Sikũn Korĩt 12:7 - Tĩrtũm kapẽr ã kagà nyw

⁷ Na pre Tĩrtũm inhõt kãm inhmã mẽmoj mex kwỳ jarẽnh rax nẽ. Hãmri nẽ hpãnhã inhmã: —E na ka akwỳjê rom inhõ krĩ hwỳr api nẽ mẽ kurom mẽmoj mex pumunh rax nẽ. Tã ate ja hã amnhĩ pumunh nẽ ma mẽ kãm hã amnhĩ to jarkrar o ri apa pymaj kot paj Satanasti mã anẽ nhũm inhma nẽ tanhmã atomnuj to ho pa. Nom ijamaxpẽr xà hkôt koja ã anhĩpêx anẽ. Anhỹr jakamã nhũm tanhmã inhĩpêx to pa inhmex kêt nẽ ixpa. Te mrônhĩ rax nhỹhỹnh kot ixkamnhwỳr nhũm inhmã tee ri hkaxàr prãm kaprỳ nẽ ỹ hã ho inhgjêx rãhã nẽ ixpaja pyràk.

Sikũn Korĩt 12:7 ပူးပေါင်းရင်းမြစ်များ

Matêwre 26:67

Hãmri nẽ tanhmã hipêx kati hto. Mẽ hkwỳjaja hkuk kuhtô nẽ ĩhkra ho htak nhũm mẽ hkwỳjaja ĩhkra hpo ho htak nẽ hã hpẽr o axkẽ nẽ kãm:

Matêwre 4:10

Hãmri nhũm kuma nẽ axte kãm kapẽr nẽ kãm: —Tk kwa ma nhỹhỹm tẽ Satanasti. Kot paj ri amã amex o amex ã ajarẽnh kêt kumrẽx. Tĩrtũm kapẽr ã kagà htũm kot ja nê kapẽr kãm hihtỳx kênã. Kapẽr kot: Kêr ka mẽ ixkapẽr pix ma nẽ ixkutã pix mã akõnkrã ho akrĩ nẽ inhmã inhmex o inhmex ã ijarẽ. Kêr ka mẽ ã amnhĩ nhĩpêx anhỹr o ri apa. —Anhỹr o kot hã karõ jakamã kot paj amã amex o amex ã ajarẽnh kêt kumrẽx. Anẽ.

Rukre 13:16

Ixte ni ho mex xwỳnhta mẽ pahpyrà nẽ kêp finat Apraãw kagrõt nyw õ na. Nhũm pre Satanasti te kot kãm ê nẽ ri o pa pyràk o hipêx jakamã nhũm ỹ hã hikôt nẽ ri paja ã ra hã amgrà kêp 18. Tã pa nê te ixte Satanasti ho ixkrihkrit nẽ ixte kêp utàr pyràk o hipêx nẽ akupỹm ho mex. Mo kot pa kêt ri omu nẽ ãm omu nẽ arĩgromnu hã ho mex kêt nẽ? Nà ixte arĩgro piitã hã akupỹm mẽ ho mex o ixpa xwỳnh kênã. Anẽ.

Wam Korĩt 4:11

Na pa htem arĩ Kris ã ixpunuj nẽ ixpa. Nẽ mẽ inhmã prãm nẽ mẽ inhmã kôr nẽ ri ixpa. Nẽ mẽ ixê pikaxônhre nẽ ri ixpa. Nhũm htem Kris ã mẽ ixtak rũnh nẽ. Pa mẽ inhõrkwỹ hkêt nẽ nhãm ri ixpa nẽ nhãm ri ixpa. Na pa htem arĩ ã amnhĩ nhĩpêx anhỹr o ri ixpa.

Sikũn Korĩt 10:10

Mẽ akamã mẽ kãm ixkĩnh kêt xwỳnhjaja na htem ijarẽnh o: —Pawre na hte awry hã pa nẽ mẽ pahwỳr kagà rẽnh nẽ kamã te kêp pahi ho amnhĩ nhĩpêx pyrà nẽ mẽmoj tã mẽ pamã kapẽr kãm hihtỳx nẽ. Tã mẽ pahwỳr pôj hãmri nẽ kapẽr kaxyw nom kapẽr kãm hihtỳx o kapẽr kêt nẽ. Jakamã mo kaxyw kot puj mẽ hwỳr mra nẽ kapẽr ma? Anhỹr o ijarẽ.

Sikũn Korĩt 10:5

Na htem htỳx ri tanhmã Tĩrtũm nê hkwỳjê mã kapẽr to ho pa. Amnhĩ kaxyw hkôt mẽ hamaxpẽr kêt kaxyw tanhmã nê mẽ kãm kapẽr to. Na pa htem ja hã mẽ omu nẽ Tĩrtũm xàhpumunh tỳx xà ho tanhmã mẽ kãm ixkapẽr to nhũm mẽ tee ri inhma nẽ axte mẽ kêp àmnàr kêt nẽ. Pa mẽ kãm Tĩrtũm kapẽr jarẽ nhũm mẽ ohtô nẽ kuma nẽ Kris kôt amnhĩ xunhwỳ nẽ hkôt amnhĩ nhĩpêx o pa.

Sikũn Korĩt 11:20

Mẽ kot Kris nhỹ hã mẽ ahkre hã amnhĩ to hêx xwỳnhjaja mẽ pakurom mẽ kot amnhĩ to rax xwỳnh ã amnhĩ jarẽnh jakamã na htem mẽmoj tã mẽ amã karõ ho pa. Nẽ mẽ kãm hprãm xà hkôt nhỹhỹm mẽ arẽ nẽ nhỹhỹm mẽ arẽ. Nẽ mẽ apa pix kukwak ri apkur o pa. Nẽ mẽmoj tã mẽ ajakwap mẽ atak o pa. Ã mẽ kot mẽ anhĩpêx anhỹr tã ka te mẽ ate atũm kêt pyrà nẽ atỳx ri mẽ kapẽr ma nẽ mẽ hkôt amnhĩ nhĩpêx o ri apa.

Sikũn Korĩt 12:1

E Kris kôt ixkwỳjaja. Nà inhmã amnhĩ to jarkrar hprãm kêt tã kot paj tanhmã mẽ amã amnhĩ jarẽnh to ka mẽ inhma nẽ hã ixtã apijaàm japêr. Na hte Tĩrtũm tõhã inhõt kãm ixkarõ mã tanhmã kapẽr to.

Karatas 4:13

Na pa pre ixàà nẽ mẽ awỳr mõ nhũm ixàja ixto htỳx nẽ pa tokyx ixkator nẽ ma akupỹm mẽ arũm inhmõr kêt nẽ arĩ mẽ amã Tĩrtũm kapẽr jarẽnh o ixpa.

Wam Ximotre 3:6

Nẽ kê mẽ kot Jejus kôt amnhĩ xunhwỳr kêt xwỳnhjê noo mã tãm amnhĩ nhĩpêx rãhã ho pa. Mẽ kot ja hã mẽ omunh nẽ mẽ hã hpijaàm o pa kaxyw. Nom koja mẽ tanhmã amnhĩ tomnuj to nhũm mẽ tee ri ja hã mẽ omu nẽ mẽ ho kapẽr punuj nẽ. Satanasti kãm hprãm xà hkôt. Nẽ kê mẽ kot Kris kôt amnhĩ xunhwỳr nyw xwỳnhjaja kêp pastô hkêt nẽ. Koja mẽ kêp pastô hãmri nẽ mẽmo arĩgro hã tanhmã hamaxpẽr to nẽ amnhĩ to rax prãm xàj tanhmã amnhĩ to jarkrar to ho pa. Hãmri nhũm Tĩrtũm tee ri ja hã omu nẽ te kot Satanasti nhĩpêx pyràk o hipêx nẽ tanhmã homnuj to. Ja pymaj kê mẽ kot Kris kôt amnhĩ xunhwỳr nyw xwỳnhjaja kêp pastô hkêt nẽ. E pastô na hte ã amnhĩ nhĩpêx anhỹr o pa kamã Jejus kwỳjê jahkre nẽ tanhmã mẽ ho ajuta hto ho mẽ hkôt pa Ximotre.