1 Koronika 2:4 - Ritonõpo Omiry: A Bíblia Sagrada na língua Aparai do Brasil

⁴ Tamara, Juta mũkuru pytỹpyry toemũkuase asakoro Juta mũkuru tomo: Pereze te, Zera, enara.

1 Koronika 2:4 ပူးပေါင်းရင်းမြစ်များ

Jenexi 38:11

Mame ynara tykase Juta typary eny a: — Ytoko ropa omy tapyĩ taka, pytỹpome rokẽ exiko umũkuru Sera eraximatohme, tuãtase ahtao ipytyme oehtohme, tykase. Morara tykase ynororo, Sera orikyry zuno toexiryke, irui tõ samo. Naeroro toytose Tamara tumy tapyĩ taka ropa.

1 Koronika 2:5

Pereze toemũkuase asakoro: Ezerõ te, Hamuu, enara.

1 Koronika 4:1

Mame Juta pakomotyã ynara kynexine: Pereze te, Ezerõ te, Karami te, Huru te, Sopau, enara.

1 Koronika 9:4

690me jũkomo tytapyĩ taõkõ maro, Juta ekyry tomo, Jerusarẽ po toh kynexine. Juta mũkuru Pereze pakomotyã tuisary kynexine Utai, Amiute mũkuru, Onori pary. Itamuru tõ kynexine: Iniri te, Pani, enara. Juta mũkuru Sera pakomotyã tosẽke toh kynexine Asaia, tyekyry tõ tuisary. Juta mũkuru Zera pakomotyã tuisary Jeueu kynexine.

Neemia 11:24

Petaia, Mesezapeu mũkuru, Zera ekyryme, Juta parỹpyryme roropa toerohse Izyraeu tõ akorehmaneme, Perexia tuisary konõto ẽpataka.

Neemia 11:4

Juta pakomotyamo: Ataia, Uzia mũkuru, Zakaria pary. Itamuru tõ kynexine: Amaria te, Sepatia te, Maarareu, enara, Pereze, Juta mũkuru pakomotyamo;

Numeru 26:13

Zera tomo te, Sauu tomo, enara.

Mateu 1:3

Juta mokyro Pereze zumy, Zera zumy roropa. Jẽkõ Tamara kynexine. Pereze mokyro Ezerõ zumy. Ezerõ roropa Arão zumy.

Ruka 3:33

Nasõ mokyro Aminatape mũkuru. Aminatape mokyro Atimĩ mũkuru. Atimĩ mokyro Ani mũkuru. Ani mokyro Ezerõ mũkuru. Ezerõ mokyro Pereze mũkuru. Pereze mokyro Juta mũkuru.

Ruti 4:12

Omũkurukõ tuhke ekaropory se Ritonõpo a ynanase, Pereze poenõ ekarotopõpyry samo, Juta mũkuru Tamara maro!, tykase toto.

Ruti 4:18

Ynara kynexine Tawi tamuru tomo Pereze poe: Pereze kynexine Ezerõ zumy, Ezerõ kynexine Rão zumy, Rão kynexine Aminatape zumy, Aminatape kynexine Nasõ zumy, Nasõ kynexine Saumõ zumy, Saumõ kynexine Poaze zumy, Poaze kynexine Opete zumy, Opete kynexine Jese zumy, Jese kynexine Tawi zumy, enara.