Rukre 11:43 - Tĩrtũm kapẽr ã kagà nyw

⁴³ —Kwa mẽ o kora. Mẽ piitã mẽ kot amnhĩm mẽ ate amnhĩ to rũnh xwỳnh ã amnhĩm mẽ ajarẽnhja na mẽ amã hprãm. Nẽ mẽ piitã mẽ kot amnhĩm mẽ apê mẽ ahkre mex xwỳnh maati hã mẽ ajarẽnhja na mẽ amã hprãm.

Rukre 11:43 ပူးပေါင်းရင်းမြစ်များ

Matêwre 11:16

Te mẽhprĩre kot amnhĩ nhĩpêx pyràk o na htem amnhĩ nhĩpêx. Mẽhprĩrejaja na htem mẽ õrkwỹ kapem mẽmoj to amnhĩkati nẽ tee ri hkwỳjê kot amnhĩ nhĩpêx pumu nẽ mẽ kãm:

Rukre 20:46

Na htem mẽ piitã mẽ kot mẽ hã hpijaàm kaxyw mẽ ê mex pix kãm ri pa. Nẽ mẽ kãm mẽ piitã mẽ kot amnhĩm mẽ rũnh xwỳnh ã mẽ harẽnh o mẽ paja na mẽ kãm hprãm. Nẽ mẽ panhõ Tĩrtũm kapẽr o mẽ ahkre xà hã ixkre kamã mẽ kãm amnhĩ to rũnh xwỳnhjê hkrĩ xà mex pix ã na mẽ kãm mẽ hkrĩ hprãm. Nẽ mẽmoj tã mẽ hkĩnh ã arĩgro hã nhũm htem mẽ apkur xà hã ixkre hwỳr akuprõ nẽ mẽ kãm mẽ kot amnhĩ to rũnh xwỳnhjê hkrĩ xà mex pix ã mẽ kãm mẽ hkrĩ hprãm. Ã na htem amnhĩ nhĩpêx anhỹr o pa.

Rõmãn 12:10

Nẽ mẽ apê Kris kwỳ hã amã axpẽn kĩnh kãm tãm axpẽn nhĩpêx o ri apa. Nẽ mẽ akwỳjaja mẽ kot amnhĩ to mex xwỳnh ã mẽ harẽnh o ri mẽ hkôt apa. No mẽ ri atỳx ajamaxpẽr o: —Nà koja mẽhõ ixkumrẽx ixte tãm amnhĩ nhĩpêx xwỳnh ã ijarẽ pa rĩ kormã amnhĩ xwar tãm kot amnhĩ nhĩpêx xwỳnh ã harẽ. Anhỹr o ajamaxpẽr kêt nẽ. Kêr ka akumrẽx tãm kot amnhĩ nhĩpêx xwỳnh ã harẽ.

Piripos 2:3

Nẽ kwa kêr ka mẽ axpẽn pumu nẽ ã ajamaxpẽr anhỹr kêt nẽ. Mẽ ajamaxpẽr o: —Tk. Kot pa ri tanhmã jahti ho ajuta hto ho ixpa hkêt nẽ. Ixte amnhĩ to rax o hakrenh kênã kot pa hkêt ri ho ajuta. Kê tãm mãn tanhmã ixto ajuta hto. Anhỹr o ajamaxpẽr kêt nẽ. Kêt nhỹri mẽhõ pumu nhũm tanhmã kute ka hã omu nẽ ajamaxpẽr o: —Hêxta waa nẽ. Kwa tanhmã kot pa we ho ajuta htoo? Anhỹr o ajamaxpẽr hãmri nẽ ajamaxpẽr xà hkôt tanhmã ho ajuta hto.

Hapuhã Juãw 1:9

Nẽ ra ixte anhõ krĩ kamã mẽ apê Kris kwỳjê mã kagà nẽ mẽnh nhũm mẽ ate kamã harẽnhta. Na xep pre Xotreja kuma nẽ ãm kuma. Kêp mẽ akrãhtũm prãm xàj kãm ixkapẽr mar prãm kêt nẽ.