1 Samueu 15:29 - Ritonõpo Omiry: A Bíblia Sagrada na língua Aparai do Brasil

²⁹ Ritonõpo Imehxo Exikety, Izyraeu tõ Esẽ ajohpe pyra mana. Tõsenetupuhtoh onytyoromara mana. Ahnome pyra toexiryke, tõmiry onytyoromara mana.

1 Samueu 15:29 ပူးပေါင်းရင်းမြစ်များ

1 Koronika 29:11

Imehxo mase, orẽpyra Exikety, xixi motye saerehkaneme mase, ẽmepyry motye, ypy tõ konõto sã osenuruhkapỹme mase toto rihpõme oexiryke. Emero kapu ao exiketõ, nono põkõ roropa okyryryme mã kehko. Tuisamehxo mase emero Esẽme.

Saumu 29:11

Typoetory tomo a tyjamitunuru ekarõko Ritonõpo mana, kure rokẽ toto rĩko roropa mana; eya xine kurãkõ emero ekarõko roropa mana.

Saumu 68:35

Ritonõpo imehxo mana Itapyĩ kurã tae aepyryhtao, Izyraeu tõ Esẽme mana! Tyjamitunuru ekarõko typoetory Izyraeu tomo a. “Kure mase, Ritonõpo!” kahtoko.

Saumu 95:11

Toto zehno exine, naeroro ynara akene: ‘Jesaka jũme omõpyra ekurehnõko matose ynonory pona, oserematoh taka.’ ”

Izaja 45:24

Zurũko mã toto, ynara ãko: Ritonõpo rokẽ mã tyjamitunuru ekarõko kyya xine orẽpyra kuehtohkõme. Yzehno aexityã emero toehxirosẽme exĩko mã toto, ehxirõko mã toto jẽpataka.

Ezekieu 24:14

Ywy, Ritonõpo, Oesẽ oturũko ase. Seromaroro tyripotoh toehse ya. Wenikehpyra exĩko ase oorypyrykõ poko; opynanohpyra exĩko ase. Awãnohnõko ase onyrihpyry emetakame. Ywy, Ritonõpo Oesẽ, oturuno.

Joeu 3:16

Ypy Xião poe opore Ritonõpo oturũko mana, aomiry konomeru sã mana Jerusarẽ poe; nono tykytyky ãko, kapu roropa! Yrome typoetory Izyraeu tõ ewomãko mana.

Numeru 23:19

Ahno sã pyra Ritonõpo mana, ajohpe exiketõ sã pyra; tõsenetupuhtoh onytyoromara mana. Tõmiry totapose ahtao Ritonõpo a, moro rĩko mana; ‘Tyrĩko ase,’ tykase ahtao Ritonõpo a tyrĩko mã rahkene.

2 Korĩtiu 12:9

Yrome ynara nase jezukuase: “Okurãkara ase. Yrome opyno ro ase. Amaro exikehpyra ase roropa. Kure jehtoh ekarõko ase oya, yjamitunuru roropa. Tyoro se pyra exĩko mase. Jamihme pyra awahtao jamihme pyra oehtoh motye yjamitunuru ekarõko ase oya,” nase ya. Naeroro jamihme pyra jahtao ro tãkye ase. Epyrypãko ase jamihme pyra jehtoh poko, Kyrixtu a jewomary enery se jexiryke tyjamitunuru ke.

Teuteronomiu 33:27

Ritonõpo, Jũme Exikehpyra Exikety, Kuewomanekomo, kuewomatorỹko mana tomary tõ ke. Kuepetõkara aropõko mana kynenerykõme, toto enahkapõko mana kyya xine.

Piripo 4:13

Kokoro rokẽ tyjamitunuru ekarõko Kyrixtu ya. Naeroro emero rokẽ jetuarimaryhtao poremãpyra ase, yjamihtanopyryke Kyrixtu a, tyjamitunuru ke.

2 Timoteu 2:13

Ajohpe kuahtao xine, ajohpe pyra ro Jezu mana, amonohkara mana zae rokẽ toexiry poko. Ynara kara mana: ‘Moky saaro ajohpe exĩko ase,’ kara Jezu, ajohpãkarame aexiryke.”

Titu 1:2

Orihpỹme tymaro kyritorỹko Ritonõpo mana. Ajohpãkara mokyro Ritonõpo. Pake nono onyripyra ro tahtao ynara tykase ynororo tyya rokene: “Orihpỹme ypoetory tõ rĩko ase,” tykase.

Epereu 6:18

“Jomihpyry ae ro kure orĩko ase,” tykase toexiryke: “Ekurehpyra ase,” tykase roropa toexiryke, asakoro nae sytatose etyorõmara exiketomo. Ajohpe ehsaromepyra Ritonõpo mana. Naeroro kuewomanekõ maro toehse sytatose. Aomiry kurã etaryke kyya xine, oserehpyra sytatose. Kuytorykõ eraximãko sytatose Ritonõpo esaka. Naeroro onurumekara sytatose.

Epereu 7:21

Yrome Ritonõpo maro oturuketyme toehse Jezu, ynara katopõpyry ae ro Ritonõpo a: “Ekurehpyra ase. Jũme onytyoromara ase roropa. Omoro mase ymaro oturuketyme imehnõ akorehmatohme jumanatome,” katopõpyry ae ro.