1 Samueu 1:9 - Ritonõpo Omiry: A Bíblia Sagrada na língua Aparai do Brasil

⁹ Morarame Xiro po toto ahtao, tõtuhkehxĩpo, Ana toytose Ritonõpo maro Oturutoh taka. Moroto Eri nexiase typorohse epehtoh po Tapyi pota tao. (Ritonõpo maro oturuketyme kynexine Eri.)

1 Samueu 1:9 ပူးပေါင်းရင်းမြစ်များ

2 Samueu 7:2

Morarame tõturuse Tawi urutõ Natã a. Ynara tykase ynororo: — Taro ase tapyi kurã tao, apupari risẽ tao. Yrome Ritonõpo omihpyry ẽ tapyi pitiko tao rokẽ mana, tykase.

Saumu 27:4

Toiro ekaropoase Ritonõpo a, moro se rokẽ ase eya: Itapyĩ tao jexiry se ase jũme, isene ro jahtao, atãkyematohme kure aexiry poko, zae ehtoh poko ekaropotohme eya.

Saumu 29:9

Wewe karawario tykytyky kamexipõko Ritonõpo omiry mana. Ituary emapõko mana wewe tõ poe. Moro sã toehse ahtao Ritonõpo Tapyĩ Kurã tao ynara kohtãko mã toto: “Saeremehxo Ritonõpo mana, imehxo mana,” ãko toto.

Saumu 5:7

Yrome yna pyno oexiryke yronymyryme omõnõko ase azarã pona Atapyĩ taka, jesekumuru po porohnõko ase oẽpataka oeahmãko ase Atapyĩ Kurã tao.

Exutu 21:6

Ritonõpo eahmatoh taka typoetory arõko esẽ mana. Moroto omõtoh pũtokoxi ipanary posohkãko mana iposohkatoh ke. Mame ipoetoryme exikehpyra exĩko mana toorikyry ponãmero.

1 Samueu 1:10

Atasamãko yronymyryme Ana nexiase. Tyxitase itamurume tõtururume Ritonõpo a.

1 Samueu 3:15

Mame moro totase tyya ahtao tohrame toehse ynororo ẽmepyry pona ro. Mame tõmehse ahtao towõse ynororo Ritonõpo Tapyĩ apuruhmakase. Yrome Ritonõpo Omihpyry ekarory poko ihxipỹke nexiase Eri a.

1 Samueu 3:3

Ritonõpo maro Oturutoh tao Samueu nexiase tohrame, tynyhtoh po. Moroto Ritonõpo omihpyry ẽ nexiase, kaxo, uuru ke aputyhpyry. Ritonõpo ezuru onezehkara ro nexiase.

1 Samueu 4:13

Mame Eri nexiase typorohse epehtoh po osema pũto eraximãko. Torẽtyke nexiase, Ritonõpo omihpyry ẽ tarose exiryke ipoenomo a etonatoh pona. Mame mokyro tururume aepyhpyry omiry etaryke pata põkomo a tõserehse toto nexiase, kui kui tykase toto, tyxitaryme.