Rukre 1:42 - Tĩrtũm kapẽr ã kagà nyw

⁴² Kàx pê kãm kapẽr nẽ kãm: —Xê gàà nẽ. Ra Tĩrtũm kot ato mex jakamã na ka akĩnh rax o mẽ inhni hkwỳjê jakrenh pa. Anhõhy kamã akraja koja Tĩrtũm amã ho mex rax nẽ.

Rukre 1:42 ပူးပေါင်းရင်းမြစ်များ

Rukre 1:28

Jakamã nhũm Gapriew Marir wỳr wrỳ nẽ kãm: —Pa Marir? E ot pa amã Tĩrtũm kapẽr jarẽnh kaxyw awỳr wrỳ. Kot akôt pa ho pa jakamã koja ato mex rax kumrẽx. Anẽ.

Rukre 1:41

Hãmri nhũm kuma nẽ kãm: —Ỳ ma wa inhmex na pa wa ixpa. Anhỹrja kôt nhũm õhy kamã hkraja haxwỳja te kot Marir kapẽr mar nẽ amnhĩ nhĩpêx pyràk o htu kamã àxônh tỳx o nõ. Hãmri nhũm Ijapew Tĩrtũm Karõ nhỹ hã tanhmã Marir mã kapẽr to.

Rukre 1:43

Xê mon ka ã ixto mex nẽ ixwỳr amõr anẽ? Apê inhõ Pahihti katorxà htã ixto mex nẽ ã ixwỳr amõr anẽ. Hêxta gàà nẽ. Ãm hãmri na ka ixwỳr mõ Marir.

Rukre 1:48

Ixte amnhĩ to grire nhũm ja hã ixpumu nẽ ixkamã ukaprĩ nẽ ixto mex rax kumrẽx. Jakamã koja mẽ piitã axpẽn kanrẽhã axpẽn mã ijarẽnh rãhã ho pa. Tĩrtũm kot tanhmã ixto mex to hã ijarẽnh rãhã ho pa. Tĩrtũm na mex o mex nẽ hihtỳx o hihtỳx. Tã na ã inhĩpêx anẽ.

Rukre 19:38

Nẽ harẽnh o: E ota Tĩrtũm kot mẽ pahwỳr mẽnh xwỳnhta na ra pôj. ãm hãmri na mẽ pahwỳr wrỳ. Na mex kumrẽx. Kêp mẽ panhõ Pahihti mex na. Ãm hãmri na pre Tĩrtũm mẽ pahwỳr kumẽ. Tĩrtũmja mex kumrẽx. Mex o mex. Kukwak ri pix mã na pu htem pajamakêtkati nẽ paxàmnhĩx ri papa rãhã ho papa. Anhỹr o Jejus kôt harẽnh o mõ. Ra kot mẽ ho amnhĩptàr kurê kumrẽx ã hkamnhĩx jakamã hkĩnh nẽ hkôt ã kapẽr o mõr anẽ.

Rõmãn 9:5

Mẽ ixkukamã mẽ ixpãmjaja. Apraãw nẽ Ijak nẽ Jako kanrẽhã mẽ hkra nẽ mẽ htàmnhwỳjaja na pre mẽ. Mẽ hwỳr na pre Tĩrtũmja Kra Jejus Kris mẽ nhũm mẽ hwỳr wrỳ nẽ mẽ kamã ĩ ho ĩ ho kator jakamã haxwỳja kêp Ijaew na pre. Kêp Mẽpahpãm nẽ mex o mex nẽ hihtỳx o hihtỳx tã Ijaew wỳr wrỳ nẽ mẽ kamã kato. Hãmri nhũm Ijaew kêt xwỳnhjaja harẽnh ma nẽ tee ri hamaxpẽr nẽ hamaxpẽr o: —Hêxta waa nẽ. Kêp ãm Jejus mẽ papa kamã mãn kator ronhỹx mẽ pamã mex kumrẽx. Anẽ.

Eprêw 12:2

E kot paj mẽ amã Jejus kot tanhmã mẽ panê amnhĩ nhĩpêx toja jarẽ ka mẽ inhma. Nà kot mẽ panê mẽ pahte amnhĩ tomnuj pãnhã amnhĩrer kaxyw htyk nhũm mẽ pahte hkôt amnhĩ xunhwỳr jakamã na hte mẽ pamã pajamaxpẽr nyw gõ pu mẽ amnhĩ kaxyw hkôt pajamaxpẽr ho ri papa. Na pre mẽ kãm hkurê xwỳnhjaja kot pĩ kahpa hã nhôr nẽ hpĩr mã nhũm mẽ kutã mẽ kãm amnhĩ to htỳx nẽ arĩ mẽ kãm xa nhũm prem kupĩ. Tã tee ri amnhĩ kukamã hamaxpẽr o Tĩrtũm kaga hkêt nẽ. Na pre hamaxpẽr o: —Nà kwãr mẽ mãmrĩ ixpĩ. Kot paj ty nhũm Inhĩpêêxà akupỹm ixto ixtĩr pa kuri inhmex kumrẽx nẽ ixtĩr tũm nẽ ixpa ho ixpa. Anẽ. Tã na ra kaxkwa kamã Tĩrtũm xupôk rũm mex nẽ hkrĩ ho hkrĩ.