Rukre 6:41 - Tĩrtũm kapẽr ã kagà nyw

^41-42 Jao mẽhõ kot tanhmã amnhĩ tomnuj to hã omu hãmri nẽ tanhmã hã kãm nẽ tokyx anhỹr kêt nẽ. Akumrẽx ate tanhmã amnhĩ tomnuj to hã amnhĩ pumu nẽ hkaga hãmri nẽ rĩ kormã mẽhõta hwỳr tẽ nẽ kot tanhmã amnhĩ tomnuj to hã kãm akapẽr to. Anẽ.

Rukre 6:41 ပူးပေါင်းရင်းမြစ်များ

Matêwre 7:1

Nhũm Jejus arĩ mẽ kãm kapẽr nẽ mẽ kãm: —Nẽ kêr ka mẽ atỳx ri amnhĩ krã hkôt tanhmã akwỳjê hõ kot amnhĩ tomnuj to hã harẽnh kêt nẽ. Kot kaj mẽ ã harẽnh anẽ nhũm Tĩrtũm ja hã mẽ apumu nẽ mẽ kajaja ã mẽ ajarẽnh anẽ.

Makre 8:7

Nhũm hpãnhã tepta py nẽ mã ho anẽ nẽ ho Tĩrtũm wỳ. Hãmri nẽ hkôt mẽ pa ho mẽ pa xwỳnhjê mã kugõ nhũm mẽ mã ho anẽ nẽ hamỳ nẽ ho mẽ hipêx pa.

Rukre 6:40

Tĩrtũmja tapxipix na kot mẽ pajamaxpẽr kôt mẽ pahpumunh par. Mẽ axàhpumunh tỳx o mẽ pahte hakrenh kêt jakamã kwa kêr ka mẽ ãm hkôt pix mã amnhĩ nhĩpêx o ri apa. Kot kaj mẽ ã amnhĩ nhĩpêx anẽ hãmri nẽ gaa nẽ uràk nẽ mẽ piitã mẽ kamã axukaprĩ pix o ri apa.

Juãw 8:7

Nhũm mẽ tee ri omu nẽ axte hã hkukja nhũm kànhmã xa nẽ mẽ kãm: —Tôe. Nà kot ka mẽ atõ aa tanhmã amnhĩ tomnuj to hkêt kumrẽx ã amnhĩ pumu hãmri nẽ kam nẽ rĩ kaxyw kẽn õ py nẽ akumrẽx ho hkura. Kê akwỳjaja rĩ kormã akôt hkwỳ jamỳ nẽ ho htak. Anẽ.

Rõmãn 2:1

Nẽ kot ka mẽ atõ ã mẽ kot amnhĩ tomnuj anhỹr xwỳnhjê kot amnhĩ nhĩpêx ã mẽ harẽnh ma nẽ ã ajamaxpẽr anẽ nẽ ajamaxpẽr o: —Tk. Mẽ kot amnhĩ tomnuj pix o ri pa xwỳnh kênã. No pa na ã ixte amnhĩ nhĩpêx anhỹr o ri ixpa hkêt. Mẽ kurom ixte tãm amnhĩ nhĩpêx o ri ixpa xwỳnh na pa. Anhỹr o amnhĩ jarẽ. Kwa nà mẽ ã ajamaxpẽr anhỹr kêt nẽ. Mẽ pajaxwỳja na pu htem tõhã mẽ uràk nẽ tanhmã amnhĩ tomnuj to. Tã ka mẽ ã mẽ kot amnhĩ tomnuj ã mẽ harẽnh anẽ nẽ te ka ate amnhĩ jarẽnh pyràk.