1 Samueu 1:17 - Ritonõpo Omiry: A Bíblia Sagrada na língua Aparai do Brasil

¹⁷ Mame morara kary etaryke tyya, ynara tykase Eri: — Ỹ, ytoko ropa. Torẽtyke pyra exiko. Onekaropohpyry ekarõko Ritonõpo mana Izyraeu Esẽ oya, tykase.

1 Samueu 1:17 ပူးပေါင်းရင်းမြစ်များ

Jenexi 25:21

Mame emũkuasaromepyra Repeka kynexine, naeroro tõturuse Izake Ritonõpo a typyty poko. Aomiry totase Ritonõpo a, mame poetoẽme toehse ynororo.

2 Samueu 15:9

— Kure rokẽ ytoko, tykase tuisa Tawi eya. Mame toytose ynororo Eperõ pona.

2 Tuisa 5:19

— Torẽtyke pyra exiko. Kure rokẽ ytoko, tykase Eriseu eya. Mame Naamã toytose. Ameke pyra toytose ynororo ahtao

1 Koronika 4:10

Ynara tykase ynororo Ritonõpo Izyraeu Esemy a: — Ritonõpo, kure rokẽ kyriko. Nono konõto ekaroko ya. Ymaro exikehpyra exiko. Kypynanohko jetũ kamexipory se exiketõ winoino emero. Mame totase ynororo Ritonõpo a, ipenetatoh tokarose eya.

Maku 5:34

Morarame ynara tykase Jezu: — Kuku, jupõ mytemuhmano okurãkatohme. Kuenetupuhno. Morara exiryke kure ytoko ropa. Tukurãkase ropa mase, tykase Jezu eya.

Ruka 7:50

Mame ynara tykase Jezu nohpo a: — Tonetupuhse oya jexiryke typynanohse mase. Ytoko ropa. Torẽtyke pyra exiko, tykase Jezu eya.

Ruka 8:48

Morarame ynara tykase Jezu eya: — Kuku, tonetupuhse jexiryke oya tukurãkase ropa mase. Naeroro oserehpyra exiko. Kure rokẽ ytoko ropa, tykase Jezu eya.

Juize 18:6

Ynara tykase oturukety eya xine: — Torẽtyke pyra ehtoko. Ritonõpo amaro xine exĩko mana seromaroro oytorykohtao.

1 Samueu 1:16

Popyra exiketyme jekaropyra exiko, tykase. — Oturũko rokẽ ase Ritonõpo a jemynyhmaryme, jatasamaryke roropa, tykase Ana.

1 Samueu 1:23

— Ỹ, tykase inio Eukana. — Omoro rokẽ zuaro, tykase. — Taro rokẽ exiko tapyi tao kumũkuru suhsu ẽkepyry ponãmero. Ritonõpo a ãkorehmary se rokẽ hano onetapohpyry omipona oehtohme, tykase inio. Naeroro tytapyĩ tao rokẽ tehme toehse nohpo tumũkuru maro suhsu ẽkepyry ponãmero.

1 Samueu 20:42

Mame ynara tykase Jonata Tawi a: — Ritonõpo amaro se ase! Ytoko, osepeme exikehpyra sytase, kuomihpyry ae ro, Ritonõpo netaryme. Ynara ãko sytase “Ritonõpo kuenẽko mana omoro, ywy, enara. Kypoenõkõ enẽko roropa mana opoenõ maro, ypoenomo, enara, jũme,” ãko sytase. Mame toytose ropa Tawi. Morarame pata pona Jonata toeramase ropa.

1 Samueu 25:35

Mame nohpo nekarohpyry tapoise Tawi a. Ynara tykase ynororo eya: — Kure rokẽ ytoko ropa atapyĩ taka. Torẽtyke pyra exiko õmiry totase ya exiryke, tykase Tawi.

1 Samueu 29:7

Morara exiryke ytoko ropa atapyĩ taka, osepeme ro sytase. Naeroro tehme rokẽ ehtoko ozehno xine pyra pirixteu tõ tuisary ehtohme, tykase Akixi.