Rukre 23:38 - Tĩrtũm kapẽr ã kagà nyw

³⁸ Nhũm pôristija tapti hõ py nẽ tanhmã hã kagà hto. Nẽ hã kagà ho: ijaew nhõ pahi na ja Anhỹr o hã kagà hãmri nẽ Jejus wỳr api nẽ mỳ ri kunhô.

Rukre 23:38 ပူးပေါင်းရင်းမြစ်များ

Matêwre 27:37

Na htem mẽ hpar kaxyw nẽ tanhmã mẽ kot amnhĩ tomnuj to hã kagà nẽ mẽ mỳri pĩ kahpa hã hanhô. Jakamã na prem tapti hõ py nẽ tanhmã Jejus ã kagà hto nẽ hã kagà ho: ijaew nhõ pahi na ja hixi pê jejus Hãmri nẽ hwỳr ho api nẽ mỳri kunhô. Ã Jejus kot amnhĩ jarẽnh anhỹrja mỳrapê na prem kupĩ.

Rukre 23:3

Hãmri nhũm Pirat mẽ kuma nẽ Jejus pumu nẽ kãm: —E kwa inhmã amnhĩ jarẽ. Xà apê Ijaew nhõ pahi na ka? Xà ka na htem amnhĩ wỳr akãm hamak o pa? Anẽ. Hãmri nhũm kãm: —Nà ãm hãmri na ka ã ijarẽnh anẽ. Anẽ.

Makre 15:32

Kwa pu mẽ arĩ pakuhê nẽ kot amnhĩ kaxàr nẽ wrỳk kãm omu. Koja wrỳ pu mẽ omu nẽ kêp mẽ panhõ pahihti hã hkôt pajamaxpẽr kurê kumrẽx. E tokyx wrỳ Jejus pa mẽ awrỳk kãm apumu. Nà kot kaj awrỳk rax nẽ. Anẽ. Hãmri nhũm akutã wa kot hijê nẽ jêt xwỳnh wa haxwỳja kãm kapẽr punuj o ajêt.

Juãw 19:3

Hãmri nẽ xatã hwỳr mra nẽ hinep htak nẽ hã hpẽr o pikẽnh o xa nẽ kãm: —E apê Ijaew nhõ pahi punuti na ka. Anẽ.

Makre 15:18

Hãmri nẽ kãm: —E apê Ijaewjê nhõ pahi na ka. Anẽ.

Matêwre 27:11

Rôm nhũm mẽ pahihti Pirat wỳr Jejus o tẽ nẽ hwỳr ho axà nẽ kutã ãm nhũm xa nhũm Piratja omu nẽ kãm: —E. Kwa inhmã amnhĩ jarẽ. Xà apê Ijaew nhõ pahi na ka nà? Xà ka na htem amnhĩ wỳr ajamãr o pa? Anẽ. Hãmri nhũm kãm: —Tỳ. Nà ãm hãmri na ka ijarẽ. Anẽ.

Matêwre 2:2

nẽ mẽ kãm: —Pa? Ot pa mẽ apê Ijaew nhõ pahi nywreta pumunh kaxyw mõ. Ham kator xwỳnhta. Mẽ inhõ pika kamã na pa prem kaxkwa hkrax rũm kot ho amnhĩrĩt xà hã kanhêti raxta pumu. Hãmri nẽ nhỹri pahi nywre pumunh nẽ kutã mẽ ixkõn krã ho ixtẽm nẽ ixkrĩ nẽ kãm mex o mex ã harẽnh kaxyw nẽtãnh mẽ inhõ krĩ rũm hapêr o mõ. Kwa mẽ inhmã harẽ. Nhỹri na? Na pa mẽ inhmã omunh prãm tỳx kumrẽx. Anhỹr o hã mẽ hkukjêr o mõr jakamã nhũm mẽ piitã pahi nywja jarẽnh ma nẽ axpẽn mã harẽnh o hprõt.