1 Samueu 11:1 - Ritonõpo Omiry: A Bíblia Sagrada na língua Aparai do Brasil

¹ Morarame toiro nuno taropose ahtao, Naasa, amonita tõ tuisary toytose soutatu tõ maro pata Jape põkõ poremãkapose, Kireate nonory po. Mame typatary zomye tooehse Naasa soutatu tõ ahtao ynara tykase Jape põkõ eya: — Osepeme sehtone, mame opoetoryme exĩko ynanase, yna tuisaryme exĩko mase, tykase toto.

1 Samueu 11:1 ပူးပေါင်းရင်းမြစ်များ

Jenexi 26:28

Ynara tykase toto eya: — Seromaroro zuaro ynanase Ritonõpo amaro mana. Ynara osenetupuhnõko ynanase: kure exiry amaro yna otururu, õmiry etapotohme Ritonõpo netaryme

2 Samueu 10:1

Moromeĩpo Amõ põkõ tuisary Naasa toorihse. Imũkuru Hanũ tuisame toehse.

2 Samueu 10:2

Mame ynara tykase Tawi: — Kure rokẽ Hanũ rĩko ase, kure yritopõpyry sã jumy Naasa a. Naeroro typoetory tonyohse eya Hanũ zurutohme osepeme se toexiry poko repe. Yrome toeporehkase Tawi nenyohtyã ahtao Rapa pona,

2 Samueu 17:27

Mame Maanaĩ pona toeporehkase Tawi ahtao, tõseporyse Sopi maro Naasa mũkuru, pata Rapa põ Amõ nonory po, Makia maro Amieu mũkuru, Ro-Tepaa pono, Paazirai Rojerĩ põ maro, Kireate pono.

2 Samueu 2:5

typoetory tõ taropose eya Jape-Kireate põkomo a oturuse: — Kure rokẽ oriporykõ se ase Ritonõpo a Sauu tõ pyno oexirykõke, ekepyry tonẽse oya xine exiryke!

1 Tuisa 20:34

Mame ynara tykase Pẽ-Hatate eya: — Pata tõ, papa napoityã omy wino, ekarõko ropa ase oya. Mame osepekahtoh tyriko tyriry se awahtao Tamaxiku po, papa nyrihpyry sã Samaria po. Mame ynara tykase Akape eya: — Morara ahtao, osepeme kuexiryke, oẽmara ase ãpuruhpyry taka. Ytoko ropa oesaka. Naeroro imaro Akape osepeme tõsekarose toh kynexine. Mame taropose ropa ynororo eya.

1 Koronika 10:11

Mame pirixteu tõ nyrihpyry poko Sauu ekepyry poko tuaro toehse Jape-Kireate põkomo ahtao,

1 Koronika 10:12

orutua kõ orẽpyra exiketõ toytose Sauu tõ ekepyry enehse imũkuru tõ ekepyry maro. Tarose eya xine Jape pona zonẽtohme wewe karawario zopikoxi. Mame 7me tõmehse otuhpyra toh nexiase, enara.

Jo 41:4

Tõmiry etapõko nae oya toerohtohme opoetoryme, toorikyry ponãmero?

Exutu 23:32

Osepeme pyra ehtoko toto maro te, toto neponãmarykõ maro osepeme pyra ehtoko ipunaka.

Izaja 36:16

Ezekia omiry onetara ehtoko. Axiria tuisary omi poe otũtatoko apatarykõ poe õsekarotohkõme. Morara awahtao xine uwa epery enahnõko matose anarykahpyrykomo, fiku epery enahnõko matose otupikõ pono. Tuna ẽnõko matose otunary eutary aono,

Jeremia 40:11

Morararo imehnõ juteu tõ zuaro toehse Moape po toto ahtao te, Amõ po te, Etõ po te, imehnõ nonory tõ po roropa, Papironia tuisary a juteu tõ nomotopõpyry poko Juta tõ nonory po. Zuaro toehse roropa toto kowenatume Ketaria ritopõpyry poko eya.

Jeremia 40:14

Ynara tykase toto eya: — Zuaro hma, Iximaeu, Netania mũkuru tonyohse Paari, Amõ tuisary a oetapatohme? Yrome moro ajohpe tokarose Ketaria a.

Ezekieu 17:13

Toiro tuisa ekyry tapoise eya, tõmihpyry omipona mokyro tyripose eya. “Jũme amonohkara õmiry omipona exĩko ase,” kary tykamexipose eya. Orutua kõ tamuximehxo exiketõ tarose tymaro, Papironia tuisary a,

Teuteronomiu 23:3

— Orutua kõ amonitame ahtao, moapitame ahtao roropa 10me zumakahpõkõ pona omõpyra mã toto Ritonõpo Tapyĩ taka ipoetory tõ maro. Jarãnao rokẽ exĩko mã toto

Juize 10:7

Naeroro typenekehse Ritonõpo typoetory Izyraeu tõ poko, toto zehno toexiryke: “Teh,” tykase rokẽ ynororo tyyryhmase toto ahtao pirixteu tomo a, amonita tomo a roropa.

Juize 11:4

Moromeĩpo amonita tõ toytose osetapase Izyraeu tõ maro.

Juize 21:8

Naeroro tõturupose toto: — Izyraeu tõ oxiekyryme exiketõ poe, onokãkõ oehpyra tokurehse Ritonõpo ẽpataka, Mixipa pona? Mame tuaro toehse toto: Jape-Kireate põkõ emero oehpyra tokurehse toto oximõtoh taka.

1 Samueu 12:12

Mame Naasa amonita esẽ toehse ahtao oporemãkapose xine moserepyatose. Ritonõpo Kuesẽkõ turumekase oya xine. Morararo ya ynara matose: “Tuisa se ynanase, yna esẽme aehtohme,” matose.

1 Samueu 14:47

Mame tuisame toehse Sauu ahtao Izyraeu tõ esẽme, tyehnotokõ maro tõsetapase ynororo: Moape põkomo te, Amõ põkomo te, Etõ põkomo te, Zopa tuisary tomo te, pirixteu tõ maro roropa. Emero rokẽ po osetaparyhtao typoremãkase toto eya.