1 Samueu 18:11 - Ritonõpo Omiry: A Bíblia Sagrada na língua Aparai do Brasil

¹¹ Mame ynara tõsenetupuhse Sauu: — Mose wõko ase seromaroro ypyre ke, tykase repe. Mame warata tomase eya, jamihme samo Tawi wotohme repe. Imeĩpo tywaratã tomase ropa eya Tawi wotohme repe; yrome tõsepynanohse Tawi asakoro ehtoh pona.

1 Samueu 18:11 ပူးပေါင်းရင်းမြစ်များ

Porowepio 27:4

Imehnõ zehno ehtoh ryhmatome mana, yrome moro motye kuhse imepỹ zumoxike ehtoh mana.

Izaja 54:17

yrome toto pyre owosaromepyra exĩko mã kehko, mame ihxironanõ ẽpataka tarose awahtao ohxironanõ poremãkãko mase. Ypoetory tõ ewomãko ase, orẽpyra toto rĩko ase tyehnotokõ poremãkapotohme.” Ywy Ritonõpo oturuno.

Ruka 4:30

Yrome imoihmãkõ rãtakuroko toytose ropa Jezu. Mame toytose ropa rahkene. Enara.

João 10:39

Mame Jezu apoiry se toh kynexine repe. Yrome kỹtone ropa ynororo toto maro ehxĩpo.

João 8:59

Morarame Jezu omiry etaryke tyya xine topu tanỹse juteu tomo a Jezu etapatohme. Ajohpe Jezu tokarose eya xine. Morara exiryke topu tanỹse eya xine. Yrome tõtonẽse rokẽ ynororo, imoihmãkõ rãnaka. Mame Ritonõpo Tapyĩ tae tutũtase ropa Jezu.

Epereu 11:34

Apotoimo tozehkapose eya xine te, tõsepynanohse roropa toto zehnotokõ toto wory se ahtao. Jamihme pyra toh kynexine repe, yrome jamihme toehse toto. Orẽpyra toehse toto zehnotokõ soutatu maro toto osetaparyhtao. Mokaro soutatu tõ typoremãkapose eya xine.

1 Samueu 20:33

Mame tywaratã tomase Sauu a tumũkuru wotohme repe. Morara exiryke tuaro Jonata toehse, Tawi etapary se tumy ehtoh poko.