1 Samueu 16:20 - Ritonõpo Omiry: A Bíblia Sagrada na língua Aparai do Brasil

²⁰ Naeroro Tawi taropose Jese a Sauu a. Tynekarory tarose Tawi a, poti mũkuru te, wyi jumẽtu po te, uwa eukuru jehnahpyry ẽ ao, enara ekarotohme Sauu a.

1 Samueu 16:20 ပူးပေါင်းရင်းမြစ်များ

Jenexi 43:11

Mame ynara tykase jũkomo: — Imenekatoh pyra exiryke ynara tyritoko. Kynekarorykõ arotoko saku ao ekarotohme eya. Kykyryrykõ kurã aroko taroino: pausamu pitiko te, ano zeni pitiko te, ixtaratu kehko te, noze tõkehko te, amẽtoa, enara.

Porowepio 18:16

Imehxo exikety maro õtururu se awahtao onekarory aroko; tupime pyra exĩko mana.

1 Samueu 10:27

Yrome imehnõ ajoajohpãkomo ynara tykase: — Otarame mose kuewomatorỹko nase, nary rokene, tykase toto. Sauu typoihtose eya xine. Tynekarorykõ onekaropyra roropa eya toh nexiase.

1 Samueu 10:4

Õmikãko mã toto. Mame oya wyi asakoro ekarory se exĩko mã toto. Inekarorykõ apoiko.

1 Samueu 16:19

Naeroro typoetory taropose Sauu a Jese zurutohme: — Omũkuru Tawi enehpoko ya, mokyro kaneru poko erohkety.

1 Samueu 17:18

Keiju tõ roropa aroko 10me toto esẽ napyryme. Orui tõ eneta kure toto ehtoh waro jehtohme. Mame tooehse ropa awahtao toto ekary etary se ase, kure toto tonese oya exiry waro jehtohme.

1 Samueu 25:18

Apikaiu a axĩ tonahsẽ tapoise; wyi tapoise 200me, uwa eukuru jehnahpyry roropa ẽ ao asakoro pehme, kaneru ipurutyamo 5me, kajama 17 kirume, uwa epery asarahtyã 100me kaxome te, tyoro epery roropa fiku asarahtyã 200me kaxomã tapoise eya, enara. Mame tãtakimase ynororo emero jumẽtu tõ pona tyritohme.