Wam Pêtre 2:10 - Tĩrtũm kapẽr ã kagà nyw

¹⁰ Amnepêm kormã mẽ pahpê hkra hkêt ri na pre mẽhõ mẽ pakamã ukaprĩ hkêt kumrẽx pu htem pahpunuj nẽ ri papa. Tã Jejus kôt amnhĩ xunhwỳ nhũm Tĩrtũm mẽ pahto hkra pu mẽ pahpê hkra hã ri papa nhũm mẽ pakamã ukaprĩ rãhã ho mẽ pahkôt pa.

Wam Pêtre 2:10 ပူးပေါင်းရင်းမြစ်များ

Eprêw 4:16

Jakamã kwa kêr pu mẽ amnhĩ tã kamã pahpijaàm kêt kãm paxàmnhĩx ri amnhĩ to hwỳr o papa. Kêp mẽ pakutã nojarêt xwỳnh nẽ kêp mẽ pakamã ukaprĩ xwỳnh jakamã kêr pu mẽ tee ri mẽmoj tã amnhĩ pumu nẽ amnhĩ to hwỳr kurê kumrẽx. Hãmri nẽ ỹ hã paxàmnhĩx nẽ pajamakêtkati nẽ ri papa.

Wam Ximotre 1:13

Nom amnepêm na pa pre hkôt ijamaxpẽr kêt nẽ. Ãm axtem nẽ haprỳ rũnh nẽ ho ixkapẽr punuj o ri ixpa. Nẽ hkwỳjê ho ixkrihkrit nẽ mẽ haprỳ nẽ mẽ htak. Nom kormã amnhĩ kaxyw Kris kôt ijamaxpẽr kêt jakamã ixtỳx ã mẽ hipêx anhỹr o ixpa nhũm Pahihti ja hã ixpumu nẽ ixkamã ukaprĩ nẽ mẽ hã tanhmã ixto hkêt nẽ.

Rõmãn 10:19

Tã mãn ka prem ra ja ma nẽ atỳx ajamaxpẽr o: —Kot anhỹr tã no mãn kormã hprĩ hã Jejus jarẽnh mar kêt jakamã mẽ hkôt amnhĩ xunhwỳr kêt nẽ. Anẽ. Nom ja haxwỳja kot anhỹr kêt. Ra mẽ kot hprĩ hã harẽnh mar mex tã kuma nẽ ãm kuma nẽ amnhĩ kaxyw kãm hamaxpẽr kêt nẽ. No mẽ apê Ijaew kêt xwỳnh kwỳjaja na ka mẽ kurom harẽnh ma nẽ amnhĩ kaxyw hkôt ajamaxpẽr nẽ hkôt amnhĩ xunhwỳr kurê kumrẽx. Hãmri nhũm Ijaew tee ri ja hã mẽ apumu nẽ mẽ akamã gryk tỳx nẽ. Nom ra Tĩrtũm kot ã mẽ hkukamã mẽ kot amnhĩ nhĩpêx anhỹr ã mẽ omunh nẽ mẽ harẽnh kot anhỹr kênã. Na pre finat Mojes mẽ kãm tanhmã hã kagà hto. Te Tĩrtũm tãm kot mẽ hã kagà pyrà nẽ kapẽr ã kagà htũm kamã kot mẽ harẽnh kot: Mẽ ate mẽ kamã mẽ akahak o apa xwỳnhjaja. Mẽ kot htỳx ri amnhĩ nhĩpêx o mẽ pa hã mẽ ate mẽ harẽnh tã no kot paj mẽ arom amnhĩm mẽ kot amnhĩ to mex xwỳnhjê hã mẽ harẽ. Kot kaj mẽ tee ri ja hã mẽ omu nẽ mẽ kamã agryk tỳx kumrẽx. Nẽ mããnẽn pa ixte mẽ ho mex ã ixpumu nẽ mẽ hã ixkamã agryk nẽ. Anẽ.

Wam Korĩt 7:25

Nẽ mẽ ate ixwỳr kagà mẽnhta kamã na ka mẽ mããnẽn kormã mẽ hprõ hkêt xwỳnhjê hã ixkukja. Tã kot paj mẽ amã tanhmã mẽ harẽnh to. Nom Pahihti Jejus Kris na pre ja hã tanhmã inhmã nẽ hkêt nẽ. Ãm pa kot paj ãm amnhĩ krã hkôt tanhmã hã mẽ amã ixkapẽr to. Na pre Pahihti mẽ akaxyw tanhmã ixkrã hto pa hte ỹ hã tanhmã mẽ amã mẽmoj tã karõ hto ho ri ixpa. Jakamã e mẽ inhma nẽ inhmar tỳx nẽ.

Rõmãn 11:30

No mẽ kajaja mẽ apê Ijaew kêt xwỳnhjaja. Amnepêm na ka prem ajaxwỳja Tĩrtũm kôt amnhĩ nhĩpêx kêt nẽ. Tã nhũm mẽ akamã ukaprĩ nẽ kãm mẽ ajapê nẽ. Ka mẽ ra harẽnh ma nẽ hkôt amnhĩ xunhwỳ nẽ hkôt amnhĩ nhĩpêx mex nẽ. No ãm Ijaew kukwak ri. Mẽ kot kapẽr kôt amnhĩ nhĩpêx o pa hkêt jakamã nhũm Tĩrtũm mẽ hpãnhã nhãm mẽ amã amnhĩ to amnhĩrĩt nẽ mẽ ato mex rax nẽ. Jakamã te Ijaew kukwak ri mẽ amex nẽ ri mẽ apa pyràk.