Wam Pêtre 2:13 - Tĩrtũm kapẽr ã kagà nyw

¹³ Nẽ mẽ apê Pahihti Jejus Kris kôt amnhĩ nhĩpêx xwỳnh jakamã kêr ka mẽ anhõ krĩ kamã mẽ anhõ pahihti kapẽr ma nẽ kapẽr kôt mãn amnhĩ nhĩpêx mex o ri apa. Nẽ mẽ anhõ pika kamã mẽ anhõ prêjitẽnja ka mẽ kapẽr ma nẽ hkôt amnhĩ nhĩpêx. Mẽ kot mẽ ato amnhĩptàr xwỳnhjaja ka mẽ piitã mẽ kapẽr ma nẽ mẽ kapẽr kôt pix mã amnhĩ nhĩpêx rãhã ho ri apa.

Wam Pêtre 2:13 ပူးပေါင်းရင်းမြစ်များ

Xitre 3:1

Nẽ kêr ka Kris kôt akwỳjê mã anẽ kê mẽ ho amnhĩptàr xwỳnhjê kapẽr ma nẽ mẽ hkôt amnhĩ nhĩpêx o pa. Nẽ mẽmoj to mẽ kutã nojarêt rãhã ho pa.

Rukre 20:25

Hãmri nhũm mẽ kuma nẽ mẽ kãm: —Tỳ. Tô kêr ka mẽ mãmrĩ kãm hkwỳ nhõr o apa. Hã hkarõ nẽ hã hixi. Tãm kot hipêx xwỳnh jakamã õ na. No mẽ kajaja na pre Tĩrtũm mẽ anhĩpêx nhũm mẽ apê õ jakamã kwa kêr ka mẽ kapẽr kôt pix mã ri amnhĩ nhĩpêx o ri apa. Anẽ.

Makre 12:17

Anẽ nhũm mẽ kãm: —Tỳ. Tô kêr ka mẽ mãmrĩ kãm hkwỳ nhõr o apa. Hã hkarõ nẽ hã hixi. Tãm kot hipêx xwỳnh jakamã õ na. No mẽ kajaja na pre Tĩrtũm mẽ anhĩpêx nhũm mẽ apê õ jakamã kwa kêr ka mẽ kapẽr kôt pix mã ri amnhĩ nhĩpêx o ri apa. Anẽ. Nhũm pre ã mẽ kãm kapẽr anẽ nhũm mẽ piitã mar o kuhê. Nhũm mẽ kot hêx rom hkukjêr xwỳnhjaja amnhĩ jaêr pê ã kàxpore jarẽnh anhỹrja ã kuma nẽ axpẽn mã: —Kwa mẽ paxêx rom mẽ pahte hã hkukjêr tã nhũm ãm hãmri mẽ pakutã mẽ pamã harẽ. Kwa tanhmã kot puj wem hkukjêr to nhũm pahi Sesti kapẽr kwỳm ri mẽ pamã mẽmoj jarẽ? Anẽ. Hãmri nẽ tee ri tanhmã hkukjêr to hkukamã hamaxpẽr o kuhê.

Matêwre 22:21

Hãmri nhũm mẽ kãm: —Pahi Sesti karõ nẽ hixi na hã. Anẽ. Hãmri nhũm mẽ kuma nẽ mẽ kãm: —Tỳ. Tô kêr ka mẽ mãmrĩ kãm hkwỳ nhõr o apa. Hã hkarõ nẽ hã hixi. Tãm kot hipêx xwỳnh jakamã õ na. No mẽ kajaja na pre Tĩrtũm mẽ anhĩpêx nhũm mẽ apê õ jakamã kwa kêr ka mẽ kapẽr kôt pix mã ri amnhĩ nhĩpêx o ri apa. Anẽ.

Sikũn Pêtre 2:10

Tã mẽ hpijaàm kêt kãm amnhĩ tomnuj o mẽ pa xwỳnhjaja nẽ mẽ kot Tĩrtũm kapẽr mar nẽ ãm mar xwỳnhjaja koja nhỹrmã mẽ homnuj tỳx nẽ. Nẽ Tĩrtũm kapẽr o hêx o ri mẽ pa xwỳnhjaja na htem amnhĩ to jarkrar pix o pa. Nẽ Tĩrtũm kapẽr o mẽ wrỳk xwỳnhjê hã hpijaàm kêt nẽ. Nẽ axtem nẽ mẽ ho kapẽr punuj pê tanhmã mẽ haprỳ hto ho pa.

Epes 5:21

Nẽ kêr ka mẽ Kris ã apijaàm rãhã o ri apa. Jao axpẽn kôt ajamaxpẽr nẽ axpẽn kôt ri amnhĩ nhĩpêx mex o ri apa.

Wam Pêtre 2:17

Nẽ kêr ka mẽ piitã mẽ ho mex o ri apa. Nẽ mẽ ato amnhĩptàr xwỳnhjê ho mex nẽ mẽ hã apijaàm rãhã ho ri apa. Nẽ mẽ apê Kris kôt mẽ ate axpẽn to mẽ atõ nẽ mẽ atõxjê hã amã axpẽn kĩnh pê axpẽn to mex nẽ. Nẽ Tĩrtũm ã apijaàm rãhã nẽ.