Rõmãn 9:7 - Tĩrtũm kapẽr ã kagà nyw

⁷ Nẽ finat Apraãwja na pre hkanrẽhã hkra nẽ htàmnhwỳ xohtô nẽ. Tã xà na pre Tĩrtũm htàmnhwỳ piitã mẽ ho hkra hã amnhĩ jarẽ? Nà mẽ piitã ã mẽ harẽnh anhỹr kêt nẽ. Ãm mẽ hkwỳjê pix na pre mẽ ho hkra hã mẽ harẽ. Apraãw kra Ijak kôt hkanrẽhã htàmnhwỳ pixjaja nhũm kot mẽ ho hkra hã mẽ harẽ.

Rõmãn 9:7 ပူးပေါင်းရင်းမြစ်များ

Karatas 4:23

Kãm àpênh xwỳnh kamã ja na pre mẽ pahpiitã mẽ pahpyrà nẽ amarĩ kato. No hprõ Sara kamã ja. Sara na pre ra hpigêx tỳx nẽ. Ra hkamrô hkêt ryy nẽ pa htã nhũm Tĩrtũm kot wa hkra hkukamã wa kãm ujarẽnh xà hkôt nhũm Apraãwja htu nhũm wa hkrata kato. Tĩrtũm kot hkukamã wa kãm harẽnh xà hkôt nhũm kamã hkra nhũm kato.

Piripos 3:3

Nom ja kot anhỹr kêt. Mẽ pahte amnhĩ jakàr kôt mẽ pahpê Tĩrtũm kra hkêt. Ã kot anhỹr ronhỹx pu mẽ amnhĩ krã hkôt tanhmã amnhĩ nhĩpêx to ho pahpê hkra. Nom ja kot anhỹr kêt. Mẽ ate amnhĩ jakàr kêt tã mẽ ixpyrà nẽ amnhĩ kaxyw Jejus Kris mã ajamaxpẽr jakamã mẽ ixpyrà nẽ mẽ apê Tĩrtũm kra na ka mẽ. Na ka htem mẽ ixpyrà nẽ Karõ nhỹ hã kãm mex o mex ã harẽnh o ri apa nẽ mẽ ixpyrà nẽ Jejus kukwak ri akĩnh nẽ ri apa. Nom na pu htem pahpê hkra kaxyw amnhĩ jakàr kêt nẽ.

Rukre 3:8

—Na htem amnhĩ tomnuj kaga nẽ hpãnhã tãm amnhĩ nhĩpêx. Nẽ tãm ri axpẽn nhĩpêx. Jakamã e kwa mẽ ã amnhĩ nhĩpêx anhỹr o apa. No na ka htem atỳx ri ajamaxpẽr o: “Mẽ ixpê finat Apraãw kanrẽhã htàmnhwỳ jakamã koja Tĩrtũm ja hã mẽ ixpumu hãmri nẽ mẽ ixte amnhĩ tomnuj mỳrapê tanhmã mẽ ixto hkêt nẽ. Koja ãm mẽ ixto mex rãhã nẽ.” Anhỹr o atỳx ri amnhĩ kukamã ajamaxpẽr o apa. Nom ja kot anhỹr kêt. Mẽ apê Apraãw kanrẽhã htàmnhwỳ htã uràk nẽ tãm amnhĩ nhĩpêx o apare hã. Kot ka mẽ apê kanrẽhã htàmnhwỳ htã amnhĩ tomnuj o ri apa hãmri nẽ Tĩrtũm noo mã te mẽ apê pikap kẽnre nhĩkwỹ pix pyràk.

Juãw 8:33

Nhũm pre ã Jejus mẽ kãm kapẽr anẽ hãmri nhũm mẽ tee ri kuma nẽ kãm: —Kwa mẽ ixpê mẽ pahpàr krax finat Apraãw kanrẽhã htàmnhwỳ kênã. Na pre mẽmoj te kot amnhĩ tã ho htỳx pyràk o hipêx kêt nẽ. Jakamã mẽmo kot we mẽ ixpê hkanrẽhã htàmnhwỳjê ho htỳx ka we ri ã mẽ ijarẽnh anẽ? Nà amrakati kênã. Tã kwa mon ka ã mẽ ijarẽnh anẽ? Anẽ.

Rukre 16:30

Hãmri nhũm tee ri kuma nẽ kãm: “Kwa nà. Koja mẽ kagàja mar kêt nẽ. No kêt Rajare na pre ra htyk tã akupỹm htĩr jakamã koja mẽ hwỳr wrỳ nẽ mẽ kãm awjarẽ nhũm mẽ akupỹm htĩr ã omu nẽ kapẽr ma hãmri nẽ amnhĩ tomnuj kaga kurê kumrẽx. Kwa nà ã ri anhỹr kêt nẽ mẽ hwỳr amẽ hêxta waa nẽ.” Anẽ.

Matêwre 3:9

Na ka htem atỳx ri ajamaxpẽr o: “Mẽ ixpê finat Apraãw kanrẽhã htàmnhwỳ hkwỳ na pa mẽ. Jakamã koja Tĩrtũm ja hã mẽ ixpumu hãmri nẽ mẽ ixte amnhĩ tomnuj o ixpa tã nhũm ja hã tanhmã mẽ ixto hkêt nẽ. Koja mẽ ixto mex nẽ.” Anhỹr o atỳx ri amnhĩ kukamã ajamaxpẽr. Nom ja kot anhỹr kêt. Mẽ apê Apraãw kanrẽhã htàmnhwỳ htã mẽ ate uràk nẽ tãm amnhĩ nhĩpêxre hã. Kot kaj mẽ apê htàmnhwỳ htã amnhĩ tomnuj o ri apa hãmri nẽ Tĩrtũm noo mã te mẽ apê pikap kẽnre nhĩkwỹ pix pyràk.

Karatas 4:28

E ixkràmnhwỳjaja. Te mẽ apê Ijak kanrẽhã htàmnhwỳ pyràk. Koja mẽhõ amnhĩ kaxyw Kris kôt hamaxpẽr hãmri nẽ te kêp Apraãw mẽ hprõ Sara wa hkra Ijak kanrẽhã htàmnhwỳ pyràk. Na pre Tĩrtũm amnepê mã kormã Ijak kator kêt ri ra hkukamã hamaxpẽr nẽ Apraãw mã harẽ. Nẽ mẽ papajaja nhũm Tĩrtũm Ijak pyrà nẽ mẽ pakukamã mẽ pamã hamaxpẽr nẽ amnhĩm mẽ paxunhwỳr ã amnhĩ jarẽ. Tã ra mẽ ate amnhĩ kaxyw Kris kôt ajamaxpẽr jakamã te mẽ apê Ijak kanrẽhã htàmnhwỳ pyràk.