Wam Juãw 5:1 - Tĩrtũm kapẽr ã kagà nyw

¹ Nẽ Tĩrtũm kot mẽ pahwỳr Jejus mẽnh ã harẽnhja. Koja mẽhõ kuma nẽ amnhĩ kaxyw hkôt hamaxpẽr nẽ Jejus kôt amnhĩ xãm hã koja Tĩrtũm ja hã omu nẽ ho hkra. Nẽ koja mẽhõ kãm Tĩrtũm kĩnh hã koja mããnẽn kãm hkwỳjê hkĩnh o pa.

Wam Juãw 5:1 ပူးပေါင်းရင်းမြစ်များ

Wam Juãw 2:29

Krisja mex o mex jakamã na pu htem uràk nẽ amnhĩ to mex o ri papa. Mẽ pahte amnhĩ to mex o papa xwỳnhjaja uràk nẽ mẽ pahpê Tĩrtũm kra na pu mẽ.

Juãw 8:42

Hãmri nhũm mẽ kãm: —Nà mẽ ate Apraãw kôt amnhĩ nhĩpêx ronhỹx ka mẽ ixpumu nẽ uràk nẽ amã ixprãm nẽ. Apraãw kot hkôt amnhĩ nhĩpêx o pa xwỳnhta tãm kot mẽ awỳr inhmẽnh nhũm mẽ awỳr ixwrỳk kênã. Na pa pre amnhĩ krã hkôt man mẽ awỳr ixwrỳk kêt nẽ. Tãm na pre mẽ awỳr inhmẽ pa wrỳ.

Wam Juãw 4:7

E ixkwỳjaja. Na hte Tĩrtũm tanhmã mẽ pahpê hkrajê ho pu mẽ pamã axpẽn kĩnh nẽ. Jakamã kêr pu mẽ ã axpẽn nhĩpêx anhỹr jao axpẽn to mex pix nẽ. Ã Tĩrtũm kot mẽ panhĩpêx anhỹr jakamã kêr pu mẽ pahpê hkrajaja ỹ hã ã axpẽn nhĩpêx anhỹr o ri papa.

Wam Juãw 3:14

Kormã mẽ pahte Jejus kôt amnhĩ xunhwỳr kêt ri na pu prem mẽ uràk nẽ amnhĩ tomnuj o papa. Jao mẽ pahpê kuwy hwỳr papa mã xwỳnh. Tã mẽ pahte Jejus kôt amnhĩ xunhwỳr jakamã ra pahpê Tĩrtũm mẽ Kra wa kuri pahtĩr tũm nẽ papa mã xwỳnh. Jakamã na pu htem mẽ kêp hkra hkêt xwỳnhjê kurom pamã mẽ piitã mẽ hkĩnh o tanhmã mẽ ho mex to ho papa. Mẽ kãm amnhĩ kwỳjê hkĩnh kêt xwỳnhjaja arĩ mẽ kêp kuwy hwỳr mẽ pa mã xwỳnh na mẽ. Ra mẽ pahte ja jarẽnh mar mex.

Wam Juãw 5:4

Na pu prem amnhĩ kaxyw Tĩrtũm Kra Jejus kôt pajamaxpẽr nẽ hkôt amnhĩ xunhwỳ nhũm Tĩrtũm ja hã mẽ pahpumu nẽ mẽ pahto hkra pu mẽ ỹ hã amnhĩ nhĩpêx nyw o amnhĩ nhĩpêx o papa. No ri tanhmã amnhĩ tomnuj to ho ri papa hkêt nẽ.

Wam Juãw 4:20

Nẽ koja mẽhõ kãm Tĩrtũm kĩnh ã amnhĩ jarẽnh tã kãm hkwỳjê hõ hprãm nõkati hãmri nẽ ra kãm Tĩrtũm prãm kêt ã amnhĩ to amnhĩrĩt. Kot kaj mẽ ano ho akwỳjê pumunh o apa xwỳnhta amã hkĩnh kêê tã tanhmã kot ka we amnhĩ to nẽ ate ano ho Tĩrtũm pumunh kêêta amã hkĩnh ã amnhĩ jarẽ? Nà ka ã amnhĩ jarẽnh anhỹr o amnhĩ to axêx.

Wam Juãw 3:9

Nom mẽ papajaja mẽ pahpê Tĩrtũm kra na pu mẽ. Na pre mẽ pahwỳr amnhĩ Karõ rẽ nhũm mẽ pahkarõ mã gjêx pa nẽ mẽ pahkôt pa ho pa. Jakamã tanhmã kot puj wem amnhĩ to nẽ Satanasti pyrà nẽ pahtỳx ri amnhĩ tomnuj o papa? Nà kot puj mẽ ã amnhĩ nhĩpêx anhỹr kêt nẽ.

Juãw 3:3

Hãmri nhũm kuma nẽ tanhmã kãm kapẽr to. No ãm amnhĩ tã kuxi nẽ kãm awjarẽ nẽ kãm: —Na htem piitã mẽ katorxà nhõxà hkre rũm hapôj. Tã Tĩrtũm kãm mẽ piitã axte mẽ hapôx prãm. Jakamã kot kaj mẽ akator o axkrut kêt nẽ hãmri nẽ nhỹrmã Tĩrtũm ri atĩr tũm nẽ apa ho apa hkêt nẽ. Ãm hkrajê pix na htem kuri htĩr tũm nẽ pa ho pa. Jakamã kwa jam ajamaxpẽr tỳx nẽ ri ho apa. Anẽ.

Matêwre 16:16

Hãmri nhũm Simãw Pêtre kãm: —Nà apê Tĩrtũm kot mẽ ixkaxyw axãm nẽ mẽ ixwỳr amẽnh xwỳnh na ka. Nẽ apê mẽ ixpiitã mẽ inhõ Pahi Maati na ka. Ã na pa htem axpẽn mã ajarẽnh anẽ. Anẽ.

Juãw 15:23

—Nẽ koja mẽhõ kêp ixprãm nõkati nẽ mããnẽn te kêp Inhĩpêêxà prãm nõkati pyràk.

Wam Pêtre 1:3

Nẽ na pre mẽ panhõ Pahihti Jejus Krisja ty nhũm Hipêêxà Tĩrtũm akupỹm ho htĩr. Tã kot mẽ pakutã nojarêt rãhã ho pa jakamã na pre mẽ pahpê hkrajê mã mẽ pajamaxpẽr nyw jagjê pu mẽ ỹ hã pahte amnhĩ nhĩpêx nyw o amnhĩ nhĩpêx o papa. Hãmri nẽ Jejus akupỹm htĩrja mã pajamaxpẽr nẽ amnhĩ kukamã pajamaxpẽr o: —Kot paj nhỹrmã ty nhũm Tĩrtũm kot Jejus nhĩpêx pyrà nẽ akupỹm ixto ixtĩr pa wa kuri ixtĩr tũm nẽ inhmex kumrẽx rãhã ixpa ho ixpa. Nà koja ã inhĩpêx anẽ. Anhỹr o pajamaxpẽr jakamã kwa kêr pu mẽ Tĩrtũm mã mex o mex ã mãn harẽnh rãhã ho papa.

Xiakre 1:18

Tã kapẽr pix o kot ã mẽmoj to kator kot anhỹr. Nẽ mẽ pamã kapẽr o amnhĩrĩt. Kãm mẽ pahto hkra hprãm xàj mẽ pamã Jejus kot tanhmã mẽ panê amnhĩ nhĩpêx toja nhũm pre mẽ pamã ho amnhĩrĩt. Na pu prem kuma nẽ hkôt amnhĩ xunhwỳ nhũm amnhĩ tã mẽ pahpumu nẽ mẽ pahto hkra. Mẽ pahpê Ijaew kumrẽxjaja na pre mẽ pahto hkra.

Juãw 6:69

Ka na pre Tĩrtũm mẽ ixwỳr amẽ. Jakamã na pa mẽ amnhĩ kaxyw akôt ijamaxpẽr o ri ixpa. Nà kot paj mẽ aa akaga hkêt nẽ. Anẽ.

Atre 8:36

Hãmri nhũm wa kormã mõ nẽ pry htã himô hãnh mõ nhũm Exiop nhõ xwỳnh omu nẽ Firipti mã kãm: —E mũj gô mũj nõ. Xà kot kaj kamã ixkrã kumrã nà? Anẽ.

Juãw 1:3

Nẽ Tĩrtũm nhỹ hã na pre mẽmoj piitã hã apê nẽ ho kato. Jao pyka ho kato nẽ kaxkwa ho kato nẽ gô xujanãr o kato. Nẽ kamã mẽmoj piitã Tĩrtũm nhỹ hã ho kator pa. Kop apu mẽmoj to kator kêt ronhỹx mẽmoj amrakati kumrẽx.

Wam Juãw 5:18

Nẽ mẽ pahpê Tĩrtũm krajaja na pu htem amnhĩ tomnuj o papa hkêt nẽ. Tĩrtũm Kra Jejus kot ja pymaj mẽ panê Satanasti pumunh mex jakamã nhũm tee ri mẽ pahte tanhmã amnhĩ tomnuj to hprãm xàj mẽ pano kupyr kaprỳ ho ri pa. Ra mẽ pahte ja mar mex.

Atre 8:37

Nhũm kãm: —Nà kot kaj amnhĩ kaxyw Jejus Kris kôt ajamaxpẽr nẽ hkôt amnhĩ xãm hã kot paj akrã kumrãr kurê kumrẽx. Anẽ. Hãmri nhũm kãm: —Tỳ. Kêp Tĩrtũm Kra kênã kot paj kêt amnhĩ kaxyw hkôt ijamaxpẽr kêt. Anẽ.