Rukre 1:30 - Tĩrtũm kapẽr ã kagà nyw

³⁰ Hãmri nhũm Gapriew kãm: —Kwa tee ri amnhĩ kukamã ajamaxpẽr kêt nẽ. Tĩrtũm kãm ajapêê.

Rukre 1:30 ပူးပေါင်းရင်းမြစ်များ

Matêwre 14:27

Hãmri nhũm mẽ inhmã kapẽr nẽ mẽ inhmã: —Tk. Kwa mẽ amã ma hkêt nẽ. Pa na pa mẽ akôt tẽ. Anẽ.

Matêwre 28:5

Hãmri nhũm wa nita kẽn kre hwỳr pôj nẽ tee ri Tĩrtũm kapẽr o mẽ wrỳk xwỳnhta pumu. Nhũm wa kãm: —Kwa wa amã ma hkêt nẽ. War ate Jejus pumunh kaxyw na ka wa tẽ. Mẽ kot pĩ kahpa hã nhôr xwỳnhta.

Rukre 1:13

Hãmri nhũm kãm: —Pa Jakaris? Kwa tee ri ajamaxpẽr o amã ma hkêt nẽ. Na pre Tĩrtũm ate akra hã hwỳr o apa hã ama nẽ hã apumu. Jakamã koja tanhmã aprõ hkra xà ho ka kamã akra. Nhũm nõ nẽ rax nẽ kato nẽ myre. Ka wa hã hixi mẽ nhũm kêp Juãw.

Rukre 12:32

Nhũm Jejus arĩ mẽ kãm kapẽr nẽ mẽ kãm: —E mẽ ate ixkôt amnhĩ xunhwỳr xwỳnhjaja. Ra Tĩrtũm kot mẽ ato hkra jakamã kwa mẽ axàmnhĩx hkamnàr rom ri tanhmã amnhĩ nhĩpêx to ho ri apa. Na hte mẽ apê hkra hã mẽ apumu nẽ hkĩnh nẽ. Koja nhỹrmã kaxkwa kamã õ krĩ hwỳr mẽ ato api ka mẽ kamã wa ixkuri amex nẽ atĩr tũm nẽ apa ho apa. Ja na mex o kot jar pika ja kôt mẽ õ mẽmoj rũnh nẽ pa xwỳnhta jakrenh.

Atre 27:24

nẽ inhmã: “Pa Pawre? Kwa tee ri amnhĩ kukamã ajamaxpẽr o amã ma hkêt nẽ. Kot kaj akà hkĩnh pê ma Itar kamã Rõm wỳr mõ nẽ pôj nẽ pahi maati Sesti pumu nẽ kãm amnhĩ jarẽ. Jakamã koja Tĩrtũm akôt mẽ mõr xwỳnh piitã omunh mex nẽ ka mẽ atõ tanhmã amnhĩ to hkêt nẽ.” Anẽ.

Rõmãn 8:31

Tã ã Tĩrtũm kãm mẽ pajapê nẽ mẽ pahto mex kot anhỹr. Ã kot mẽ panhĩpêx mex anhỹr jakamã ra mẽ pahkôt pa ho pa rãhãã. Jakamã mẽhõ koja ĩhkra pê mẽ pahpytà? Nẽ mẽhõ koja tanhmã ri kêp mẽ pahto? Nà koja kêp mẽ papytàr rỳ tanhmã kêp mẽ pahto hkêt nẽ.