1 Peturu 1:24 - Ritonõpo Omiry: A Bíblia Sagrada na língua Aparai do Brasil

²⁴ Ynara tymerose Ritonõpo omiryme: “Sero põkõ onahpoty sã mana. Toto kure exiry ona ekuru sã roropa mana. Onahpoty orihnõko, ekuru ohpahnõko.

1 Peturu 1:24 ပူးပေါင်းရင်းမြစ်များ

2 Tuisa 19:26

Naeroro moro pata põkõ tyjamihkehse toh nexiase. Enaromỹke toh nexiase. Toehxirose toto. Onahpoty sã toehse toh nexiase ona po. Ãtarykahmã sã roropa tapyi po, tyryrykane axitũ toehse ahtao xixi tũtatoh wino.

Jo 14:2

Ekuru sã sytatose ekutãko, mame aremãnõko sã sytatose. Jerutumã sã exikehnõko sytatose osenepyra exĩko.

Saumu 102:4

Tapotũkehse ywy onahpoty sã ase tysahkase ahtao, tytũtũmase ahtao; omise pyra ase ipunaka.

Saumu 103:15

Isene kuehtohkõ onahpoty sã mana; ahtãko mana ekutãko roropa mana ona po.

Saumu 129:6

Ah onahpoty sã nexĩ toto tapyi amotoh po, axĩ orihnõko mana ahtara ro ahtao;

Saumu 37:2

Onahpoty anoryry sã, okynã pyra osenepyra exĩko mã toto; orihnõko mã toto otyro orikyry sã xixi ao.

Saumu 39:6

Ytoytõko mana jerutu sã rokene. Otyme kure yronymyryme aerokuru? Tineru apoitohme repe, yrome imeĩpo onoky tinerũme exĩko nae?

Saumu 90:5

Yna arõko mase tuna zueme ehtoh samo, osenehtopõpo sã axĩtao rokẽ ynanase. Ãtarykahmã sã ynanase, ẽmepyry exipitory samo,

Saumu 92:7

popyra exiketõ emãnõko ãtarykahmã samo, azahkuru exiketõ tymõkomoke exĩko roropa, repe, yrome tonahkasẽme exĩko mã toto.

Izaja 51:12

Ynara ãko Ritonõpo mana: “Ywy ase ajamihtanohneme. Naeroro ahno zuno pyra ehtoko, axĩtao rokẽ mã toto, onahpoty samo.

Mateu 6:30

Ritonõpo ona Rihpõ mokyro. Axĩ onahpoty ahtanohpõko mana, ahtanohpory se tahtao. Yrome axĩ orihnõko ropa mana onahpoty. Axĩ roropa enahnõko mana apoto ke tyahkase ahtao. Morararo oupõkõ riry tupime pyra Ritonõpo a. Onahpoty pyno toexiry motye opyno xine toexiryke pitiko rokẽ tonetuputyryhtao ro oya xine.

Tiaku 4:14

Ynara exiryke, yrokokoro otara tyko kuehtohkõ onenetupuhpyra sytatose. Kuorikyrykõ onenetupuhpyra roropa sytatose. Akurũ sã sytatose. Pakeimo ke akurũ mana. Mame okynã pixo toehse ahtao akurũ osenepyra exĩko mana. Moro sã rokẽ sytatose, akurũ samo, axĩtao rokene.

1 João 2:17

Sero nono enahkãko mana. Epõkõ enahkãko roropa mana. Emero toto penetatopõpyry maro toto enahkãko mana. Yrome Ritonõpo omipona exiketõ isene exĩko toh mana jumãme.