Rukre 4:43 - Tĩrtũm kapẽr ã kagà nyw

⁴³ Hãmri nhũm mẽ kuma nẽ amnhĩ tã mẽ kãm: —Nà kot paj kritpêm mẽ akôt ixpikamẽnh kêt nẽ. Kot paj ma krĩ piitã hkôt ri Tĩrtũm kapẽr o mẽ ahkre ho ri mẽ hkôt ixpa. Tĩrtũm kot tanhmã mẽ ho hkra hto hã harẽnhja kot paj mẽ hkôt ri mẽ kãm harẽnh o ri ixpa. Ja kaxyw na pre Tĩrtũm mẽ awỳr inhmẽ. Anẽ.

Rukre 4:43 ပူးပေါင်းရင်းမြစ်များ

Matêwre 4:23

Tã nhũm Jejus Garirej kamã Ijaew mã Tĩrtũm kapẽr jarẽnh o pa. Na pre hte Tĩrtũm kapẽr o mẽ ahkre xà hã ixkre hwỳr agjê nẽ kamã mẽ kãm Tĩrtũm kapẽr jarẽnh o hkrĩ nẽ mẽ kãm: —E mẽ tee ri ate amnhĩ tomnuj ã amnhĩ pumu nẽ hpãnhã Tĩrtũm kôt mãn amnhĩ nhĩpêx o ri apa. Kot kaj mẽ ã amnhĩ nhĩpêx anẽ nhũm ja hã mẽ apumu nẽ mẽ ato hkra kurê kumrẽx. Anẽ. Hãmri nẽ akupỹm mẽ kãm mẽ à xwỳnhjê ho mex. Ahpỹnhã tanhmã mẽ à kute xwỳnhjaja nhũm akupỹm mẽ ho mex o pa.

Makre 1:35

Tã nhũm apkati nhũm kormã myt kator kêt ri nhũm Jejus kànhmã nhỹ nẽ tẽ nẽ kato. Hãmri nẽ ma kapôt ã ahte nhỹhỹm tẽ nẽ nhỹri Tĩrtũm mã amnhĩ jarẽnh o nhỹ.

Juãw 20:21

Hãmri nhũm mẽ inhmã: —E kwa kêr ka mẽ tee ri amnhĩ kukamã ajamaxpẽr o amã ma ho ri apa hkêt nẽ. Na pre Inhĩpêêxàja mẽ awỳr inhmẽ pa pre wrỳ. Tã kot paj amnhĩ pyrà nẽ mẽ piitã mẽ hwỳr mẽ arẽ. Anẽ.

Juãw 9:4

Na htem arĩgro hã mẽmoj tã apê nhũm kamàt nhũm mẽ kãm ure nẽ àpênh kêt nẽ. Ja pyrà nẽ na pu htem kormã pahtĩr ri jar pikap ri papa ri Tĩrtũm mã tanhmã amnhĩ nhĩpêx to ho ri papa. Tã kot puj mẽ nhỹrmã ty hãmri nẽ axte jar ã amnhĩ nhĩpêx anhỹr kêt nẽ. Jakamã kwa kêr pu mẽ ri jar pikap ri papa ri kãm tanhmã amnhĩ nhĩpêx mex to ho ri papa.

Sikũn Ximotre 4:2

Koja nhỹrmã mẽ kêp Tĩrtũm kra hkêt xwỳnhjaja axte kãm Tĩrtũm kapẽr mar prãm kêt nẽ nhãm mẽ kapẽr pix mar prãm o ri pa. Jao amnhĩ kukamã hamaxpẽr o: —Nà inhmã Tĩrtũm kapẽr mar prãm kêt. Kot mẽmoj piitã nê mẽ hkurê kênã. Kot paj hpãnhã mẽhõ kot mẽmoj nê mẽ hkurê hkêt xwỳnhjê kapẽr pix mar o ri ixpa. Nà kot paj anẽ. Ja na inhmã hprãm. Nom kot paj axte Tĩrtũm kapẽr mar kêt nẽ. Anhỹr jao kapẽr kaga nẽ hpãnhã htỳx ri nhãm mẽ ujarẽnh pix ma nẽ hkôt hamaxpẽr. Koja mẽ ã amnhĩ nhĩpêx anhỹr o pa. Jakamã kwa kêr ka arĩ mẽ kãm Jejus kot tanhmã mẽ panê amnhĩ nhĩpêx to hã harẽnh rãhã ho ri mẽ hkôt apa Ximotre. Mẽ kãm mar prãm kêt tã mãmrĩ ri mẽ kãm harẽ. Nẽ nhỹri mẽhõ pumu nẽ kãm harẽ. Mẽ kãm mar prãm xwỳnhjê mã harẽ nẽ mẽ kãm mar prãm kêt xwỳnhjaja ka mããnẽn mẽ kãm harẽ. Nhũm mẽhõ tanhmã amnhĩ tomnuj to ka hã omu nẽ tanhmã nê kãm akapẽr to kê hkaga tokyx anẽ nẽ akupỹm tãm amnhĩ nhĩpêx. Rỳ nhũm mẽhõ tãm amnhĩ nhĩpêx o pa ka ja hã omu nẽ hã kãm akapẽr nẽ kãm: —Ãm hãmri na ka hte Tĩrtũm kôt amnhĩ nhĩpêx mex nẽ. Anẽ. Hãmri nẽ anojarêt kêt kãm mẽ kãm Tĩrtũm kapẽr o mẽ ahkre rãhã ho ri apa.