1 Samueu 11:2 - Ritonõpo Omiry: A Bíblia Sagrada na língua Aparai do Brasil

² Yrome tozuhse toto Naasa a, ynara tykase: — Ỹ, ypoetoryme matose exĩko, yrome ynara se rokẽ ase oya xine: oenurukõ posohkãko ase ãpotunurukõ wino Izyraeu tõ hxirotohme emero porehme, tykase.

1 Samueu 11:2 ပူးပေါင်းရင်းမြစ်များ

Jenexi 34:14

Ynara tykase toto eya: — Yna oryxiry onekarosaromepyra ynanase orutua a jaĩpotapihpyry onysahkapyny a, yna ehxiroryino.

2 Tuisa 18:31

Ezekia omiry onetara ehtoko. Axiria tuisary omi poe osehtoko xiaro apatarykõ poe õsekarotohkõme yna a. Morara awahtao xine tuisa omi poe uwa epery enahnõko matose anarykahpyrykõ wino, fiku epery enahnõko matose otupikõ po. Tuna ẽnõko matose otunary eutary ao,

Saumu 44:13

Moro onyrihpyry yna poko enẽko mã ynakatonomory, yna eunohnõko mã toto, exianãko roropa mã toto yna poko.

Exutu 3:6

— Ywy ase Ritonõpo atamuru tõ Esemy, Aparão te, Izake te, Jako, enara. Toto esẽkõme ase, tykase. Morara kary etaryke tyya tonuru tapuruse Moeze a tomary ke. Osenuhmara toehse ynororo tõserepyryke, Ritonõpo enery zuno toexiryke.

Porowepio 12:10

Zae ehtoh poko exiketõ kure tokykõ rĩko mã toto, yrome oty kara popyra exiketõ mana tokykõ etuarimaryhtao.

Jeremia 39:7

Moromeĩpo Zetekia enuru tõ typosohkapose Napukotonozo a, keti ke metau risẽ ke tymyhse ynororo arotohme Papironia pona.

Numeru 16:14

Ajohpe pyra, yna onenehpyra mekuretyase nono kurã pona, otyro zamaro exikety pona, tupito tõ onekaropyra mexiase yna a ona kurã maro yna esaryme ehtohme. Moro motye yna enekunopyry se mahno. Ytopyra ynanase!

Juize 16:21

Tapoise ynororo pirixteu tomo a, enuru typosohkase eya xine osetatoro. Mame tarose ynororo Kaza pona, moroto tymyhse keti ke kynexine metau risẽ ke. Mame tyrohmanohpose ynororo ãpuruhpyry tao, tiriiku akuhmotoh emerehkary poko tapory ke.

1 Samueu 11:10

Morarame ynara tykase toto amonita tomo a: — Kokoro osekarõko ynanase oya xine. Mame tyrĩko matose yna poko openetatohkomo, ise awahtao xine, tykase toto.

1 Samueu 12:12

Mame Naasa amonita esẽ toehse ahtao oporemãkapose xine moserepyatose. Ritonõpo Kuesẽkõ turumekase oya xine. Morararo ya ynara matose: “Tuisa se ynanase, yna esẽme aehtohme,” matose.

1 Samueu 17:26

Mame imehnomo a tõturupose Tawi: — Oty apoĩko mokyro totapase ahtao Izyraeu tõ eunohkehpotohme? tykase Tawi eya xine. — Ritonõpo omipona pyra exiketyme mokyro pirixteu. Imehxo Ritonõpo mana. Ipoetory tõ onyporemãkasaromepyra mokyro mana, tykase Tawi.