Rukre 3:9 - Tĩrtũm kapẽr ã kagà nyw

⁹ —Na ra Tĩrtũm kot mẽ ate amnhĩ tomnuj mỳrapê tanhmã mẽ ato kaxyw. Koja mẽ anhĩpêx o te mẽhõ nhõ mẽmoj pàr ô hkêt nhũm kot tee ri omunh hãmri nẽ krãhyr nẽ kuwy kamã mẽnh nẽ ho xêt par pyràk o mẽ anhĩpêx. Jao amnhĩ nê kuwy hwỳr mẽ arẽnh pa ka mẽ kamã amnhĩ xà htỳx kamã ajamak rãhã ho ri apa. Anẽ. Nhũm pre ã Juãw Paxisja mẽ kãm kapẽr anẽ.

Rukre 3:9 ပူးပေါင်းရင်းမြစ်များ

Matêwre 3:10

Na ra Tĩrtũm mẽ ate amnhĩ tomnuj mỳrapê tanhmã mẽ ato kaxyw. Te ho mẽhõ nhõ mẽmo hpàr ô hkêt nhũm kot tee ri omunh nẽ krãhyr nẽ kuwy kamã mẽnh nẽ ho kaxàr par pyràk o koja mẽ anhĩpêx. Jao amnhĩ nê kuwy hwỳr mẽ arẽ ka mẽ kamã amnhĩ xà htỳx kamã ajamak rãhã ho ri apa. Anẽ. Nhũm pre ã Juãw Paxisja Parijew mẽ Satusew nhõ xwỳnhjê mã kapẽr anẽ.

Matêwre 7:19

—Nẽ koja mẽhõ õ pĩ hpàr ô hkêt japêr nhũm tee ri omu hãmri nẽ krãhta nẽ kuwym kumẽ. Ja pyrà nẽ koja mẽhõ tanhmã amnhĩ tomnuj to ho pa nhũm Tĩrtũm tee ri ja hã omu hãmri nẽ ã kot amnhĩ nhĩpêx anhỹr o paja mỳrapê kuwy hwỳr kumẽ.

Rukre 13:6

Tã nhũm Jejus kê axte tanhmã mẽ ahkre hto. Nẽ Tĩrtũm kot tanhmã mẽ panhĩpêx to hã kuxi nẽ mẽ kãm awjarẽ nẽ mẽ kãm: —Koja hpur nhõ dõn mẽmo pàr kre nhũm ra hprêk mex nẽ ô mã tãm nẽ. Tã aa ô hkêt ã ra hã amgrà axkrunẽpxi.

Rukre 13:7

Hãmri nhũm kot hkre xwỳnhja tee ri omu nẽ kãm àpênh xwỳnh wỳr tẽ nẽ kãm: “E kwa ma tẽ nẽ mẽmo pàr mũj krãhta nẽ amẽ. Mexti hã. Ra ô hkêt ã amgrà axkrunẽpxi kênã. Koja pẽr aa ô hkêt nẽ. Mo kaxyw kot kêt ô hkêt tã ô mex xwỳnh kaêx ã mẽ kêp àmnàr o kuhê? E hwỳr tẽ nẽ krãhta nẽ amẽ.” Anẽ.

Juãw 15:6

Na hte uwa krô nhõ dõnja nhỹri hã krô grà pumu hãmri nẽ kahkô nê hakà nẽ ma o mra nẽ kuwy kamã kurẽ nẽ ho hxêt pa. Ja pyrà nẽ mẽ kot htỳx ri ixkôt amnhĩ xunhwỳr ã amnhĩ jarẽnh xwỳnhjaja koja mẽ nhỹrmã amnhĩ xà htỳx kamã hamak rãhã ho pa.

Eprêw 10:28

Amnepêm finat Mojesja kormã htĩr ri na pre hte mẽhõ pixi nẽ kapẽr kaga nẽ akupỹm kot amnhĩ nhĩpêx tũm o awjanã nẽ tanhmã amnhĩ tomnuj to nhũm hkwỳjaja ja hã omu. Tanhmãn axkrut rỳ axkrunẽpxi nẽ ja hã omu. Hãmri nẽ ma Mojes wỳr mra nẽ axpẽn kôt kãm tanhmã kot amnhĩ tomnuj to hã harẽ. Hãmri nhũm harẽnh ma nẽ mẽ kãm hã amỹnê nhũm tee ri kãm htĩr prãm kaprỳ. Mẽ kot akupỹm amnhĩ nhĩpêx tũm o ujanãr nẽ amnhĩ tomnuj o paja mỳrapê na prem mẽ kupa. Ã na pre htem mẽ hipêx anhỹr o pa.

Eprêw 12:29

Hihtỳx o hihtỳx jakamã koja mẽmoj tã akamã gryk kot kaj amex kêt o amex kêt.