Wam Korĩt 15:6 - Tĩrtũm kapẽr ã kagà nyw

⁶ Hãmri nhũm mẽ kot hkôt mẽ pa xwỳnh pê 500 jakrenh xwỳnh piitã anhĩpê haxwỳja akupỹm htĩr kãm omu. Na pre ra mẽ hkwỳjaja ty nhũm mẽ hkwỳjaja arĩ htĩr nẽ pa.

Wam Korĩt 15:6 ပူးပေါင်းရင်းမြစ်များ

Matêwre 28:10

Hãmri nhũm wa kãm: —E war amã ma hkêt nẽ. Mamrĩ ma tẽ nẽ ixkôt mẽ pa ho mẽ pa xwỳnhjê mã ijarẽ kê mẽ ma Garirej wỳr mra. Kamã kot paj mẽ axte axpẽn pumu. Anẽ.

Makre 16:7

nẽ tokyx ma akupỹm mra nẽ hkôt mẽ pa ho pa xwỳnhjê mã harẽ. Koja ma Jejus mẽ akukamã akupỹm Garirej wỳr mõ. Garirej kamã kot kaj mẽ axte axpẽn pumu. Ra kot mẽ amã amnhĩ jarẽnh xà hkôt. Kwa mẽ tokyx ma akupỹm mẽ hwỳr mra. Nẽ kwa kê Simãw Pêtreja harẽnh mar mex nẽ. Anẽ.

Atre 13:36

Nom ã Tawi jarẽnh anhỹr kêt nẽ. Tawi na pre Tĩrtũm kapẽr kôt amnhĩ nhĩpêx mex o pa hãmri nẽ ty nhũm prem mẽ panhĩgêtjê nhĩhkô hã haxà hãmri nhũm ĩ hkro nẽ hapêx.

Atre 7:60

Hãmri nẽ hkõn krã ho tẽm nẽ nhỹ nẽ axte kãm amnhĩ jarẽ nẽ mẽ kot hpĩr xwỳnhjê nê kãm kapẽr nẽ kãm: —Kwa Pahihti. Mẽ kot ixpĩr tã kwa tanhmã ixtã mẽ ho hkêt nẽ. Anhỹr o mẽ nê Jejus mã kapẽrja kôt ra ty.

Wam Korĩt 15:18

Nẽ kêp apu Kris htyk nẽ hapêx ronhỹx ra mẽ kot amnhĩ kaxyw hkôt hamaxpẽr tã ra htyk xwỳnhjaja ma mẽ kot amnhĩ tomnuj mỳrapê kuwyta wỳr hapêx.

Wam Korĩt 15:20

Nà mẽ htyk nẽ nhỹrmã akupỹm mẽ htĩr kêt ã mẽ harẽnhja kot anhỹr kêt. Ra Tĩrtũm kot akupỹm Kris o htĩr jakamã koja mããnẽn hkra htyk xwỳnhjaja nhũm mẽ piitã Jejus pyrà nẽ nhỹrmã akupỹm mẽ ho htĩr pa. Jakamã na pu htem Kris akupỹm htĩrja mã pajamaxpẽr nẽ amnhĩ kukamã pajamaxpẽr o: —Nà ra Tĩrtũm kot akupỹm Jejus o htĩr jakamã koja uràk nẽ nhỹrmã akupỹm mẽ pahte hkôt amnhĩ xunhwỳr xwỳnh piitã mẽ pahto mẽ pahtĩr. Nà koja ã mẽ panhĩpêx anẽ. Ja kaxyw àhpumunh tỳx kumrẽx xwỳnh kênã. Anẽ.

Wam Tesarõn 4:13

E Kris kôt ixkwỳjaja. Na ka xep mẽ tee ri Kris kôt akwỳ htyk xwỳnhjê hkukamã ajamaxpẽr. Jakamã kot paj ixprĩ hã tanhmã mẽ amã mẽ harẽnh to ka mẽ inhma. Nà Kris kwỳ hkêt xwỳnhjaja na htem ty nhũm mẽ hkwỳjaja tee ri mẽ hkukamã hamaxpẽr o hkaprĩ nẽ. Mẽ htyk nẽ ma Jejus wỳr àpir kêt jakamã na htem mẽ mỳr pê hkaprĩ htỳx nẽ pa. No mẽ papajaja na pu htem ho mẽ uràk kêt nẽ.

Wam Tesarõn 4:15

Na pre Pahihti Jejus inhmã hkôt mẽ pahkwỳ htyk xwỳnhjê jarẽnh o: —Kot paj nhỹrmã akupỹn mẽ awỳr wrỳ ka mẽ ate ixkôt amnhĩ nhĩpêx xwỳnh piitã ma ixkutã axàpir o mõ. Nom kot kaj mẽ arĩ atĩr nẽ apa xwỳnhjaja akumrẽx axàpir kêt nẽ. Kormã. Koja Tĩrtũm kapẽr o mẽ wrỳk xwỳnh krãhtũmja Tĩrtũm mã pifti kakô. Kakôr tỳx pa ixkwỳ htyk nẽ hikwỹ xwỳnhjê mã ixkapẽr nẽ ixàmra kamã mẽ kumra. Nhũm mẽ hkarõ akupỹn mẽ hwỳr wrỳ nẽ mẽ kãm gjêx pa. Hãmri nhũm mẽ akupỹm htĩr nẽ kànhmã hkrĩ hpa nẽ ma kumrẽx ixkutã àpir o mõ.

Sikũn Pêtre 3:4

Nẽ htỳx ri Kris ã mẽ akukja nẽ mẽ amã: —Kwa no Krisja? Amnepêm akupỹn wrỳk nẽ mẽmoj piitã tanhmã hipêx to hã amnhĩ jarẽnh tã arĩ Tĩrtũm kot mẽmoj to kator krax rũm mẽmoj amarĩ rãhãã. Ra mẽ panhĩgêtjaja pikaprãr par tã nhũm kormã akupỹn wrỳk kêt nẽ. Kot mẽ pamã amnhĩ to hêx kênã. Mo kaxyw koja kêt akupỹn mẽ pahwỳr wrỳ? Kot mẽ pamã amnhĩ to hêx kênã. Anẽ.