1 Samueu 14:24 - Ritonõpo Omiry: A Bíblia Sagrada na língua Aparai do Brasil

²⁴ Morarame Izyraeu tõ emero tapotũkehse, jamihme pyra toehse tomirykõke, Sauu omihpyry pokoino: “Popyra exĩko mã toto emero tonahsẽ enapyryhtao jepetõkara onyporemãkara ro jahtao.” Morara exiryke otuhpyra tykohmãse toto.

1 Samueu 14:24 ပူးပေါင်းရင်းမြစ်များ

Saumu 18:47

Jepetõkara poremãkãko mana, imehnõ ahno tõ rĩko ypoetoryme,

Porowepio 11:9

Popyra exiketõ omiry imehnõ ryhmãko mana, yrome tuaro ehtoh ke zae ehtoh poko exiketõ typynanohsẽme exĩko mana.

Rewitiku 27:29

Ahno tapiakase ahtao Ritonõpo maro ehtohme, mokyro onepekahsaromepyra ropa exĩko mana. Taorihmaposẽme exĩko mana.

Rewitiku 5:4

Imepỹ ahno a osenetupuhpyra tõmiry totapose ahtao otyro ritohme, mame tuenikehse moro poko, tuaro toehse ynororo ahtao, tuãnohsẽme exĩko mana.

Numeru 21:2

Naeroro Izyraeu tõ ynara tykase Ritonõpo a: — Yna akorehmaryhtao oya mokaro poremãkatohme ipatary tõ enahkãko ynanase ipunaka.

Numeru 5:21

ah Ritonõpo awãnohno oekyry tõ rãnao. Ah omone nakyhno. Ah awakuru tyaose nexino.

Romanos 10:2

Ritonõpo omipona se yronymyryme toh mã repe, zuaro ase. Yrome Ritonõpo a zae ehtoh waro pyra toh mana.

1 Korĩtiu 16:22

“Kuesẽkõ se pyra exiketõ wãnohnõko Ritonõpo mana,” ãko ase. “Osehko ropa Jezu,” ãko ase, Kuesẽkõ oepyry ropa se jexiryke.

Jozue 6:26

Morarame popyra Jeriko tyripose Jozue a Ritonõpo omi poe. Ynara tykase ynororo Jeriko poko: — Pata Jeriko riryhtao ropa tyriry poko exikety akorekehkãko Ritonõpo mana. Moro pata apõ tõ riryhtao, tyrine mũkuru osemazupu orihnõko mana. Omõtoh apuru tõ riryhtao, tyrine mũkuru etyhpyrymã orihnõko mana.

Juize 1:28

Jamihmehxo toehse Izyraeu tõ ahtao, kananeu tõ tyrohmanohpose typoetorykõme eya xine. Yrome toto anaropopyra tokurehse toto.

Juize 5:2

Ritonõpo eahmatoko, Kuesẽkõ Imehxo Exikety! Tõximõse Izyraeu tomo etonatohme, tãkye rokẽ tõximõse toto.

1 Samueu 14:25

Mame itu htaka toytose tahtao xine ano zeni tonese eya xine nono po.

1 Samueu 14:39

Ynara ãko ase Ritonõpo Kuesẽkõ netaryme, Izyraeu tõ Ewomane netaryme, tyyrypyhpyke exikety etapãko ase umũkurume ahtao ro, tykase. Yrome onezuhpyra toh nexiase emero.

1 Samueu 18:25

Mame tozuhse toto Sauu a: — Ynara kahtoko Tawi a: “Tuisa Sauu 100me pirixteu tõ etapapory se mã oya tõxiry epehpyryme imaro oerẽnatohme, topetõkara mỹpotohme,” kahtoko eya. Yrome Tawi etapapory se Sauu nexiase pirixteu tomo a.