1 Samueu 15:30 - Ritonõpo Omiry: A Bíblia Sagrada na língua Aparai do Brasil

³⁰ — Tyyrypyhpyke ase, tykase ropa Sauu. — Ajohpãme sã kure kuekaroko Izyraeu tõ esẽ neneryme, imoihmãkõ neneryme roropa. Ymaro eropa Ritonõpo Oesẽ eahmase oximaro, tykase.

1 Samueu 15:30 ပူးပေါင်းရင်းမြစ်များ

2 Samueu 12:13

Mame ynara tykase Tawi Natã a: — Yyrypyry poko exiase, iirypyryme ase Ritonõpo neneryme. — Ỹ, oorypyry korokãko Ritonõpo mana, tykase Natã, orihpyra mase.

Exutu 9:27

Moeze tykohmapose tuisa a, Arão maro. Ynara tykase ynororo: — Toerypymase ywy seromaroro. Zae Ritonõpo Oesẽkõ mana. Ywy, ypoetory tõ maro, azahkuru ynanase.

Izaja 29:13

Ynara tykase Ritonõpo: “Moxiamo oturũko mã toto ya tỹtarykõ ke rokene, jeahmãko mã toto typotapihpyrykõ ke rokẽ roropa, yrome ikurohtao xine ameke mã toto ywinoino, yse nymyry pyra mã toto. Jeahmãko sã mã toto, yrome ahno nyripohpyry poko rokẽ mã toto.

Apakuke 2:4

Ynara ãko mana: popyra ehtoh poko exiketõ tonahkasẽme exĩko mã toto. Yrome zae ehtoh poko exiketõ isene exĩko mã toto, zae Ritonõpo ehtoh enetuputyryke eya xine.”

João 12:43

“Kure mase” kary etary se toh kynexine typoko xine parixeu tomo a. Yrome “Kure mase” kary etary se hkopyra toh kynexine Ritonõpo a.

João 5:44

Opoko xine rokẽ “Kure mase” kary etary se matose imehnomo a. Yrome “Kure mase” kary etary se hkopyra matose Ritonõpo a. Morara exiryke Ritonõpo onenetupuhpyra matose.

2 Timoteu 3:5

“Ritonõpo poetoryme ynanase,” ãko toh mã repe. Yrome Ritonõpo jamitunuru ripory se pyra mã toto tukurohtaka xine. Naeroro mokaro maro pyra ehtoko isã oexirykõino.

1 Samueu 15:31

Morara exiryke Sauu maro toytose Samueu. Mame Ritonõpo toahmase Sauu a.

1 Samueu 26:21

Mame ynara tykase Sauu: — Iirypyryme ase, azahkuru exino ipunaka. Osehko ropa Tawi umũkuru! Typynanohse oya jexiryke seroae, oryhmary onukuhpyra ropa ase. Ajoajohpe exiketyme toehse ase, rowohpe exikety samo, tykase Sauu.