1 João 2:20 - Ritonõpo Omiry: A Bíblia Sagrada na língua Aparai do Brasil

²⁰ Yrome oya xine Ritonõpo Zuzenu tokarose Kyrixtu a. Morara exiryke zae ehtoh waro matose.

1 João 2:20 ပူးပေါင်းရင်းမြစ်များ

Saumu 16:10

Oya, Ritonõpo, towomase jexiryke jurumekara mase aorihtyã esao jahtao. Onymenekahpyry kurã onymotanohpopyra mase.

Saumu 23:5

Otuhtoh konõto rĩko sã mase jotuhtohme tomyehmase jahtao jepetõkara a. Oty kara ase toahmase jexiryke oya, tãkye ase oepeme jekaroryke oya, pehme sã ase ukurohtao ypyno oexiryke.

Saumu 45:7

Zae ehtoh pyno mase, popyra ehtoh se pyra mase ipunaka. Morara exiryke Ritonõpo Oesemy a tymenekase mexiase, oya tãkye ehtoh ekaroase imehnõ tuisa tomo a inekarohpyry motye.

Saumu 71:22

Rue ke, haapa ke oeahmãko ase rahkene. Zae oehtoh anamonohpyra exiryke oeahmãko ase Ritonõpo, Jesemy! Onetaryme eremiãko ase, haapa maro, Kurãme exikety, Izyraeu tõ Esemy.

Saumu 92:10

Tyjamihtanohse ywy oya pui orutua itu htaõ samo; kure kyriase tãkye jehtoh ke.

Porowepio 28:5

Zae ehtoh waro pyra mã popyra exiketomo, yrome Ritonõpo omiry waro se exiketõ zae ehtoh enetupuhnõko mã toto.

Izaja 43:3

Ritonõpo Oesẽkõme jexiryke, Izyraeu tõ Rihpono kurano, Opynanohnekomo. Ejitu ekaroase, Etiopia roropa, Sepa maro, oepehpyryme ypoetoryme oehtohme.

Izaja 61:1

Ritonõpo Imehxo Exikety a Tuzenu tokarose ya, tymenekase jexiryke eya omi kurã arotohme tymõkomokãkara a. Tonyohse ywy eya typoremãkase aexityã ãkyematohme. Tonyohse ywy eya imehnõ namoto tõ myhpokatoh ropa ekarotohme, ãpuruhpyry taõkõ tũtatoh ekarotohme roropa.

Jeremia 31:34

Typãnarykõ anamorepara exĩko mã toto, tyekyrykõ roropa anamorepara exĩko mã toto, ynara kary se pyra exĩko mã toto: “Ritonõpo enetupuhko oesẽme.” Juaro exĩko mã toto emero porehme, tamuximãkomo, poeto tõ roropa. Popyra toto nyrihpyry korokãko ase, jũme zae pyra toto ehtopõpyry wenikehnõko ase. Ywy Ritonõpo oturuno.

Rewitiku 7:35

Morohne okyno zokonaka, totapase ahtao jahkatohme ahno nekaroryme Ritonõpo a, Arão zohme mana, ipoenõ maro, ipakomotyã maro moro ẽmepyry poe tymenekase toto ahtao erohtohme oturuketõme.

Mateu 13:11

Ynara tykase Jezu eya xine: — Oesẽkõme Ritonõpo exiry poko ãmorepatorỹko ase. Yrome mokaro tuaro pyra ro mana.

Maku 1:24

— Oty se hma Jezu, Nazare pohno? Yna enahkapory se hmahno? Awaro ase. Ritonõpo mũkurume oexiry waro ase. Inenehpohpyry kurãme mase, tykase jorokohpã Jezu a opore.

Ruka 4:18

“Kuesẽkõ Ritonõpo Zuzenu ymaro mana, tymenekase jexiryke eya imehnõ amorepaneme, etuarimaketõ amorepaneme, tõmiry kurã poko. ‘Totapuruhmakase ropa matose,’ kase tonehpose ywy ãpuruhpyry taõkõ sã exiketomo a. ‘Tonure ropa matose,’ kase tonehpose roropa ywy tonurãkara a. Ataosanumaketõ osanumakehpose ropa tooehse ywy.

Ruka 4:34

— Jezu Nazare pono, oty se hma yna a? Oty kase moehno? Yna enahkapose? Yna irumekako. Awaro ase. Ritonõpo mũkurume oexiry waro ase. Inenehpohpyry kurã mase, tykase jorokohpã Jezu a.

João 14:26

Papa Tuzenu enehpõko mana ymyakãme Ãkorehmanekõme. Ãmorepatorỹko mana emero. Ynekarohpyry poko otuarõtanohtorỹko roropa mana.

João 16:13

Yrome Zae exikety zuzenu tooehse ahtao otuarõtanohtorỹko mana zae exiry poko emero. Ritonõpo Zuzenu mã tamoreme oturupyra mana. Ritonõpo nekarohpyry rokẽ tyya ekarõko ropa oya xine mana. Ourutorỹko mã aporo morohne poko osemazuhme. Morarame inekarotopõpyry ae ro exĩko mana.

Atos 10:38

Seromaroro amarokõ roropa Jezu waro exĩko matose. Ritonõpo a Tuzenu tokarose eya emero zuaro ehtohme. Morarame toytoytose ynororo. Ahno poko toenupunase. Joroko nyryhmatyã tukurãkase ropa eya, kurãkõkara roropa, Ritonõpo imaro exiryke.

Atos 3:14

Yrome aomipona pyra oya xine toxixihmase Jezu, tyyrypyhpykẽ kara. Inetapatahpyry rokẽ mutũtanohpoatose ropa.

1 Korĩtiu 2:15

Ritonõpo Zuzenu nae awahtao xine emero rokẽ toehse ahtao zae ehtoh enetupuhnõko matose. Mame õmirykõ eunopyry se imehnõ ahtao oneunohpyra ekurehnõko mã toto, zae rokẽ oexirykõke.

Epereu 1:9

Zae ehtoh se mase te, zae pyra ehtoh se pyra roropa mase ipunaka. Morara exiryke kymenekase, tãkye ipunaka oehtohme imehxo oehtohme roropa, imehnõ motye kuhse oehtohme,” tykase Ritonõpo Tumũkuru a.

Epereu 8:11

Morarame imehnõ tosaõkõ anamorepara mã toto jomiry poko, zuaro toto exiryke. Ynara kara exĩko mã toto tosaõkomo a: ‘Kuesẽkõ waro ehtoko,’ kara exĩko mã toto, juaro toto exiryke, emero porehme. Tuisa tõ juaro exĩko, ime pyra exiketõ roropa. Emero juaro exĩko mã toto.

1 João 2:27

Yrome oya xine Kyrixtu a Tuzenu tokarose. Morara exiryke imepỹ ãmorepanekõ se pyra matose Kyrixtu Zuzenu amaro xine exiryke. Kurã ke rokẽ Kyrixtu Zuzenu amorepato mana. Zae rokẽ kuamorepatorỹko mana. Ãmorepatopõpyrykõ omipona ehtoko. Kyrixtu onurumekara ehtoko.

1 João 4:13

Mame Ritonõpo maro kuexirykõ waro sytatose. Kukurohtao xine aexiry waro roropa sytatose Tuzenu tokarose kyya xine exiryke.

Juta 1:5

Morohne waro matose repe. Yrome owenikehkaporykõ se ropa ase. Pake Izyraeu pary tõ typynanohse Ritonõpo a. Ejitu poe tarose toto eya. Morarame onenetupuhpynõ tonahkapose ropa eya.

Apokaripxi 3:7

— Jomiry imeroko ynenyokyhpyry neneryme, ypoetory tõ Pirateupia põkõ amorepane neneryme. Ynara kaxiko eya: “Ynymerohpyry moro oneneryme. Ywy ase kurãme. Ajohpe pyra ase ipunaka. Tysorotoke ase, Tawi kyryrỹpyry ke. Osa totapuruhmakase ahtao ya moro anapurupyra imehnõ mana. Tapuruse ya ahtao anapuruhmakara imehnõ mana.

Apokaripxi 4:8

6me taporihke toh nexiase. Tonure tuhke toh nexiase aporirykõ poko, zopino, epoe roropa, enara. Eremiakehpyra toh nexiase saereme, koko, enara. Ynara nase toto: “Kurano, kurano, kurano, Kuesẽkõ Ritonõpo, Imehxo Exiketyme mana. Pake exikety ynororo. Seromaroro nae ro mana. Myarotokoro ynororo jumanatome,” nase toto.