1 Samueu 16:6 - Ritonõpo Omiry: A Bíblia Sagrada na língua Aparai do Brasil

⁶ Mame toeporehkase toto ahtao Jese mũkuru osemazupu tonese Samueu a, Eriape. Mokyro eneryhtao tyya tõsenetupuhse ynororo: “Otarame mose ro Ritonõpo nymenekahpyry,” tykase repe.

1 Samueu 16:6 ပူးပေါင်းရင်းမြစ်များ

1 Tuisa 12:26

Ynara tõsenetupuhse ynororo: “Taroino ypoetory tõ ytoryhtao Jerusarẽ pona tynekarory tõ zahkatohme, Ritonõpo eahmatohme, otarame osepeme exĩko mã toto tuisa Ropoão Juta tõ esẽ maro. Mame jetapãko mã toto.”

1 Tuisa 4:11

Pẽ-Apinatape, typytase Saromão ẽxiry Tapate maro: Toa nonory emero.

1 Koronika 2:13

Jese toemũkuase 7me: Apitorymãme Eriape te, Apinatape te, Ximeia te,

1 Koronika 28:4

Tymenekase ywy Ritonõpo a, Izyraeu tõ Esemy a, umũkuru tõ maro, ypakõ maro tuisame yna ehtohme jũme. Juta tõ tymenekase eya, toto poe typoetory tõ esẽme ehtohme. Papa tõ tymenekase eya. Mame papa poenõ poe tymenekase ywy tuisame jehtohme, Izyraeu tõ esẽme.

2 Koronika 11:18

Ropoão typytase Maarate maro, Jerimote, Tawi mũkuru ẽxiry. Jẽ kynexine Apiaiu, Eriape ẽxiry, Jese pary.

Saumu 84:9

Ritonõpo, kure rokẽ yna ewomane tyriko, yna tuisary, onymenekahpyry!

Juize 8:18

Mame tõturupose Zepa tomo a Saumuna maro: — Onoky sã nexiase toto, mokaro orutua komo, totapase oya xine Tapoa po? Tozuhse eya xine: — Asã toh nexiase ipunaka. Tuisa mũkuru tõ sã toh nexiase.

1 Samueu 17:13

Ipoenõ osemazupu tõ oseruao nexiase Eriape te, Apinatape te, Ximeia, enara. Soutatume toh nexiase Sauu poetoryme.

1 Samueu 17:22

Tynarotyã tynomose Tawi a mõkomo erase maro. Mame tururume toytose ynororo etonatoh pona turui tõ eporyse, ekaropose roropa kure toto ehtoh poko.