Wam Korĩt 1:19 - Tĩrtũm kapẽr ã kagà nyw

¹⁹ Nẽ Tĩrtũm kapẽr ã kagà htũm kot mẽ kêp hkra hkêt xwỳnhjê jarẽnh kot: Mẽ kot htỳx ri àhpumunh tỳx ã amnhĩ to jarkrar o pa htã kot paj mẽ kêp ja ho ijapêx pa nhũm mẽ ã amnhĩ jarẽnh anhỹr kaprỳ. Anẽ.

Wam Korĩt 1:19 ပူးပေါင်းရင်းမြစ်များ

Wam Korĩt 3:19

No pika kamã mẽ àhpumunh xwỳnhjaja Tĩrtũm noo mã te mẽ hkrã pipãnh nẽ htỳx ri pata pyràk. Tĩrtũm kapẽr ã kagà htũm kot mẽ harẽnh kot: Pika ja kamã mẽ àhpumunh tỳx ã mẽ kot amnhĩ to jarkrar xwỳnhjaja Tĩrtũm noo mã te mẽ kot amnhĩ to hêx o pa pyràk. Anẽ.

Wam Korĩt 4:10

Na hte mẽ kot mẽ ixkapẽr mar xwỳnh kwỳjaja kãm mẽ ixkĩnh kêt nẽ tanhmã mẽ ixto kapẽr punuj to. No mẽ kajaja nhũm mẽ ã mẽ ato kapẽr anhỹr kêt nẽ. Na htem mẽ ixkrã pipãnh ã mẽ ijarẽ no mẽ kajaja nhũm mẽ Kris nhỹ hã mẽ axàhpumunh tỳx ã mẽ ajarẽ. Nẽ mẽ ixte Tĩrtũm kapẽr kôt amnhĩ nhĩpêx mex kêt ã mẽ ijarẽ no mẽ kajaja na htem Tĩrtũm kôt mẽ ate amnhĩ nhĩpêx mex ã mẽ ajarẽ. Nẽ mẽ kot mẽ ixkamã õkre kahak tỳx tã mẽ akamã õkre kahak kêt nẽ mẽ kãm mẽ akapẽr mar prãm nẽ.

Wam Korĩt 4:6

E Jejus kôt ixkwỳjaja. Nà na pa ã mẽ amã Apor mẽ wa amnhĩ jarẽnh anẽ. Mẽ ate inhmar nẽ Tĩrtũm kapẽr ã kagà hkôt tanhmã wa ijarẽnh to kaxyw. Kot kaj mẽ ã amnhĩ nhĩpêx anẽ hãmri nẽ ahpỹnhã tanhmã mẽ ixte Kris kapẽr jarẽnh xwỳnhjê jarẽnh to hkêt nẽ. Nẽ axpẽn mã mẽ ijarẽnh o: —Nà tãm kot Kris kapẽr jarẽnh mex o kot hkwỳjê jakrenh jakamã kot paj hkôt pix mã mãn ri ixpa. Anhỹr o axpẽn mã mẽ ixtõ jarẽnh kêt nẽ. Kot kaj mẽ ã mẽ ixtõ jarẽnh anẽ nẽ te mẽ ixto jarkrar pyràk o amnhĩ nhĩpêx.