Wam Korĩt 15:35 - Tĩrtũm kapẽr ã kagà nyw

³⁵ Nẽ mãn ka mẽ atõ akupỹm mẽ htĩr ã mẽ harẽnh ma nẽ tee ri mẽ hkukamã ajamaxpẽr nẽ hã ri tanhmã axpẽn kukjêr to nẽ axpẽn mã: —Kwa tanhmã koja we Tĩrtũm akupỹm hkra htyk xwỳnhjê ho htĩr to? Ra mẽ htyk nẽ mẽ ĩ katõk nẽ hapêx par mã kênã. Tanhmã kot wem amnhĩ to nẽ akupỹm htĩr? Nẽ tanhmã koja we mẽ ĩ nywja kute wehe? Anẽ.

Wam Korĩt 15:35 ပူးပေါင်းရင်းမြစ်များ

Rõmãn 9:19

Nẽ kot kaj mẽ atõ Tĩrtũm kot ã mẽ hipêx anhỹrja ã harẽnh ma nẽ tanhmã hã ixkukjêr to nẽ inhmã: —Kwa na xep hte Tĩrtũm ahpỹnhã tanhmã mẽ hipêx to. Nẽ mẽ hkwỳjê kamã ukaprĩ ho pa nẽ mẽ hkwỳjaja mẽ hkrã hihtỳx ã mẽ omu nẽ ãm mẽ omu nẽ mẽ kamã ukaprĩ hkêt nẽ. Jakamã kwa mo na hte mẽ kot amnhĩ tomnuj xwỳnh ã mẽ harẽ? Tãm kot ã mẽ hipêx anhỹr kênã kot kêt mẽ kot amnhĩ tomnuj xwỳnh ã mẽ harẽ. Anhỹr o ajamaxpẽr japêr.

Piripos 3:21

Na pu htem jar pyka ja kamã Jejus kĩnhã paxirerek nẽ pahpunuj nẽ ri papa. Nom koja nhỹrmã akupỹn mẽ pahwỳr wrỳ hãmri nẽ amnhĩ pyrà nẽ mẽ pamã mẽ panhĩ nyw gõ pu mẽ uràk nẽ paxihtỳx kãm pahtĩr tũm nẽ papa ho papa. Ã kot mẽ panhĩpêx anhỹr kaxyw àhpumunh o àhpumunh. Tã koja àhpumunh tỳx kãm mẽmoj piitã ho amnhĩptàr pa. Pu mẽ pahpiitã hkôt amnhĩ nhĩpêx mex rãhã ho ri papa.

Juãw 9:10

Hãmri nhũm mẽ tee ri kuma nẽ kãm: —Kwa no tanhmã na ka we amnhĩ to nẽ ra arĩt mex?

Juãw 3:9

Hãmri nhũm Nĩkotẽ ã Jejus kot kãm kapẽr anhỹr ã kuma nẽ tee ri hamaxpẽr nẽ kãm: —Kwa na pa ixprĩ hã amar kêt nẽ. Anẽ.

Juãw 3:4

Hãmri nhũm Nĩkotẽja kuma nẽ tee ri ã kot kãm kapẽr anhỹrja kukamã hamaxpẽr nẽ kãm: —Kwa ra ixàptàr kênã kot pa kêt tanhmã amnhĩ to nẽ akupỹm ixkatorxà nhõxà hkre hwỳr axà nẽ axte kurũm ixkato. Anẽ.