Sikũn Korĩt 10:6 - Tĩrtũm kapẽr ã kagà nyw

⁶ Tã mẽ kajaja kot kaj mẽ Tĩrtũm kôt amnhĩ nhĩpêx mex tã mẽ atõ ra kapẽr nhĩrôp xa nẽ tanhmã amnhĩ tomnuj to. Pa ja hã apumu rỳ hã ajarẽnh ma nẽ hã amã akir.

Sikũn Korĩt 10:6 ပူးပေါင်းရင်းမြစ်များ

Sikũn Korĩt 7:15

Tã nhũm pre mẽ arũm kato nẽ ra man akupỹn ixwỳr mõn pôj nẽ inhmã mẽ ajarẽnh o: —Na pa pre ma mẽ hwỳr mõ nẽ mẽ kãm ixkapẽr o ri mẽ hkôt ixpa nhũm mẽ ixkapẽr ma nẽ ixkôt amnhĩ nhĩpêx kurê kumrẽx nẽ ixto mex nẽ. Kormã ixte mẽ hwỳr inhmõr kêt tã mẽ harẽnh ma nẽ inhmã mẽ hkĩnh nẽ. Tã pa ma mẽ hwỳr mõ nhũm mẽ ixto mex rax nẽ pa ra inhmã mẽ hkĩnh tỳx kumrẽx. Anẽ.

Sikũn Korĩt 13:2

Hapu hã mẽ awỳr inhmõrta ã na pa pre mẽ akwỳ kot tanhmã amnhĩ tomnuj to hã mẽ omu nẽ hã mẽ kãm akir nẽ mẽ kãm: —Kot kaj mẽ amnhĩ tomnuj kaga nẽ tãm amnhĩ nhĩpêx kêt kot paj nhỹrmã akupỹn mẽ awỳr mõ nẽ ã mẽ ate amnhĩ nhĩpêx anhỹr ã mẽ apumu nẽ hã mẽ atomnuj tỳx kumrẽx kãm ga. Anẽ. Jakamã kot paj mẽ ma mẽ awỳr mõ nhũm mẽ akwỳjaja arĩ mẽ ate amnhĩ tomnuj o apa hã inhmã mẽ ajarẽ pa mẽ atã mẽ kuma nẽ tanhmã mẽ ato htỳx nẽ.

Sikũn Korĩt 13:10

Tã pa kormã mẽ awỳr inhmõr xwỳj ri ã amnhĩ kukamã kagà nhĩpêx nẽ mẽnh anẽ. Mẽ ate kamã harẽnh nẽ mar nẽ tokyx akupỹm tãm amnhĩ nhĩpêx kaxyw. Kot pa mẽ awỳr mõ nẽ Pahihti nhỹ hã mẽ ate amnhĩ tomnuj ã mẽ amã akir. Nom inhmã ã mẽmoj tã mẽ amã ixàkjêr anhỹr prãm kêt. Ãm ỹ hã kapẽr o mẽ ajahkre mex nhũm mẽ ate inhmar nẽ hkôt amnhĩ nhĩpêx rãhã ho apaja na inhmã hprãm.

Hapuhã Juãw 1:10

Na xep hte tanhmã ixto hêx to ho pa. Nom papxipix ixto hêx kêt nẽ. Mããnẽn Kris kôt mẽ pahtõjaja nhỹhỹnh krĩ hõ rũm mẽ awỳr pan pôj nhũm xep tanhmã mẽ amã mẽ ho hêx to. Nẽ mẽ hpôx ã mẽ omu nom amnhĩ nhõrkwỹ hwỳr mẽ hwỳr kêt nẽ. Tã ka mẽ kurom amnhĩ nhõrkwỹ hwỳr mẽ awỳ nhũm xep tee ri ja hã mẽ apumu nẽ mẽ akamã gryk nẽ mẽ hã mẽ amã akir nẽ Tĩrtũm mã amnhĩ jarẽnh xà hã ixkre nê mẽ ajano. Na xep hte ã amnhĩ nhĩpêx anhỹr o pa. Jakamã kot paj nhỹrmã ma mẽ awỳr mõ hãmri nẽ mẽ apiitã mẽ anoo mã hã kãm akir. Tanhmã kot mẽ ixto hêx to nẽ tanhmã kot amnhĩ tomnuj to hã kãm akir ka mẽ apiitã hã inhma.

Wam Ximotre 1:20

Imẽnew mẽ Aresãnja na pre wa ã amnhĩ nhĩpêx anẽ nẽ tanhmã Tĩrtũm o kapẽr punuj to. Mỳrapê na pa pre Satanasti nhĩhkram wa haxà. Kot tanhmã wa ho nhũm wa kot tee ri amnhĩ tomnujta ã amnhĩ pumunh nẽ tokyx tãm amnhĩ nhĩpêx nẽ axte ã amnhĩ nhĩpêx anhỹr kêt kaxyw.

Wam Korĩt 4:21

Jakamã kwa mẽ tokyx ixkutêp tãm amnhĩ nhĩpêx o ri apa. Kêr pa mõ nẽ mẽ awỳr pôj nẽ mẽ ate tãm amnhĩ nhĩpêx ã mẽ apumu nẽ ixkĩnh nẽ. Nẽ mẽmoj tã mẽ amã ixàkjêr kêt nẽ. Nẽ mẽ amã ixkapẽr mex pix o ri mẽ amã ixkapẽr. Te mẽ hipêêxà kot hkrajê mã kapẽr mex pyràk o mẽ amã ixkapẽr mex nẽ. Hãmri pu mẽ axpẽn pumu nẽ pahkĩnh nẽ.

Rõmãn 2:23

Nẽ mẽ ate Tĩrtũm kapẽr ã kagà mex o mex ã harẽnh tã hkôt amnhĩ nhĩpêx hkêt nẽ. Jakamã nhũm mẽ akwỳjaja ja hã mẽ apumu nẽ mẽ apyrà nẽ Tĩrtũm ã hpijaàm kêt o pa.