Rõmãn 9:26 - Tĩrtũm kapẽr ã kagà nyw

²⁶ Nẽ ixte mẽ kêp ixkra hkêt ã mẽ harẽnh tã kot paj ra mẽ kêp ixkra hã mẽ harẽ. Ixpê mẽõ Tĩrtũm kot paj ã mẽ harẽnh anẽ. Anẽ.

Rõmãn 9:26 ပူးပေါင်းရင်းမြစ်များ

Rõmãn 8:16

Karõ kot mẽ pahkarõ mã gjêx nhũm mẽ pahte amnhĩ tã omunh jakamã na pu htem pajamaxpẽr o: —Nà Tĩrtũm Karõ kot ixkarõ mã àr jakamã ixpê hkra na pa. Anẽ.

Juãw 11:52

Na pre Jejus mẽ ixpê Ijaew pix nê htyk kêt nẽ. Krĩ piitã hkôt Tĩrtũm krajê nê na pre ty. Mẽ piitã mẽ kot axpẽn to hkwỳ nẽ ri axpẽn to pa kaxyw na pre mẽ nê ty.

Matêwre 16:16

Hãmri nhũm Simãw Pêtre kãm: —Nà apê Tĩrtũm kot mẽ ixkaxyw axãm nẽ mẽ ixwỳr amẽnh xwỳnh na ka. Nẽ apê mẽ ixpiitã mẽ inhõ Pahi Maati na ka. Ã na pa htem axpẽn mã ajarẽnh anẽ. Anẽ.

Rõmãn 8:14

Mẽ kot Tĩrtũm Karõ hkôt amnhĩ nhĩpêx xwỳnhjaja kêp Tĩrtũm kraa.

Rõmãn 8:19

Nẽ pika hkôt Tĩrtũm kot mẽmoj ho kator xwỳnhjaja na htem Tĩrtũm kot mẽ pahto mex par jatur xàm mẽnh ã arĩgro jamãr rãhã ho pa. àk nẽ mry nẽ pĩ nẽ gô nẽ mẽmoj piitã mẽ pajamãr o pa. Te kot mẽ pakukamã hamaxpẽr o: —Kwa mẽmo arĩgro hã koja Tĩrtũm hkrajê piitã ho amnhĩrĩt nẽ mẽ ho mex par jatur xàm kumẽ pu mẽ ja hã mẽ omu? Hêxta waa nẽ. Inhmã tokyx ja hã mẽ omunh prãm tỳx. Koja tokyx ã mẽ hipêx anẽ pa ixkĩnh tỳx kumrẽx. Anhỹr o hamaxpẽr pyràk.