Rukre 16:19 - Tĩrtũm kapẽr ã kagà nyw

¹⁹ Nhũm Jejus arĩ mẽ ahkre kamã mẽ kãm awjarẽ nẽ mẽ kãm: —Koja mẽhõ kàxpore rax xwỳnh ê mex pix kãm ri pa. Nẽ apkati mẽ apkur mex o pa.

Rukre 16:19 ပူးပေါင်းရင်းမြစ်များ

Apokarip 18:16

Nẽ mỳr kãm kapẽr o: Hêxta waa nẽ. Na pre htem ê mex pix jagjê nẽ ri hã mra. Kakrã htykre nẽ hkamrêkre. Nẽ mẽ hikukrêx mex o amnhĩ jamrêx nẽ ri hã mra. Nẽ ôr nẽ kẽn mex ã ohtô xwỳnh o amnhĩ jamrêx nẽ ri hã mra.

Apokarip 18:7

Krĩ nhõ xwỳnhjaja na prem mex nẽ pa. Nẽ mẽ hikukrêx rũnh nẽ hkĩnh nẽ pa. Nẽ tanhmã amnhĩ to jarkrar to ho ri pa nẽ amnhĩ jarẽnh o: “Ot pa mẽ te pahi ni kot amnhĩ nhĩpêxta pyrà nẽ ixkrĩ xà mex pix kãm ixkrĩ pyràk. Nẽ te Tĩrtũm kot amnhĩ nhĩpêx pyràk o na pa htem amnhĩ nhĩpêx o ri ixpa. Nẽ mẽ ixkĩnh nẽ mẽ inhmex rãhã ri ixpa. Ã mẽ ixte amnhĩ nhĩpêx anhỹr xwỳnh na pa mẽ.” Anhỹr ã amnhĩ to jarkrar o pa. Tã kêr ka mẽ tanhmã mẽ homnuj to kê mẽ mexta pãnhã omnuj tỳx nẽ pa. Nẽ kê mẽ hkaprĩ nẽ amnhĩ xà htỳx kãm hamak rãhã nẽ pa ho pa.

Rukre 16:1

Tã nhũm kê Jejus axte hkôt ri mẽ pa ho mẽ pa xwỳnhjê jahkre. No ãm mẽmoj tã kuxi nẽ mẽ kãm tanhmã ujarẽnh to nẽ mẽ kãm: —Nà koja mẽhõ hikàxpore rax xwỳnhja kãm àpênh xwỳnh mã mẽmoj to wẽnê ho pa kaxyw ãm. No nhũm kãm ho mex kêt nẽ. Axtem nẽ kêp amarĩ mẽ kãm mẽmoj to fiat par o mõ. Hãmri nhũm ra mẽhõ kot ã amnhĩ nhĩpêx anhỹr ã omu nẽ ma õ patrãw wỳr tẽ nẽ kãm harẽ.

Makre 15:17

Hãmri nẽ kêp pahi hã hpẽr o pikẽnh kaxyw kãm pahi hã mẽ ahkà nhĩpêx nẽ hkrãm haxà. Nom axtem nẽ akunĩ kamã mẽmo mrô nhĩ te kot ronh kanêre pyràk xwỳnhja nhũm mẽ kãm hikãx nẽ hkrãm haxà. Hãmri nẽ kêp ê kapa nẽ pahi hã mẽ ê kamrêk õ py nẽ kãm haxà.

Rukre 15:13

Hãmri nhũm kot haputa ãm ri hipêêxà hkôt pa hkrãnre hãmri nẽ kot kãm hikukrêx nhõr jamỳnh pa nẽ ma nhỹhỹm o mõ nẽ ho wẽnê hpa. Hãmri nẽ hpãnhã kàxpore jamỳ nẽ ma nhỹhỹm mõ. Nhỹhỹm awry hã pika hõ hwỳr ma mõ. Mõõ hãmri nẽ krĩ hõ kamã htỳx ri tanhmã amnhĩ tomnuj to ho ri pa. Hãmri nẽ gaa nẽ ra mẽ hkuprỳjê hã kàxpore ho hapêx pa. Nẽ kagôxỳhti hã ho hapêx pa. Nẽ gaa hãmri nẽ hikàxpore hkêt nẽ ri pa.

Makre 15:20

Hãmri nẽ kêp pahi xê kapa nẽ akupỹm kãm ê jaxà nẽ pĩ kahpa hã nhôr kaxyw ma o kato nẽ o tẽ.

Rukre 16:18

Nhũm Jejus arĩ mẽ ahkre nẽ mẽ kãm: —Nẽ kêr ka mẽ aprõ kaga hkêt nẽ apa. Kot kaj mẽ hkaga nẽ hpãnhã nhãm hõ ho aprõ nhũm Tĩrtũm noo mã te ate wam aprõ kamã nhãm ho amnhĩkati pyràk. Nhũm ja kêp omnuj nẽ. Rỳ ka ra mẽhõ kot hprõ kaga xwỳnhta ka hpãnhã ho aprõ. Nhũm Tĩrtũm noo mã te ate wam mjên pê ho amnhĩkati pyràk. Nhũm Tĩrtũm pê ja omnuj nẽ. Anẽ.

Rukre 16:20

Nhũm amrakati xwỳnh pê Rajareja hkà nhyre nẽ arĩ pry kamã àhwỳr o hkrĩ. Nhũm htem hamỳ nẽ ma o pa nẽ hikàxpore rax xwỳnh nhõrkwỹ jakwakrem haxwỳ.