1 Samueu 1:15 - Ritonõpo Omiry: A Bíblia Sagrada na língua Aparai do Brasil

¹⁵ — Arypyra, Pãna, tykase ynororo. — Atasamãko ase yronymyryme ukurohtao. Eukuru onẽpyra akene. Oturũko rokẽ akene Ritonõpo netaryme jatasamaryke ukurohtao.

1 Samueu 1:15 ပူးပေါင်းရင်းမြစ်များ

Jo 30:16

“Seromaroro typenekehse ywy isene ro jehtoh poko; sam katoh a typoremãkase ywy.

Saumu 143:6

Jemary tõ anỹnõko ase oneneryme, Ritonõpo, jotururume oya; nono tonorẽ sã tuna zehnãko ase opoko.

Saumu 42:4

Ukurohtao sam ãko ase josenetuputyryhtao pake ehtopõpyry poko, toytose jahtao imoihmãkõ maro Ritonõpo maro oturutoh taka. Esemazupurume ytoase imaro xine, oximõme atãkyemãko, eremiãko kohtãko Ritonõpo eahmãko.

Saumu 62:8

Wekyry tomo, Kuesẽkõ onenetupuhkehpyra ehtoko! Osekarotoko eya, Kuewomanekõme ynororo exiryke, kuesarykõ kurano.

Saumu 62:9

Ahno tomo, tymõkomokẽkara roropa, imehxo exiketõ roropa, otyme kure sytatou? Puu katoh sã rokẽ sytatose. Omoxinety kuhtoh po kuahtao xine zohzohme sã kuexirykomo, puu katoh sã rokene.

Porowepio 14:10

Omoro rokẽ sam katoh waro mase okurohtao; omoro rokẽ atãkyemary waro roropa mase, imehnõ okurohtao onenepyra exiryke.

Porowepio 15:1

Zehno exikety ezukuruhtao tomeseke samo zehno hkopyra exĩko mana, yrome õmiry ke jamihme ezukuruhtao ihtomapõko sã mase.

Porowepio 25:15

Inehmỹke pyra awahtao, axĩ pyra imehnõ tuarõtanohpõko mase ise oehtoh se roropa toto ehtohme, tuisa tõ osenetuputyry tyoromãko roropa mase.

Ramẽtasão 2:19

Koko owõko ikohmatohme Ritonõpo a ãkorehmapotohme. Yronymyryme ekaropoko eya, õtururukõme eya opoenõ pynanohtohme eya. Orihnõko mã toto osema tõ ao omise konõto toexirykõke.

1 Samueu 1:16

Popyra exiketyme jekaropyra exiko, tykase. — Oturũko rokẽ ase Ritonõpo a jemynyhmaryme, jatasamaryke roropa, tykase Ana.

1 Samueu 7:6

Naeroro tõximõse toto emero porehme Mixipa po. Mame tuna tupuimase eya xine ikuãtohme nono pona tynekarorykõme Ritonõpo a. Otuhpyra toehse toto tõtururukõke Ritonõpo a. Ynara tykase toto: — Iirypyryme toehse ynanase oneneryme, Ritonõpo, yna Esemy, tykase toto. Mame moroto, Mixipa po Izyraeu tõ takorehmase Samueu a zae ehtoh poko toto ehtoh poko.