1 Koronika 5:1 - Ritonõpo Omiry: A Bíblia Sagrada na língua Aparai do Brasil

¹ Ynara mã Rupẽ pakomotyamo, Jako mũkuru apitorymano. (Tumy pyty toiro poko toehse toexiryke ime toehtopõpyry tomapose eya. Imehxo ehtoh tokarose Joze a turui myakãme.

1 Koronika 5:1 ပူးပေါင်းရင်းမြစ်များ

Jenexi 25:23

mame ynara tykase Ritonõpo eya: “Awakuru ao opoenõ kamaramãkõ ahno tamurume exĩko mã toto. Emũkuãko mase kamarame, oxise pyra exĩko mã toto. Toiro omũkuru orẽpyra exĩko mana. Osemazupuru poremãkapõko akomihpyry mana,” tykase Ritonõpo eya.

Jenexi 25:31

— Ỹ, seny ekarõko ase oya, yrome imehxo oehtoh ekaroko ya, osemazupume oexiryke, tykase.

Jenexi 29:32

Poetoẽme toehse Reia, toemũkuase Rupẽme. Ynara tykase ynororo: — Tãkye pyra jehtopõpyry tonese Ritonõpo a, yrome taroino ypyno exĩko ynio mana.

Jenexi 35:22

Morarame moroto Jako tõ toehse ahtao, imũkuru Rupẽ Pira poko toehse tumy pyty poetory, yrome ipytyme ro. Moro waro toehse Jako ahtao tyekĩtapãse ynororo.

Jenexi 46:8

Ynara Izyraeu tõ toytose Ejitu pona: Jako tomo: Rupẽ, imũkuru osemazupu te

Jenexi 48:5

Mame ynara tykase roropa Jako Joze a: — Seromaroro omũkuru tõ Eparaĩ te, Manase maro, taro Ejitu po aenurutyamo oehpyra ro jahtao, umũkurume mã toto. Eparaĩ te, Manase maro umũkurume mã toto, umũkuru Rupẽ ehtoh samo te, Ximeão sã roropa.

1 Koronika 2:1

Jako tumũkue kynexine 12me: Rupẽ te, Ximeão te, Rewi te, Juta te, Isakaa te, Zepurõ te,

1 Koronika 26:10

Merari ekyry tõ wino Hosa toehse tumũkue exikety 4me: Xiniri tuisame tymenekase jumy a, apitoryme pyra tonuruse ahtao ro te,

Exutu 6:14

Ynara mã oxiekyryme exiketomo, Moeze tõ tamuru tomo, Arão maro: Rupẽ, Jako mũkuru apitorymano toemũkuase asakoropane: Enoke te, Paru te, Ezerõ te, Karami, enara. Mokaro mã Rupẽ ekyry tomo.

Rewitiku 18:8

Imepỹ ke typye omy ahtao, mokyro maro pyra exiko, ipoko pyra exiko.

Rewitiku 20:11

Tumy pyty poko toehse orutua ahtao, popyra tumy rĩko mã ynororo. Naeroro totapasẽme exĩko mana, nohpo roropa totapasẽme exĩko, zae pyra toehse toto exiryke.

Numeru 1:5

Ynara mã toto orutua komo, tyekyrykõ tuisaryme exiketomo, ãkorehmatohkõme: Rupẽ tõ tuisary Erisua, Seteua mũkuru. Ximeão tõ tuisary Serumieu, Zurisatai mũkuru. Juta tõ tuisary Nasõ, Aminatape mũkuru. Isakaa tõ tuisary Netaneu, Zuaa mũkuru. Zepurõ tõ tuisary Eriape, Herõ mũkuru. Eparaĩ tõ tuisary Erisama, Amiute mũkuru. Manase tõ tuisary Kamarieu, Petasua mũkuru. Pẽjamĩ tõ tuisary Apitã, Kiteoni mũkuru. Tã tõ tuisary Aiezea, Amisatai mũkuru. Asea tõ tuisary Pajieu, Okarã mũkuru. Kate tõ tuisary Eriasape, Teueu mũkuru. Napatari tõ tuisary Aira, Enã mũkuru. Mokaro tymenekase tuisame toto ehtohme tyekyry tõ akorehmaneme toto ehtohme Izyraeu tõ rãnao.

Numeru 16:1

Kora, Isara mũkuru, Koate ekyry, Rewi pakomotyã ekyry ajoajohpe toehse. Typenekehse ynororo Moeze tutuisarykõme ehtoh poko. Tõximõse ynororo oseruao orutua kõ maro, Rupẽ pakomotyamo. Asakoro toh nexiase Eriape mũkuru tomo, Tatã te, Apirão maro; imepỹ nexiase Om, Perete mũkuru. Imehnõ orutua kõ 250mãkõ toahmase roropa Kora a, tamuximãkomo, orẽpyra exiketomo, tuisamãkomo.

Numeru 26:5

Rupẽ tõ oxiekyrymãkomo (Rupẽ osemazuhme aenuruhpyryme nexiase Jako mũkurume): Ipoenõ nexiase Enoke te, Paru te,

1 Korĩtiu 5:1

“Toiro Korĩtu põ tumy pyty maro toehse mana, Jezu poetoryme tahtao ro,” tykase oehsenã ya. Morara popyra Ritonõpo a. Ritonõpo waro pyra exiketõ roropa morara sã ahtao ihxipỹke exiry tyyrypyrykõ poko.

Teuteronomiu 21:17

Tymõkomory itamurumehxo ekarõko mana tumũkuru osemazuhme aenuruhpyryme exikety a, nohpo ise hkopyra exikety mũkurume ahtao ro. Osemazuhme aenuruhpyryme exikety mõkomo apoĩko mana asakoro imehnõ apoiry samo.

Teuteronomiu 27:20

— “Popyra ehtoh enehpoko ahno wãnohtohme tumy pyty poko toehse aexihpyry, moro ehxirotoh konõto jumy a!” Mame ezuhnõko imoihmãkõ mana: “Aõ! Amem!”

Teuteronomiu 33:17

Kure potu mana pui orutua wãtasenãme exikety samo, tyretyke exikety samo. Iretyry mã miu motye Manase pakomotyamo, tuhke miumãkõ roropa Eparaĩ pakomotyamo. Mokaro maro Joze tõ osetapãko topetõkara maro, toto purohmãko mana sero nono poro porehme.”

Koroxi 1:15

Ritonõpo osenepyra mana. Morara exiryke Tumũkuru tonehpose eya sero nono pona zuaro kuehtohkõme. Isã Imũkuru mana ipunaka. Apitoryme tonuruse ynororo Ritonõpo mũkurume. Eya emero tyripose Ritonõpo a. Tynyrityã motye kure ynororo Ritonõpo mũkurume toexiryke.

Jozue 14:6

Morarame Karepe Juta parỹpyryme kynexine. Toytose ynororo oturuse Jozue maro Kiukau pona. Karepe kynexine Jepone mũkurume, Kenezeu paryme kynexine ynororo. Ynara tykase ynororo Jozue a: — Tuaro ro hma Ritonõpo omihpyry poko Moeze a Kate-Panea po kuahtao xine?