ်များ

2 Samueu 7:18

Mame tuisa Tawi tomõse tapyi pitiko taka porohtohme Ritonõpo ẽpataka, ynara tykase ynororo Ritonõpo a: — Ritonõpo Imehxo Exikety, moino ro kure rokẽ kyriase kure jehtoh pokoino pyra, papa tõ kure ehtopõpyry pokoino pyra roropa.

1 Tuisa 4:15

Aimaa, typytase Pasemate maro, Saromão ẽxiry imepyny: Napatari nonory po.

Exutu 3:11

Yrome ynara tykase Moeze Ritonõpo a: — Tuisame pyra ase, jamihme pyra exiketyme roropa. Otãto ytõko ywy oturuse Ejitu tõ tuisary a, morotoino Izyraeu tõ enehtohme?

Porowepio 15:33

Ritonõpo Imehxo ehtoh enetuputyryhtao oya tuarohxo exĩko mase; imehnõ motye kure osekaropyra awahtao, imeĩpo imehxo orĩko imehnõ mana.

Porowepio 18:12

Epyrypakety osenahkatoh esemary ae ytõko mana, yrome imehnõ motye osekaropyra exikety tuisamehxo exĩko mana.

Jeremia 1:6

Mame ynara tykase ywy: — Ritonõpo, yna Esemy, jotururu waro pyra ase, poetome ro jexiryke.

Ruti 2:10

Tosekumuru po typorohse Ruti tõmyty nono pokoxi, ynara tykase ynororo: — Oty katohme ypyno mahno, kure rokẽ mase ya katonõme rokẽ jahtao? tykase.

1 Samueu 18:23

Mame Tawi turuse toto a. Mame ynara tykase ynororo eya xine: — Tuisa Sauu paniryme jehtoh kure mã repe. Yrome ywy tymõkomoke pyra ase. Ime pyra roropa ase, tykase Tawi.

1 Samueu 9:21

Sauu a tozuhse: — Yrome ywy Pẽjamĩ parỹpyryme ase. Tuhke pyra ynanase ipunaka. Ime pyra roropa papa tõ mana, wekyry tõ maro. Naeroro otarame osenekunohnõko mase ypoko, tykase Sauu.