1 Samueu 1:22 - Ritonõpo Omiry: A Bíblia Sagrada na língua Aparai do Brasil

²² Ana rokẽ ytopyra nexiase morome. Ynara tykase ynororo tynio a: — Meta, ytopyra ase aporo amaro xine, umũkuru suhsu ẽnõko ro exiryke. Tõkehse ahtao rokẽ mose arõko ase ekarotohme Ritonõpo a, Kuesẽkomo a, mame jũme moroto exĩko mana, tykase jeny.

1 Samueu 1:22 ပူးပေါင်းရင်းမြစ်များ

Saumu 110:4

Ritonõpo Kuesẽkomo a tõmiry totapose, jũme onytyoromara ehtohme. Ynara tykase: “Omoro mase oturuketyme ya jũme, Meukizeteke oturuketyme ehtopõpyry samo.”

Saumu 23:6

Ypyno exikehpyra mase, kure rokẽ jyrikehpyra roropa mase jorikyry ponãmero. Mame atapyĩ taka ytõko ase osesarise, jũme oesary mã jesaryme exĩko mana.

Saumu 27:4

Toiro ekaropoase Ritonõpo a, moro se rokẽ ase eya: Itapyĩ tao jexiry se ase jũme, isene ro jahtao, atãkyematohme kure aexiry poko, zae ehtoh poko ekaropotohme eya.

Exutu 21:6

Ritonõpo eahmatoh taka typoetory arõko esẽ mana. Moroto omõtoh pũtokoxi ipanary posohkãko mana iposohkatoh ke. Mame ipoetoryme exikehpyra exĩko mana toorikyry ponãmero.

Izaja 9:7

Tuisa Tawi paryme exĩko mana, imyakãme roropa tuisame. Mame jamihme aexiry wãtãko itamurume mana. Jũme osetapara exĩko ipoetory tõ mana. Zae ehtoh poko tuisame erohnõko mana, kure ehtoh tyripõko roropa mana. Apitorymã poe morara ehtoh exikehpyra exĩko mana jũme. Sero põkõ pyno toexiryke ipunaka, Kuesẽkõ Jamihmehxo Exikety morohne ripõko mana, emero.

Rewitiku 25:23

Nono esẽme Ritonõpo mana; naeroro nono topekahse ahtao ahno a jũme pyra moro nono esẽme exĩko mokyro mana. Esẽme nymyry Ritonõpo mana, katonõme rokẽ sytatose eya, axĩtao rokẽ osesarĩko sytatose inonory po.

Ruka 2:22

Morarame 40me aenurutopõpyry tõmehse ahtao, Jezu tarose jũmane a. Jerusarẽ pona toytose toto typyty maro. Jezu tarose enepotohme Ritonõpo maro oturuketomo a Moeze omihpyry ae ro. Ynara tymeropose pake Ritonõpo a: “Orutuame tonuruse ahtao, osemazuhme ahtao, umũkurume mã exĩko,” tykase. Morara exiryke Jezu tarose Jerusarẽ pona, ekarotohme Ritonõpo a, imaro oturutoh taka: “Mose omũkurume nase,” katohme eya.

Teuteronomiu 16:16

— Morohne oseruao oximõtohme mana Izyraeu tõ emero ytotohme Ritonõpo ẽpataka, inymenekahpyry pona toahmatohme: Oseahmatoh Paxikoa te, Oseahmatoh Tykyrysã Apoitoh poko te, Oseahmatoh Tapyi Pisarara poko, enara. Mame oytorykohtao tokarosẽ arotoko onekarorykõme Ritonõpo a.

Jozue 4:7

toto zurũko matose, sero Joatão tunary etypohtopõpyry poko, takuohse Ritonõpo omiry ẽ ahtao. Sero topu tõ eneryke tyya xine wenikehpyra Izyraeu tõ exĩko mã toto sero poko.

1 Samueu 1:11

Ynara tykase ynororo: — Ritonõpo Imehxo Exikety, jotururu etako. Poeto pitiko ekaroryhtao ya umũkurume, ekarõko ropa ase oya jũme amaro aerohtohme toorikyry ponãmero. Morararo zũsety onysahkara mana opoetoryme aexiry waro emero ehtohme, tykase Ana.

1 Samueu 1:28

Morara exiryke seromaroro mose umũkuru ekarõko ase Kuesẽkomo a, jũme ipoetoryme aehtohme toorikyry ponãmero, tykase Ana Eri a. Mame Ritonõpo toahmase eya xine moroto.

1 Samueu 13:13

— Onyrihpyry zae pyra kynako, rowohpã nyriry sã kynako! tykase Samueu. — Ritonõpo Kuesẽkõ omihpyry omipona pyra mexino. Aomipona nymyry toehse awahtao jũme tuisame mexiry. Omũkuru roropa te, apakõ roropa Izyraeu tõ esẽme exiry toto, jũme.

1 Samueu 2:11

Morarame toytose ropa toto, Eukana tomo, tosaka xine Rama pona. Yrome Samueu ytopyra ropa nexiase. Moroto tynomose jẽ tomo a, Eri akorehmaneme, Ritonõpo maro Oturutoh tao.

1 Samueu 2:18

Poetome ro Samueu ahtao toerohse ynororo Ritonõpo poetoryme, zumo pyra ro tahtao. Upo Eri zupõ panõ ao nexiase ynororo.

1 Samueu 28:2

Tawi a tozuhse, ynara tykase: — Ỹ, taro ynanase ãkorehmatohme! Amaro yna ahtao orẽpyra yna ehtoh enẽko mase, tykase ynororo. — Kure, tykase Akixi, jũme jewomaneme orĩko ase, tykase ynororo Tawi a.

1 Samueu 3:1

Mame Samueu pitiko ahtao ro Eri akorehmaneme toehse. Takorehmase ynororo Ritonõpo eahmary poko. Morara ahtao oturupyrahme sã Ritonõpo nexiase. Toitoine rokẽ ipoetory tõ tõsenehse Ritonõpo poe roropa.