Nẽ kêr ka mẽ kãm Tĩrtũm prãm kêt xwỳnhjaja kot amnhĩ nhĩpêx o ri amnhĩ nhĩpêx o ri apa hkêt nẽ. Nẽ mẽ amnhĩ to Tĩrtũm mãn wỳ kê mẽ amã mẽ ajamaxpẽr mex jagjê. Koja mẽ ama nẽ mẽ amã hagjê ka mẽ ra aprĩ hã hamaxpẽr xà hkôt mẽ pahte amnhĩ to mex xà pumunh mex nẽ. Na pu htem hkôt amnhĩ nhĩpêx o ri papa nhũm amnhĩ tã mẽ pahpumu nẽ hkĩnh nẽ. Pu mẽ pajaxwỳja ỹ hã pahkĩnh nẽ ri papa.
Wam Pêtre 1:14 - Tĩrtũm kapẽr ã kagà nyw14 Nẽ kêr ka mẽ Tĩrtũm kapẽr kôt pix mã mãn ri amnhĩ nhĩpêx mex rãhã ho ri apa. Te mẽhprĩre kot mẽ hipêêxà kapẽr mar nẽ hkôt amnhĩ nhĩpêx pyràk. Kormã mẽ ate Kris kôt amnhĩ xunhwỳr kêt ri na ka prem ate amnhĩ nhĩpêx tũm kôt ri tanhmã amnhĩ tomnuj to ho ri apa. အခန်းကိုကြည့်ပါ။ |
Wam Pêtre 1:14
12 ပူးပေါင်းရင်းမြစ်များ
Nẽ jar mẽ kot amnhĩ nhĩpêx o amnhĩ nhĩpêx. Jao amnhĩ tomnuj pix o ri papa. Nẽ mẽkarõmnuti nhõ pahi Satanasti kapẽr kôt pix mã ri amnhĩ nhĩpêx rãhã nẽ. Na pre hte tanhmã mẽ pahkôt mẽ pahto ho pa. Mẽ pahte tanhmã amnhĩ tomnuj to kaxyw mẽ pamã mẽ pajamaxpẽr punuj jagjê. Pu mẽ amnhĩ tã omunh kêt tã ỹ hã amnhĩ tomnuj o papa. Satanastija kêp mẽ kot Tĩrtũm kapẽr kwỳm ri amnhĩ nhĩpêx o mẽ pa xwỳnhjê nhõ pahihti na. Tã pu pre htem pahtỳx ri hkôt amnhĩ nhĩpêx pix o ri papa.
Na htem Tĩrtũm mã gôx kãm mẽ pahkrã kumrã nhũm mẽ pahte amnhĩ nhĩpêx tũmja te mẽ kot Jejus kôt haxwỳja haxàr pyràk. Hãmri nhũm mẽ akupỹm mẽ pahto api. Te Tĩrtũm hihtỳx o hihtỳx o kot akupỹm Kra Jejus ho htĩr pyràk. Te mẽ pahtyk tã nhũm akupỹm kot mẽ pahto mẽ pahtĩr pyràk. Pãnhã mẽ pahte amnhĩ nhĩpêx nyw o amnhĩ nhĩpêx kaxyw.
—Amnepêm mẽ pa xwỳnhjaja na prem mẽ apyrà nẽ ã mẽmoj nhĩpêx anhỹr o pa nhũm Tĩrtũm ja hã mẽ omu nẽ ãm mẽ omu nẽ hã tanhmã mẽ hipêx to hkêt nẽ. Kormã mẽ kot kapẽr mar kêt jakamã nhũm pre ja hã mẽ omu nẽ ãm mẽ omu. Tã na ra mẽ pahte mẽmo karõ nhĩpêx o mẽpahpãm nê mẽ pamã kapẽr. Mẽ pahte hpãnhã amnhĩ kaxyw ãm kôt pix mã pajamaxpẽr o papaja na kãm hprãm.
Nẽ koja nhỹrmã mẽhõ mẽ awỳr mõ nẽ mẽ ate tanhmã amnhĩ tomnuj to prãm xàj hêx rom amã kapẽr nẽ mẽ amã: —Kwa mon ka hte mẽ ixpyrà nẽ ã amnhĩ nhĩpêx anhỹr kêt nẽ? Ja mex kênã. Anẽ. Koja ã mẽ amã kapẽr anẽ ka mẽ ama nẽ ãm ama. Ã mẽ kot amnhĩ nhĩpêx anhỹr xwỳnhjaja koja Tĩrtũm nhỹrmã ja hã mẽ homnuj tỳx kumrẽx.
Na pre Mẽpahpãm Tĩrtũmja amnhĩm mẽ pahte amnhĩ kaxyw kãm pajamaxpẽr xwỳnhjê rê nẽ mẽ pahtã amnhĩ jarẽnh o: —Kot paj jajê ho ixkra. Na pre ra Ixkra Jejus Kris ixpê mẽ nê ty nẽ htyk o hkamrô axkapĩ nhũm mẽ harẽnh ma nẽ hkôt amnhĩ xunhwỳ. Tã nhũm Ixkarõ mẽ hkarõ mã agjê nhũm mẽ ra inhmã hprãm xà kôt pix mã ri inhmã tanhmã amnhĩ nhĩpêx to ho pa. Anhỹr o mẽ pahtã amnhĩ jarẽnh. Tã kê mẽ akutã nojarêt rãhã ho ri mẽ akôt pa ka mẽ ỹ hã axàmnhĩx ajamakêtkati nẽ akĩnh nẽ ri apa.
ကြော်ငြာတွေ