1 Samueu 12:21 - Ritonõpo Omiry: A Bíblia Sagrada na língua Aparai do Brasil

²¹ Imehnõ neponãmary oneahmara ehtoko, ajohpe rokẽ toto exiryke. Ãkorehmasaromepyra xine mã toto, opynanohsaromepyra xine roropa mã toto, ajohpe rokẽ toto exiryke.

1 Samueu 12:21 ပူးပေါင်းရင်းမြစ်များ

2 Tuisa 17:15

Morararo mokaro, Ritonõpo omiry omipona se pyra toh kynexine. Aomihpyry tytamurukomo a turumekase eya xine. Otato pyra toehse toto. Imehnõ neponãmary tõ toahmase eya xine, Ritonõpo kara. Mame tyneponãmarykõ poetoryme toehse toto, imehnõ Ritonõpo waro pyra exiketõ samo. Ritonõpo omipona pyra toehse toto: “Mokaro onypoenohpyra ehtoko,” katopõpyry omipona pyra.

Izaja 41:29

Mokaro ahno neponãmary tõ otyme kure? Arypyra ipunaka, tyriry waro pyra mã toto! Mokaro ahno naxikahpyry tõ isene pyra mã toto tyjamihke pyra mã toto ipunaka.”

Izaja 45:20

Ynara ãko Ritonõpo mana: “Osehtoko oximõme imeimehnõ nono põkomo isene ro exiketomo, osenepotoko apiakatoh tao! Tuaro pyra mã toto ipunaka, oturuketomo tyneponãmarykomo a, osepynanohposaromepyra exiketomo, ahno oximõme ytoytoketomo tynaxikatyã wewe risẽ puimananomo.

Izaja 46:7

Mame tyneponãmarykõ anỹnõko mã toto tymotary pona ipuimatohme, esaka tyrĩko mã toto; moroto rokẽ exĩko, ytosaromepyra mana tosary poe. Eya ahno otururuhtao onezuhsaromepyra mana; ahno onypynanohsaromepyra mana popyra ehtoh toehse ahtao eya xine.

Jeremia 10:15

Typahsẽme rokẽ mã kehko, toiparo rokẽ tyrise mã kehko. Tonahkasẽme exĩko mã kehko tooehse Kuesẽkõ ahtao toto wãnohtohme.

Jeremia 10:8

Mokaro emero zuaro pyra mã toto, putupyra exiketõ sã mã toto. Toto anamorepara ineponãmarykõ wewe risẽ mana?

Jeremia 14:22

Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”

Jeremia 16:19

Ynara tykase ywy: — Ritonõpo Jesemy, Jewomaneme mase, yjamitunuru ekarõko mase ya; jakorehmãko mase popyra ehtoh toehse ahtao ya. Sero nono etyhpyry tõ poe imehnõ ahno oehnõko oya ynara kase: “Yna tamuru tõ tyneponãmarykõ ajohpe rokẽ nae nexiase; tyneponãmarykõ typahsẽme rokẽ nae toh nexiase.

Jeremia 2:13

Azahkuru ehtoh asakoro tyrise ypoetory tomo a: turumekase ywy eya xine, itunary kurã enatyryme jahtao te, pẽkamã tahkase roropa eya xine tutunary ẽme ehtohme, konopo tunary kurãkatohme repe. Yrome toto tunary ẽ toerakase mã kehko, erurukaneme sã mã toehse kehko.”

Jeremia 2:5

Ynara ãko mana: “Oty popyra jehtoh tonese atamuru tomo a jurumekatohme eya xine? Tyneponãmarykõ typahsẽme, isene exiketõ kara toahmase eya xine, mame isaaro toehse roropa toh nexiase typahsẽme sã rokene.

Jona 2:8

Mokaro tyneponãmarykõ xihpyry eahmananomo a turumekase omoro Tosẽkõme.

Jona 2:9

Yrome ywy oeahmaryme eremiãko ase. Oya ynekarory ekarõko roropa ase. Jomihpyry ae ro, kure orĩko ase Ypynanohneme oexiryke, Ritonõpo, Jesemy.”

Apakuke 2:18

Otyme kure ahno neponãmary tomo? Ahno nyrihpyryme rokẽ moro osenekunohtohme rokene. Oturupyra mã kehko. Otãto mokyro jamitunuru enetupuhnõko nae tyrise ahtao eya ro?

Atos 14:15

— Oty katoh pui zahkãko matou? Ahno rokẽ ynanase, ritõ kara. Ritonõpo omiry ekarose ynanoehno oya xine, oorypyrykõ rumekatohme oya xine. Ritonõpo omipona rokẽ oexirykõ se ynanase. Ritonõpo mokyro kapu rihpono, nono roropa, tuna roropa, kapuaõkõ roropa, nono põkõ roropa, nakuaõkomo, enara. Emero tyrise Ritonõpo a, tykase Pauru eya xine.

1 Korĩtiu 8:4

Morarame tõsẽ rĩko imehnõ mana joroko zohme. Mame moro tõsẽ ekamõko mã toto imehnomo a. Otara ãko sytatou? “Joroko zotỹpyry onõpyra sehtone,” ãko sytatou? Yrome ritõme pyra joroko tõ mana. Ritonõpo myakãme pyra roropa mã toto. Toiro rokẽ Ritonõpo mana. Moro waro sytatose.

Teuteronomiu 11:16

Tomeseke ehtoko osenekunohpyra oehtohkõme okurohtao xine. Ritonõpo onurumekara ehtoko imehnõ ritõ panõ poko ehtohme, toto eahmatohme roropa.

Teuteronomiu 30:17

Yrome ynara ãko ase oya xine seroae: Ritonõpo rumekaryhtao oya xine, aomiry omipona se pyra awahtao xine, imehnõ oneponãmarykõ eahmaryhtao oya xine, moro toehse ahtao tonahkasẽme exĩko matose. Okynã pyra exĩko matose moro nono po, Ritonõpo nekarory oya xine oesarykõme tuna Joatão mõpozakoxi.

Teuteronomiu 32:21

Tynyrihpyrykõ ke tyhtomapose ywy eya xine, zumoxike toehse ywy toto neponãmarykõ eahmaryke eya xine. Morara exiryke zumoxike toto ripõko ase roropa ahno poko imoihmãkõme exiketõ kara, tohne toto ripõko ase, imehnõ tuaro hkopyra exiketõ ke.