Sikũn Korĩt 10:10 - Tĩrtũm kapẽr ã kagà nyw

¹⁰ Mẽ akamã mẽ kãm ixkĩnh kêt xwỳnhjaja na htem ijarẽnh o: —Pawre na hte awry hã pa nẽ mẽ pahwỳr kagà rẽnh nẽ kamã te kêp pahi ho amnhĩ nhĩpêx pyrà nẽ mẽmoj tã mẽ pamã kapẽr kãm hihtỳx nẽ. Tã mẽ pahwỳr pôj hãmri nẽ kapẽr kaxyw nom kapẽr kãm hihtỳx o kapẽr kêt nẽ. Jakamã mo kaxyw kot puj mẽ hwỳr mra nẽ kapẽr ma? Anhỹr o ijarẽ.

Sikũn Korĩt 10:10 ပူးပေါင်းရင်းမြစ်များ

Wam Korĩt 1:17

Na pre Kris ixte mẽ hkrã kumrãr o ri ixpa kaxyw ixãm kêt nẽ. Ãm ixte mẽ kãm kapẽr jarẽnh o ri mẽ hkôt ixpa pix kaxyw na pre ixãm. Nẽ na pa hte amnhĩ krã hkôt ri ixujarẽnh o ri mẽ akôt ixpa hkêt nẽ. Kot pa ã amnhĩ nhĩpêx anẽ nhũm mẽ ixkapẽr mex ã inhma nẽ pa ixkôt amnhĩ xunhwỳ. Ja pymaj na pa hte amnhĩ krã hkôt ri tanhmã ixujarẽnh to ho ri ixpa hkêt nẽ. Na pa hte ãm ixprĩ hã Kris kot tanhmã mẽ panê amnhĩ nhĩpêx to hã harẽnh o ri mẽ hkôt ixpa. Mẽ pahpiitã mẽ panê htyk ã harẽnhja pa hte mẽ kãm harẽ. Mẽ kot hprĩ hã mar nẽ hkôt amnhĩ xunhwỳr kaxyw. Jao amnhĩ krãm mẽ ujarẽnh mexta jagjênh nẽ hã no htỳx kaxyw. Pa ja hã mẽ omu nẽ ixkĩnh nẽ ijamaxpẽr o: —Na htem ixkapẽr ma nẽ Jejus kôt amnhĩ xunhwỳr kurê kumrẽx. Nà ãm hãmri na pa hte mẽ kãm ixkapẽr kaprỳ ho ri ixpa hkêt nẽ. Anẽ.

Sikũn Korĩt 11:6

Mẽ hkĩnhã ixkapẽr kror pyràk tã no ãm ixte Tĩrtũm kapẽr mar tỳx. Nẽ kot amnhĩ nhĩpêxja na ixte omunh par. Ra mẽ ate ja hã ixpumunh mex.

Sikũn Korĩt 10:1

E Kris kôt ixkwỳjaja. Nà ixpê Pawre kot paj mẽ akwỳ kot tanhmã ixto kapẽr to xwỳnhjê mã amnhĩ jarẽ ka mẽ apiitã inhma. Nà na hte Kris mẽ pakamã gryk tokyx anhỹr kêt nẽ. Na hte mẽ pahto mex japjê nẽ. Tã inhmã uràk nẽ ã mẽ anhĩpêx anhỹr prãm nẽ. No na hte mẽ akwỳjaja axpẽn mã tanhmã ixto kapẽr punuj to nẽ ri axpẽn mã: —Pawre na hte nhỹri krĩ kamã pa nẽ mẽ pamã kagà nhĩpêx nẽ mẽ pahwỳr kurẽ nẽ kamã mẽmoj tã mẽ pamã kapẽr kãm hihtỳx nẽ hã mẽ pamã akir. Tã amnẽ mẽ pahwỳr mõ hãmri nẽ te kãm mẽ pahpyma pyràk o mẽ pamã kapẽr o pa. Anhỹr o ijarẽ.

Wam Korĩt 1:21

Tĩrtũm àhpumunh o àhpumunh jakamã na pre ra mẽ hkukamã hamaxpẽr o: —Nà kot paj mẽ àhpumunh tỳx ã mẽ omunh xà hkôt mẽ ho ixkra hkêt nẽ. Ãm mẽ kot ixkra Jejus kot mẽ nê htyk ã harẽnh mar nẽ amnhĩ kaxyw hkôt hamaxpẽr pix ã mẽ omunh xà hkôt kot paj mẽ ho ixkra. Anẽ.

Sikũn Korĩt 10:9

E kwa Kris kôt ixkwỳjaja. Na pa hte mẽ amã ixpuma kaxyw mẽ awỳr kagà rẽnh kêt nẽ. Mẽ ate kamã harẽnh nẽ tee ri amnhĩ kukamã ajamaxpẽr o amnhĩ kamã amã ma kaxyw kêt.

Sikũn Korĩt 10:11

Nom ã ixte anhỹr kêt. Kwa mẽ inhma. Kot paj nhỹrmã ma mẽ awỳr mõ hãmri nẽ te kagà ja kamã mẽ amã ixkapẽr pyràk o mẽ amã ixkapẽr nẽ ixkapẽr xihtỳx o mẽ amã ixkapẽr kãm ga.

Sikũn Korĩt 11:21

Tã ixte mẽ uràk nẽ ã mẽ anhĩpêx anhỹr kêt tã kot paj mẽ uràk nẽ mẽ amã tanhmã amnhĩ to jarkrar to ka mẽ inhmar japêr. Te ixtỳx ri amnhĩ jarẽnh pyràk o kot paj mẽ amã amnhĩ jarẽ nom ãm hãmri mẽ amã amnhĩ jarẽ.

Sikũn Korĩt 13:3

Kot kaj mẽ ja hã ixpumu nẽ aprĩ hã ixte Kris nhỹ hã ixkapẽr xwỳnh ã ixpumunh tỳx kurê kumrẽx. Kris ixrom hihtỳx o hihtỳx. Na pre ra mẽ ate amnhĩ tomnuj o apata mỳrapê tanhmã mẽ anhĩpêx to. Tã kot kaj mẽ kormã ã ate amnhĩ nhĩpêx anhỹrja kaga hkêt hã koja tee ri ja hã mẽ apumu nẽ mẽ anhĩpêx kati nẽ.