1 Peturu 3:12 - Ritonõpo Omiry: A Bíblia Sagrada na língua Aparai do Brasil

¹² Ynara exiryke, oenetorỹko Kuesẽkõ mana kure awahtao xine. Õmirykõ etãko roropa mana imaro õtururukohtao. Yrome tyyrypyry poko exiketõ zehno mana,” me tymerose.

1 Peturu 3:12 ပူးပေါင်းရင်းမြစ်များ

2 Koronika 16:9

Kokoro rokẽ sero nono põkõ enẽko Ritonõpo mana emero porehme. Tyjamitunuru ekarõko mana yronymyryme aomiry omipona exiketomo a. Putupyra exikety sã myriase, naeroro taroino osetapakehpyra mase.

2 Koronika 7:15

Kure rokẽ õmirykõ etãko ase, ya õtururukohtao sero Tapyi tao.

Saumu 11:4

Ritonõpo Kuesẽkõ Tytapyĩ Kurã tao mana; tuisa imehxo mana, tapõ po kapu ao. Sero nono põkõ emero enẽko mana, toto nyriry waro mana.

Saumu 33:18

Ritonõpo Kuesẽkõ rokẽ mã tõmiry omipona exiketõ ewomãko mana. Ynoro rokẽ mã typyno xine aehtoh enetupuhnanõ kurãkãko mana.

Saumu 65:2

Yna otururu etaneme oexiryke, oya ahno emero nono põkõ oehnõko mana oeahmase

Saumu 80:16

Takohse mana yna epetõkara a, tyahkase roropa eya xine. Zehno mokaro eneko toto enahkatohme oya.

Porowepio 15:29

Ameke rokẽ exĩko Ritonõpo mana popyra exiketõ wino, yrome zae ehtoh poko exiketõ otururuhtao eya etãko mana.

Porowepio 15:3

Sero nono põkõ emero enẽko Ritonõpo mana; zae ehtoh poko exiketõ enẽko mana, zae pyra ehtoh poko exiketõ enẽko roropa mana.

Porowepio 15:8

Ritonõpo zamaro mana zae ehtoh poko exiketõ otururuhtao eya, yrome popyra exiketõ nekarotyã eya ise pyra mana ipunaka.

Jeremia 21:10

Ynara tõsenetupuhse ywy, sero pata onewomara exĩko ase, enahkapõko ase. Tokarosẽme exĩko mana Papironia tuisary a, mame jahkãko mana porehme. Ywy Ritonõpo oturuno.

Jeremia 39:12

— Ytoko Jeremia enehse, ipyno exiko. Tomeseke exiko ipoko, ise ynororo ehtoh ekaroko eya.

Ezekieu 15:7

Toto wãnohnõko ase. Toepase toto apotoh takuroko, yrome seromaroro toto enahkãko apoto mana. Mokaro wãnopyryhtao ya zuaro exĩko matose, ywy ase Ritonõpo.

Rewitiku 17:10

Munu enapyryhtao Izyraeume exikety a te, imepyny a roropa Izyraeu tõ maro exikety a, mokyro wãnohnõko Ritonõpo mana, typoetory tõ poe mokyro aropõko mana.

Rewitiku 20:3

Mokyro zehno exĩko ase, aorihmapõko ase tumũkuru tokarose eya exiryke Moroke eahmatohme. Moro ke Ytapyĩ Kurã nuriame tyripose eya, moroto jesaryme, jesety kurã nuriame tyrise roropa eya.

Rewitiku 20:6

— Ahno ytoryhtao aorihtyã zuzenu kohmananomo a takorehmapotohme, mokaro a roropa joroko poko exiketomo a imeĩpo ehtoh waro ehtohme, mokyro wãnohnõko ase iirypyry pokoino, aropõko ase ypoetory tõ tae.

Rewitiku 26:17

Ãkorekehkatorỹko ase, oporemãkapotorỹko ase oepekõkara a. Typoetoryme oritorỹko mã toto, epãko matose oekahmara xine imehnõ ahtao ro.

Zakaria 4:10

Mame mokaro, tãkye pyra exiketõ moro ripitory eneryke tyya xine, atãkyemãko mã toto Ytapyĩ Kurã otyhkanopyry Zoropapeu a eneryhtao tyya xine. — Moro 7me nãparina tomo Ritonõpo enuru tõ 7mãkõ enetupuhpotohme mã toto. Emero enẽko Ritonõpo mana, sero nono po, porehme.

João 9:31

Iirypyrymãkõ omiry onetara Ritonõpo mana. Moro waro sytatose. Yrome tõmiry omipona se exiketõ etãko mana. Tõmipona exiketõ etãko roropa mana, enara rokene.

Teuteronomiu 11:12

Moro nono pyno Ritonõpo Kuesẽkõ mana, ipoko wenikehpyra mana jeimamyry exipitory poe enatyry pona.

Tiaku 5:16

Morara exiryke iirypyryme awahtao xine ekarotoko imehnõ netaryme, oorypyrykõ rumekatohme ropa oya xine, ikorokatohme roropa Ritonõpo a. Oturutoko Ritonõpo a imehnõ poko roropa okurãkatohkõme ropa. Mame aomipona exiketõ otururuhtao yronymyryme õmirykõ etãko Ritonõpo mana. Tyjamitunuru ekarõko oya xine mana tõmipona exiketõme oexirykõke.