Tã pa Juãw pãnhã mẽ awỳr mõ. Nẽ kurom apkati mẽ ixàpkur mex o ri ixpa. Nẽ kurom wĩhti hkwỳ ho ixkõm o ri ixpa. Ka mẽ ja hã ixpumu nẽ atỳx ri ixàpkur rũnh nẽ ixpipãnh o ri ixpa hã ixkamnhĩx nẽ ã axpẽn mã ixto akapẽr anhỹr o ri apa. Nẽ mẽ kot amnhĩ tomnuj xwỳnhjê hkôt ri ixpa hã axpẽn mã ijarẽnh o ri apa. Ã na ka htem axpẽn mã ijarẽnh anẽ. Jao te mẽ ate Juãw Paxis nhĩpêx pyrà nẽ ixkaga nẽ ixkôt amnhĩ nhĩpêx kêt nẽ. Na hte ã htỳx ri tanhmã mẽ hamaxpẽr to ho mẽ pa xwỳnhjaja amnhĩ nhĩpêx anhỹr o ri pa.
Wam Korĩt 11:29 - Tĩrtũm kapẽr ã kagà nyw29 Koja mẽhõ mẽ akôt axà nẽ mẽmoj kukamã hamaxpẽr pê htỳx pãwti nhĩrênhta õ py hkur o nhỹ. Hãmri nhũm Tĩrtũm tee ri ja hã omu nẽ hã tanhmã ho. အခန်းကိုကြည့်ပါ။ |
Wam Korĩt 11:29
11 ပူးပေါင်းရင်းမြစ်များ
nẽ Tĩrtũm mã harẽ nẽ kãm: —Pa Papaj. Nà ãm hãmri na ka hte mẽ inhmã mẽ inhõ mex o apa. Anẽ. Nẽ hpãnhã pãwja o hkry pa nẽ ho mẽ kot ỹ hã mẽ ahkre ho mẽ pa xwỳnhjê nhĩpêx pa nẽ mẽ kãm: —E na pa ã pãwti ho hkry nẽ mẽ amã õr anẽ. Koja mẽ ã inhĩpêx anẽ nẽ te mẽ kot ixto hkry hpar pyràk o inhĩpêx pa amnhĩ xà htỳx kamã ijamak kãm ty. Nom mẽ anê kot paj ty. Jakamã e kêr ka mẽ ixwakre kamã tõhã axpẽn wỳr akuprõ nẽ ixte mẽ ate amnhĩ tomnuj pãnhã amnhĩrer kaxyw mẽ anê ixtyk mã ajamaxpẽr pê akĩnh nẽ pãwta kur o akrĩ. E mẽ mãmrĩ axàmnhĩx aku. Anẽ.
Jakamã kot kaj mẽ tõhã mẽmo arĩgro hã kot mẽ panê htykja mã ajamaxpẽr kaxyw axpẽn wỳr akuprõ. Hãmri nhũm mẽ anhĩõ mẽ awỳr axà nẽ nhỹ. Nom axtem nẽ Jejus tyk mã hamaxpẽr kêt japêr. Nẽ htỳx pãwti kur o nhỹ. Nẽ hkôt amarĩ mẽmo kagô ho hkõm o nhỹ. Koja ã htyk mã hamaxpẽr kêt rãhã amnhĩ nhĩpêx anẽ nẽ te Jejus o kapẽr pyràk o amnhĩ nhĩpêx. Te ho kapẽr o: —Nà Jejus amarĩ htyk nhũm hkamrô amarĩ hpikapĩr kênã. Na pre mẽ panê htyk kêt nẽ. Anhỹr o ho kapẽr pyràk.
Jakamã kwa kêr ka mẽ ate pãwta kur kaxyw nẽ taxy kormã tanhmã ate amnhĩ nhĩpêx to mã ajamaxpẽr nẽ ajamaxpẽr o: —Kwa mãn pa Tĩrtũm kapẽr kôt amnhĩ nhĩpêx mex rãhã ho ri ixpa nà? Anhỹr o mãn ajamaxpẽr. Hãmri nẽ ate hkôt amnhĩ nhĩpêx mex ã amnhĩ pumu nẽ amarĩ axàmnhĩx aku. No kot ka mẽ kormã mẽmoj punuj kaga hkêt nẽ arĩ ri ho anhỹr o pa hãmri nẽ kãm ajamaxpẽr nẽ hkur kêt nẽ. Rỳ tanhmãn tee ri tanhmã ate amnhĩ tomnuj tota mã ajamaxpẽr nẽ akaprĩ nẽ. Hãmri nẽ tokyx Tĩrtũm mã amnhĩ jarẽ nẽ amnhĩ to mex prãm xàj amnhĩ to awỳ hãmri nẽ arĩ kormã axàmnhĩx pãwtita ku.
Mẽ kot Tĩrtũm kapẽr mar mex xwỳnhjaja na htem hprĩ hã kapẽr piitã mar tỳx nẽ. Kot amnhĩrĩt mex xwỳnhta mar tỳx nẽ mããnẽn kot amnhĩrĩt mex kêt xwỳnhja nhũm mẽhprĩ hã piitã mar tỳx nẽ. Te ho mẽ àptàr kot mẽõ mex kur o pata pyràk. Jao ra mẽ àptàr jamaxpẽr o hamaxpẽr o ri pa nẽ hamaxpẽr o: —Kot paj tãm amnhĩ nhĩpêx o ri ixpa nhũm ja inhmã mex nẽ. Nom kot paj axtem tanhmã amnhĩ tomnuj to nhũm ja ixpê omnuj nẽ. Jakamã kot paj tãm amnhĩ nhĩpêx pix o ri ixpa nhũm Tĩrtũm mã ja mex nẽ. Anẽ.
Nẽ kwa Kris kôt ixkwỳjaja. Mẽ axohtô nẽ mẽ amã Tĩrtũm kapẽr o mẽ ahkre hprãm tã kormã ja kaxyw mẽ apiitã mẽ amex kêt. Mẽ ixte Tĩrtũm kapẽr o mẽ ajahkre xwỳnhjaja kot paj mẽ tanhmã amnhĩ tomnuj to japêr nhũm Tĩrtũm ja hã mẽ ixpumu nhũm ja kêp omnuj nẽ. Mẽ ixte kapẽr o mẽ ajahkre ho mẽ ixpa kênã kot pa hkêt mẽ ri tanhmã amnhĩ tomnuj to ho ri ixpa. Jakamã kot kaj mẽ Tĩrtũm kapẽr piitã hkôt ri amnhĩ nhĩpêx mex nẽ rĩ kormã ho akwỳjê jahkre ho ri apa.
E ixkwỳjaja. Pa mẽ amã mẽmoj jarẽ ka mẽ inhma nẽ inhmar tỳx nẽ. Kêr ka mẽ mẽmoj tã amnhĩ jarẽnh kaxyw hãmri nẽ akatàt kôt amnhĩ jarẽnh kurê kumrẽx. Nẽ amnhĩ jarẽnh o: “Nà kot paj ja ho anẽ.” Anẽ. Rỳ amnhĩ jarẽnh o: “Nà kwarĩ pa ja ho anhỹr kêt nẽ.” Anhỹr o amnhĩ jarẽnh kurê kumrẽx. Kê mẽ akwỳjaja ãm hãmri mẽ ate amnhĩ jarẽnh ã mẽ apumunh kurê kumrẽx nẽ axêx ã mẽ akamnhĩx kêt nẽ. Mẽ apê Tĩrtũm kra kênã kot ka kêt mẽ ri axtem nẽ amnhĩ jarẽnh o axêx.
ကြော်ငြာတွေ