Wam Pêtre 5:13 - Tĩrtũm kapẽr ã kagà nyw

¹³ Nẽ ota jar Papirõn kamã Kris kôt mẽ pahtõ nẽ mẽ pahtõxjaja mẽ awỳr hpẽr mẽ. Tĩrtũm kot mẽ pahpyrà nẽ mẽ ho hkra jakamã mẽ kêp mẽ atõ nẽ mẽ atõx ã mẽ awỳr hpẽr mẽ. Nẽ Xiakre mããnẽn mẽ awỳr hpẽr mẽ. Te kêp ixkra pyràk.

Wam Pêtre 5:13 ပူးပေါင်းရင်းမြစ်များ

Atre 12:12

Hãmri nẽ Marir nhõrkwỹ hwỳr htẽm kurê kumrẽx. Juãw Makre katorxà Marirja nhũm õrkwỹ hwỳr tẽ nhũm mẽ ra kamã hpikuprõnh rax nẽ ho Tĩrtũm wỳr o hkrĩ nhũm tãm mẽ hwỳr tẽ.

Atre 12:25

Hãmri nhũm Panãpe mẽ Sawti wa ra Kris kôt htõ nẽ htõxjê mã kàxporeta jamỳ nẽ ma Jerujarẽ hwỳr o mõ nẽ mẽ kãm kugõ. Hãmri nẽ ma akupỹm ãxiok hwỳr nojarêt nẽ war amnhĩ kôt Juãw Makre o mõ. Hãmri nẽ mẽ ma mõ nẽ akupỹm mẽ hwỳr pôj.

Apokarip 18:2

Nẽ ahpar mã tẽn wrỳ nẽ kàx pê kapẽr o: E koja Papirõnja pigrành pa nẽ hpãnhã kêp Satanasti mã mẽ àpênh xwỳnhjê papxà nẽ kêp nhônhti papxà. Hãmri nẽ aa kamã mẽmoj mex kêt kumrẽx.

Apokarip 17:5

Nẽ õkrã hã amnhĩ nhĩxi hã kagà kot: Inhĩxi pimxur pê papirõn raxti. Nẽ ixpê mẽ kêp mẽ mjênjê ho amnhĩkati ho mẽ pa xwỳnhjê nã na pa. Nẽ ixpê mẽ kot axpẽn prõ ho amnhĩkati o mẽ pa xwỳnhjê nã na pa. Nẽ ixpê mẽ kot Tĩrtũm nê mẽ kãm hêx o ri mẽ pa xwỳnhjê nã na pa. Nẽ ixpê mẽ kot Tĩrtũm kapẽr kôt amnhĩ nhĩpêx o pa hkêt xwỳnhjê nã na pa. Anhỹr o õkrã hã amnhĩ nhĩxi hã kagà kot anhỹr.

Sikũn Juãw 1:13

Nẽ ota jar Kris kôt atõx krajaja awỳr hpẽr mẽ. E ixpê Juãw pigêtre na pa ã awỳr kagàja nhĩpêx nẽ mẽnh anẽ.

Atre 15:37

Hãmri nhũm kuma nẽ kãm: —Tôe. Nà pu ma mõ. Nom kêr pu ma amnhĩ kôt Juãw Makre ho mõ kê axte pahto ajuta ho pahkôt mõ. Anẽ.

Atre 15:39

Hãmri nhũm Panãpe tee ri hã hihtỳx no nhũm kêp hkaga kumrẽx. Jakamã nhũm wa ja hã axpẽn pê axkjê nẽ ma ahpỹnhã mõ. Nhũm Panãpe amnhĩ kôt Juãw Makre ho mõ nẽ wa ma pàr kãm gô hipôk pê Sipre hwỳr wa mõ.

Korosẽ 4:10

Nẽ ota Aristakja ixpyrà nẽ kêp prês nẽ hkrĩ. Tã mẽ awỳr hpẽr mẽ. Nẽ Panãpe htõ Juãw Makreja mããnẽn mẽ awỳr hpẽr mẽ. Na pa pre ra mẽ amã Juãw Makre jarẽ. Tã koja mẽmo arĩgro hã akupỹn mẽ awỳr mõr japêr ka mẽ omu nẽ ho mex nẽ.

Piremõ 1:24

Nẽ Makre nẽ Aristak nẽ Tẽmti nẽ Rukre mẽ awỳr hpẽr mẽ. Na htem ixpyrà nẽ Kris mã tanhmã amnhĩ nhĩpêx to ho pa nom ixrom mẽ kêp prês kêt.

Sikũn Juãw 1:1

Pa Jejus kôt ixtõx. Xà mẽ amex? E ot pa mẽ amã kagà nhĩpêx nẽ mẽ awỳr kumẽ. Akrajaja nẽ apê mẽ hkatorxà mẽ mẽ ato ixpimrààtã mẽ awỳr kumẽ. Ixpê Juãw pigêtre na pa. Inhmã mẽ akĩnh nom papxipix inhmã mẽ akĩnh kêt. Mẽ pahpyrà nẽ mẽ kot Tĩrtũm kôt amnhĩ xunhwỳr xwỳnhjaja haxwỳja kãm mẽ akĩnh.