1 Samueu 15:6 - Ritonõpo Omiry: A Bíblia Sagrada na língua Aparai do Brasil

⁶ Apitoryme ynara tykase Sauu keneu tomo a: — Ameke rokẽ ehtoko amarekita tõ winoino, toto maro kuetaparykõino. Izyraeu tõ pyno mexiatose aepyrykohtao Ejitu poe. Naeroro ameke toytose mokaro keneu tomo.

1 Samueu 15:6 ပူးပေါင်းရင်းမြစ်များ

Jenexi 15:19

keneu tõ nonory maro te, kenezeu tõ nonory maro, katamoneu tõ nonory maro te,

Jenexi 18:25

Ahno kurã onetapasaromepyra mase pohnõ maro, iirypyryme pyra toto ahtao. Morara onyripyra exiko. Omoro rokẽ zae sero nono põkõ apiakaneme mase. Zae rokẽ ahno apiakãko mase.

1 Koronika 2:55

(Jape patary po oxiekyry tõ kynexine, emese kure exiketõ pape merory poko, pape tõ poenopyry poko, enara. Ynara toh kynexine: tiratita tomo te, ximeatita tomo te, sukatita tomo. Keneu tõ kynexine toto, typytase toh kynexine rekapita tõ maro, enara.)

Exutu 18:19

Jomiry etako, ãkorehmãko Ritonõpo mana. Zae ro nase Izyraeu tõ arory Ritonõpo ẽpataka inekaroporykõ pona.

Porowepio 9:6

Tuaro pyra exiketõ irumekatoko isene oehtohkõme. Tuaro exiketõ maro atamorepatoko, tuaro oehtohkõme.”

Numeru 16:34

Mokaro kui kui kary etaryke tyya xine tururume toytose Izyraeu tomo, moroto aexityamo. Kui ãko roropa toh nexiase, ynara tykase toto: — Epatoko! Kuenahkatorỹko nono mana!

Atos 2:40

Morarame Peturu toto zurune itamurume Jezu poko. Otuhparo turuse toto: — Emero iirypyryme matose. Iirypyryme oexirykõ se pyra Ritonõpo mana. Naeroro oorypyrykõ irumekatoko awãnohpyra xine Ritonõpo ehtohme, tykase Peturu eya xine.

2 Korĩtiu 6:17

Ynara tykase roropa Kuesẽkõ kyya xine tyyrypyry onurumekara exiketõ poko: “Mokaro irumekatoko, toto maro pyra oehtohkõme. Tyyrypyrykõ poko exiketõ sã pyra ehtoko ipunaka. Morara awahtao xine oesarykõ ekarõko ase oya xine ymaro oehtohkõme.

2 Timoteu 1:16

Yrome Onexiporu jakorehmane itamurume. Morara exiryke ynara ãko ase Ritonõpo a: “Onexiporu tõ pyno exiko,” ãko ase, jakorehmaneme aexiryke. Ehxiropyra roropa monexiã ymyhtoh poko.

Apokaripxi 18:14

Ynara ãko mõkomo ekamonanõ eya repe: — Openetatopõpyry tõ tonahse, omõkomory te, otinerũ te, orẽpyra oehtopõpyry roropa, emero tonahse mã jũme. Morohne onenepyra ropa mase jũme, ãko mã toto.

Juize 1:16

Moeze meretamuru pakomotyã, keneu tõ, toytose Juta tõ maro pata Jeriko, airiki panõ esary poe, ona pona Juta tõ nonory pona, pata Arate poe ikurenaka. Moroto kynexine toto amarekita tõ maro.

Juize 4:11

Ameke hkopyra Ketese poe Hepea esary kynexine, keneume exikety. Imehnõ keneu tõ winoino tãtapiakase Hepea kynexine. Hopape, Moeze akono pakomotyã keneu tõ kynexine. Moroto tytapyĩ tamose Hepea a wewe konõto, Zaananĩ pũto.

Juize 5:24

Tãkye kuhse mokyro nohpo, Jaeu, Hepea pyty, keneume exikety. Imehnõ nohpo tõ tytapyĩ taõkõ motye, tãkyehxo mã ynororo.

1 Samueu 15:5

Mame Sauu toytose soutatu tõ maro Amareke patary pona. Toraximase toto, tõtonẽse tuna esemahpyry ao, tuna pyra exiryke.

1 Samueu 27:10

Mame Akixi tõturupose Tawi a: — Aza mytotou seroae etonase? tykase Akixi. Mame Tawi a tozuhse: — Ikurenaka Juta nonory pona te, ikurenaka Jerameeu nonory pona te, ikurenaka keneu tõ nonory pona, tykase rokẽ eya.

1 Samueu 30:29

Rakau põkomo a, jerameerita tõ patary tõ põkomo a, keneu tomo a,