Tã nom kot paj õr kêt nhũm kàxpore hkwỳ jamỳnh xwỳnhjaja tee ri ja hã ixpumu nẽ axpẽn mã ixte amnhĩ tomnuj xwỳnh ã ijarẽ. Jakamã e ma gônhmã tẽ nẽ tep õ kanhê. Hãmri nẽ ho api nẽ apy nẽ hakwa jakjê nẽ kamã kàxpore htỳxre pumu. Nẽ apy nẽ man o tẽ nẽ pahpãnhã kàxpore jamỳnh xwỳnhta mã agõ. Anẽ. Nhũm pre ã Jejus Simãw Pêtre mã karõ anẽ nhũm kuma nẽ ma hwỳr tẽ nẽ kot kãm karõ xà hkôt ã amnhĩ nhĩpêx anẽ.
Wam Korĩt 8:13 - Tĩrtũm kapẽr ã kagà nyw13 Tã ã ixte Kris kôt ixkwỳjê nhĩpêx anhỹr pymaj koja ixtõjê hõ kãm mẽmoj kur pyma nẽ. Nẽ htỳx ho Tĩrtũm kêp omnuj ã hkamnhĩx. Pa ja hã omu nẽ ijaxwỳja axte hkur kêt nẽ. Ixte mex ã omunh tã no ãm kot tee ri ja hã ixpumunh nẽ hamaxpẽr o: —Kwa Tĩrtũm kêp ja mex kêt tã nhũm Pawreja ri kuku. Jakamã kot paj ijaxwỳja uràk nẽ kuku. Omnuj tãã. Anhỹr o hamaxpẽr pymaj kot paj uràk nẽ mẽmota kur kêt nẽ. Na pa hte ã Kris kôt ixtõjê mex kukamã ri ijamaxpẽr anhỹr o ixpa. အခန်းကိုကြည့်ပါ။ |
Wam Korĩt 8:13
14 ပူးပေါင်းရင်းမြစ်များ
Ãm ja pix kot puj mẽ kãm hã karõ nẽ hã kagà nẽ mẽ hwỳr kumẽ: Mẽ kot sãnti hã mẽ õ hkur nê kot puj mẽ hkurê. Nẽ mẽ kot mẽmo mry hpar nẽ hkamrô runh kêt rãhã hkur nê mẽ hkurê. Nẽ mẽ kot mẽmo mry kamrô kur nê mããnẽn mẽ hkurê. Nẽ mẽmyjaja kot amnhĩ prõ pix tãnopxar ã mẽ kãm karõ. Nẽ mẽnijaja haxwỳja kot amnhĩ mjên pix tãnopxar ã mẽ kãm karõ. —Ãm ja pix kot puj mẽ kãm hã kagà nẽ mẽ kãm hã karõ.
Nẽ kwa kêr ka mẽ akwỳ kot Jejus kôt amnhĩ xunhwỳr tohtuj anhỹr xwỳnhjaja tanhmã mẽ kot amnhĩ nhĩpêx to ho pa hã mẽ omu nẽ ja nê tanhmã mẽ kãm akapẽr to hkêt nẽ. Ãm mẽ noo mã tãm ri amnhĩ nhĩpêx rãhã ho ri apa. Mẽ kot ja hã mẽ apumunh nẽ mẽ akôt amnhĩ nhĩpêx kaxyw. No kot ka mẽ kot tanhmã amnhĩ nhĩpêx toja ã kãm akapẽr nhũm ama nẽ tee ri amnhĩ kukamã hamaxpẽr nẽ hkaprĩ nẽ.
Kêr pu mẽ pahkwỳjaja tanhmã kot amnhĩ tomnuj to pymaj pu mẽ pahte amnhĩ nhĩpêx kukamã pajamaxpẽr mex o papa. Mẽmo mẽõ nẽ mẽmo kagô pê wĩhtija. Tĩrtũm kot mẽ pamã mẽmoj piitã õr tã no nhũm mẽ pahkwỳjaja kêp ja omnuj nẽ pu mẽ noo mã hkur rỳ ho pahkõm kêt nẽ. Mẽmo mry nẽ mẽmo wĩhti pu mẽ noo mã hkur rỳ ho pahkõm kêt nẽ.
Nẽ kot puj mẽ axpẽn kamã paxukaprĩ ho papa hã kot puj mẽ tãm axpẽn nhĩpêx rãhã ho papa. Jao amnhĩ pix kukamã pajamaxpẽr o ri papa hkêt nẽ. Nẽ mẽ pagryk tokyx anhỹr kêt nẽ. Rỳ axpẽn kãm pagryk tokyx anhỹr hkêt nẽ. Rỳ koja mẽhõ tanhmã mẽ panhĩpêx kati hto pu mẽ ãm amnhĩ tã omu nẽ axte kot tanhmã mẽ panhĩpêx tota mã pajamaxpẽr kêt nẽ.
Nẽ na ka hte mẽ akwỳjaja amnhĩ jarẽnh o: —Nà na pa hte pa inhmã tanhmã amnhĩ nhĩpêx to hprãm xà hkôt amnhĩ krã hkôt amnhĩ nhĩpêx o ri ixpa. Anẽ. Mẽ ate ã amnhĩ jarẽnh anhỹr tã no ãm mẽ ate amnhĩ jarẽnhja mex kêt. Mẽmoj piitã mẽ pamã mex kêt. Na pu htem pamã hprãm xà hkôt mẽmoj to anẽ nẽ gaa nẽ ra ho amnhĩ pyrà nẽ ho anhỹr pix o papa. Nẽ gaa nẽ kãm panhũrer kêt kumrẽx. Jao ra pahpipãnh pix o ri papa. Rỳ paxêx pix o ri papa. Rỳ paxàhkĩnh pix o ri papa. Jakamã kêr pu mẽ pamã tanhmã amnhĩ nhĩpêx to hprãm xà hkôt tanhmã amnhĩ nhĩpêx to ho papa hkêt nẽ. Ãm amnhĩ mẽ amnhĩ kaxyw Jejus mã pajamaxpẽr pix nẽ.
Nẽ na hte mẽ ixkwỳjaja mẽ awỳr mra nẽ Tĩrtũm kapẽr o mẽ ajahkre o ri mẽ akôt pa. Hãmri nẽ hpãnhã mẽ apkur xà hã mẽ awỳ ka mẽ kãm mẽmoj gõ. No kêt pa na pa hte mẽ uràk nẽ ixàpkur xà hã mẽ awỳr kêt nẽ. Kot pa apu hã mẽ awỳ ka mẽ tanhmã ixto akapẽr to nẽ axpẽn mã ijarẽnh o: —Pẽr ãm mẽ pahte kãm amnhĩrer pix kaxyw na hte Pawre mẽ pahwỳr mra nẽ mẽ pamã Jejus Kris kot tanhmã mẽ panê amnhĩ nhĩpêx to hã harẽnh o pa. Pẽr ãm apkur xà pix prãm xàj ã kot mẽ pamã ujarẽnh anhỹr o pa. Jakamã kot puj mẽ kuma nẽ ãm kuma. Anhỹr o axpẽn mã ijarẽnh pymaj na pa hte mẽ ajahkre hpãnhã mẽmoj tã mẽ awỳr kêt nẽ. Na pa hte ãm mry kà ho ixkre nhĩpêx nẽ ho wẽnê nẽ ja pix kukwak ri ixàpkur o ri ixpa. Nẽ amarĩ ri mẽ ajahkre ho ri mẽ akôt ixpa.
Nẽ mẽ kot Tĩrtũm kapẽr mar nẽ hã ixtomnuj tã pa hte amnhĩ katut kôt mẽ kot tanhmã ixtomnuj toja rẽ nẽ ho ijamakêtkati tokyx anẽ. Nẽ arĩ mẽ kãm kapẽr jarẽnh rãhã ho ri mẽ hkôt ixpa. Mẽ kot mar nẽ ãm mar nẽ hkaga pymaj na pa hte ã amnhĩ nhĩpêx anhỹr rãhã nẽ. Mẽ kot ja hã inhĩpêx punuj tã pa arĩ mẽ kãm harẽnh o ri mẽ hkôt ixpa.
ကြော်ငြာတွေ