1 Samueu 1:26 - Ritonõpo Omiry: A Bíblia Sagrada na língua Aparai do Brasil

²⁶ Ynara tykase Ana eya: — Wenikehpyra ro hma ypoko? Ywy roro ase, oturũko ke exiase taro Ritonõpo a, oneneryme.

1 Samueu 1:26 ပူးပေါင်းရင်းမြစ်များ

Jenexi 42:15

Okuhtorỹko ase ajohpe pyra oehtohkõ waro jehtohme: ãkorõkõ akomihpyry onenehpyra awahtao xine xiaro, ytopyra ropa matose taroino. Ajohpe pyra ase, morara ãko ase isene ro Ejitu tuisary ahtao.

2 Samueu 11:11

Ynara tykase Uria Tawi a: — Ritonõpo omihpyry ẽ tapyi pitiko tao mana. Morararo Izyraeu tomo, Juta tõ maro, jesẽ Joape roropa ipoetory tõ esã maro, jarao rokẽ nyhnõko mã toto. Ytosaromepyra ase ytapyĩ taka, otuhse, eukuru ẽse, ypyty maro ehse. Ritonõpo netaryme morara ãko ase, morohne onyripyra sãtãse, tykase Uria.

2 Samueu 14:19

— Joape omi poe moehno ya, morara kase? tykase. Ynara tykase nohpo: — Ajohpe pyra tuaro rukukuh ma keh. Ỹ, opoetory Joape omi poe morohne tyrise ya, morara tykase roropa ywy, tykase.

2 Tuisa 2:2

Mame osema tao ynara tykase Eria tymarono Eriseu a. — Taro exiko; tonyohse ywy Ritonõpo a Peteu pona jytotohme, tykase. Yrome ynara tykase Eriseu Eria a: — Ritonõpo Kuesẽkõ netaryme onetaryme roropa: orumekara sãtã ase, tykase. Naeroro toytose toto Peteu pona.

2 Tuisa 2:4

Mame ynara tykase Eria Eriseu a: — Taro exiko, tonyohse jexiryke Ritonõpo a, Jeriko pona jytotohme, tykase. Yrome ynara tykase Eriseu: — Ritonõpo Kuesẽkõ netaryme onetaryme roropa, ynara ãko ase oya: Orumekara ase rahkene, tykase. Naeroro toytose toto Jeriko pona.

2 Tuisa 2:6

Mame ynara tykase Eria Eriseu a: — Taro rokẽ exiko. Tonyohse ywy, tuna Joatão pona jytotohme, tykase. Yrome tozuhse ynororo Eriseu a: — Ritonõpo Kuesẽkõ netaryme, onetaryme roropa orumekara ase rahkene, tykase. Naeroro toytose ro toto.

2 Tuisa 4:30

Yrome ynara tykase mokyro nohpo Eriseu a: — Ritonõpo Kuesẽkõ netaryme, onetaryme roropa, orumekara ase taro, tykase. Naeroro toytopitose ropa toto, asakoro ro.

1 Koronika 4:10

Ynara tykase ynororo Ritonõpo Izyraeu Esemy a: — Ritonõpo, kure rokẽ kyriko. Nono konõto ekaroko ya. Ymaro exikehpyra exiko. Kypynanohko jetũ kamexipory se exiketõ winoino emero. Mame totase ynororo Ritonõpo a, ipenetatoh tokarose eya.

1 Samueu 17:55

Mame Tawi enẽko Sauu nexiase aytoryhtao pirixteu etapase. Tõturupose ynororo tysoutatu esemy Apinea a: — Apinea, onoky mũkuru koh mose ro? tykase. — Kũ morararo zuaro pyra ase, tykase ynororo eya.

1 Samueu 20:3

Yrome Tawi a tozuhse: — Omy tuaro mana osepeme kuexiry poko. Naeroro ynara ãko mã tyya rokene: “Umũkuru Jonata sero poko zuaro ehsaromepyra mana aemynyhmaryino,” ãko mã ynororo. Naeroro ynara kary se ase oya, Ritonõpo isene exikety zuaro, ameke pyra jorikyry mana, tykase Tawi.

1 Samueu 25:26

Seromaroro Ritonõpo a takorehmase omoro imehnõ onetapara oehtohme, emỹpopyra amoreme oehtohme. Ynara se ase Ritonõpo a ozehnotokõ emero tuãnohsẽme, mokyro Napau ehtoh samo.