1 Samueu 16:5 - Ritonõpo Omiry: A Bíblia Sagrada na língua Aparai do Brasil

⁵ — Ỹ, osepeme, tykase ynororo. — Jeky zahkase oehno ynekaroryme Ritonõpo a. Morara exiryke oorypyrykõ irumekatoko Ritonõpo neneryme. Mame ymaro ehmaropa ynekarory zahkatoh pona, tykase. Mame Jese tõ roropa iirypyrykõ tykorokapose nuriame pyra toto ehtohme ipoenõ maro. Toahmase toto eya tynekarory zahkary enetohme eya xine.

1 Samueu 16:5 ပူးပေါင်းရင်းမြစ်များ

Jenexi 35:2

Naeroro ynara tykase Jako tytapyĩ taõkomo a, tymarõkõ maro emero: — Neponãmary ipahtoko, imeimehnõ neponãmarykõ, amaro xine ahtao. Oorypyrykõ ikorokapotoko te, epytoko te, upo amurutoko, ikurikasenano.

1 Tuisa 2:13

Morarame Atonia, Hakite mũkuru toytose oturuse Pate-Sepa maro, Saromão ẽ maro. Mame tõturupose Saromão eny eya, ynara tykase: — Osepeme ehtohme moehno ya? tykase. — Ỹ, osepeme ehtohme, tykase ynororo.

1 Koronika 12:18

Morarame toiro orutua maro toehse Ritonõpo Zuzenu yronymyryme. Esety Amasai kynexine, imeĩpo “30mãkõ” tuisaryme toehse ynororo. Ynara tykohtase ynororo: — Tawi, Jese mũkuru, opoetoryme ynanase! Kure rokẽ oriry se ynanase. Kure exĩko roropa ãkorehmananõ mana! Amaro Ritonõpo mana. Mame osepeme toto tapoise Tawi a, typoetory tõ tuisaryme toto tyrise eya.

Jo 1:5

Mame tõtyhkase toto ahtao otuhtoh riry poko jũkõ Jo towõse pakeimo okyno zahkatohme tynekaroryme Ritonõpo a typoenõ emero kurãkapotohme Ritonõpo a. Morara tyrise eya ynara karyke tukurohtao: “Otarame umũkuru toiro iirypyryme toehse tukurohtao Ritonõpo neneryme.” Moro sã toto rypyry tykorokapose Jo a.

Exutu 19:10

Ynara tykase ropa Ritonõpo: — Ytoko imoihmãkõ zuruse: Seroae nuriame ehtoh irumekatoko. Morararo kokoro oorypyrykõ irumekatoko jeahmatohme oya xine. Oupõkõ roropa ikurikatoko

Joeu 2:16

Ahno emero ikohmatoko oximõme toto ehtohme, tyyrypyrykõ korokapotohme eya xine. Tamuhpomãkõ ikohmatoko, toto oehtohme poetohti tõ maro, enurusenã kõ maro roropa. Pytasenãkõ ikohmatoko tytapyĩkõ tae toto oehtohme Ritonõpo Tapyĩ taka!

Sowonia 1:7

Moro ẽmepyry oehnõko mana, typoetory tõ apiakatopo Ritonõpo Kuesẽkomo a, toto wãnohtohme. Naeroro mynyhme ehtoko ẽpataka! Typoetory tõ zahkãko sã mana apoto apõ po tynekaroryme samo. Epetõkara toahmase eya takorehmatohme moro riry poko.

Numeru 11:8

Toepukase koko ahtao konopo samo. Yrokokoro pakeimo ahno toytose moro wyi panõ apoise tytapyĩkõ zomye. Moro manã tapose eya xine ako aka te, moĩjo aka roropa. Mame tahnose eya xine oripo ao te, wyi panõ pipahme exikety tyrise roropa eya xine, kure nexiase pão samo tupuruse ahtao azeite maro.)

1 Korĩtiu 11:28

Morara exiryke ynara osenetupuhtoko aporo: “Zae rokẽ ytoytõko hano Ritonõpo neneryme?” kahtoko aporo okurohtao xine. Morarame zae awahtao xine rokẽ Kuesẽkõ exixihmatopõpyry poko wenikehpyra ehtoh enahtoko, eukuru ẽtoko, enara. Iirypyryme awahtao xine oorypyrykõ ekarotoko Ritonõpo a ikorokatohme. Moromeĩpo enahtoko, ẽtoko, enara.

Jozue 3:5

Ynara tykase Jozue imoihmãkomo a: — Ekurikatoko, oorypyrykõ irumekatoko. Kokoro tyjamitunuru enepõko Ritonõpo mana oya xine.

Jozue 7:13

Owõko ropa. Moxiã rypyry irumekapoko Izyraeu tõ rypyry, toto osenepotohme ya kokoro, nuriame pyra toto ehtohme ya. Ywy Ritonõpo Oesẽkõ ynara ãko: “Izyraeu tomo, mõkomo kurãkãko matose. ‘Enahkatoko,’ ase oya xine. Morohne onenahkara awahtao xine oepekõkara onyporemãkasaromepyra matose.

1 Samueu 20:26

Moro ae oty kara Sauu nexiase. Tõsenetupuhse ynororo: “Otarame tỹpokõke toehse ynororo. Otarame Ritonõpo nyripohpyry onyrisaromepyra ro nexiase ynororo toekurãkatohme, morara exiryke oehpyra kynako.”