Rõmãn 15:13 - Tĩrtũm kapẽr ã kagà nyw

¹³ Nẽ na pa hte tanhmã mẽ ato Tĩrtũm wỳr to ho ri ixpa nẽ kãm: —Pa Tĩrtũm. Kwa kêr ka Rõm nhõ xwỳnhjê ho mex kê mẽ amnhĩ kaxyw Akra hkôt hamaxpẽr mex o ri pa. Jao hkôt hkĩnh nẽ hamakêtkati nẽ ri axpẽn to pa. Nẽ kê Akarõ mẽ ho mẽ hihtỳx o pa kê mẽ amnhĩ kaxyw amã mãn hamaxpẽr tỳx rãhã ho ri pa. Anẽ.

Rõmãn 15:13 ပူးပေါင်းရင်းမြစ်များ

Rõmãn 12:12

Nẽ mẽ nhỹrmã Tĩrtũm kot kaxkwa kamã mẽ ato mex rax kukamã ajamaxpẽr nẽ akĩnh rãhã kãm mẽmoj to anhỹr o ri apa. Nẽ kêr ka mẽ tanhmã amnhĩ to rỳ nhũm mẽhõ tanhmã mẽ ato ka mẽ akaprĩ nẽ ri apa htã no ãm tee ri amnhĩ kukamã ajamaxpẽr o Tĩrtũm kaga hkêt nẽ. Arĩ amnhĩ to hwỳr rãhã ho ri apa.

Sikũn Korĩt 9:8

Koja mẽ hã mẽ apumu hãmri nẽ amnhĩm mẽ amex ã mẽ ajarẽnh rãhã ho pa. Mẽ kãm Tĩrtũm kĩnh xwỳnhjaja na htem àmnhĩx ri mẽ kêp amrakati xwỳnhjê mã mẽmoj nhõr o pa. Te Tĩrtũm kot amnhĩ nhĩpêx pyràk. Na hte àmnhĩx ri mẽ pamã mẽmoj nhõr o pa. Mẽ pahwỳr na rẽ nhũm wrỳ. Nhũm mẽ pamã mẽ paxàpkur xà nhõr o pa. Nẽ tanhmã mẽ pahto pu mẽ paxà hkêt nẽ pajamakêtkati nẽ paxàpênh o papa. Nẽ pamex nẽ ri papa. Panhõ rũnh nẽ ri papa. Jakamã kwa pu mẽ uràk nẽ paxàmnhĩx ri mẽ kêp amrakati xwỳnhjê mã mẽmoj nhõr o papa.

Rõmãn 14:17

Mẽ pahpê Tĩrtũm krajaja na pu htem paxàpkur xà nẽ pahkõm xà pix kukamã pajamaxpẽr o ri papa hkêt nẽ. Na pu htem amnhĩ mẽ pahkwỳjê mex kukamã pajamaxpẽr. Nẽ mẽ pahte tãm amnhĩ nhĩpêx kukamã pajamaxpẽr. Nẽ tãm axpẽn nhĩpêx kukamã pajamaxpẽr. Kot puj mẽ ã amnhĩ nhĩpêx anẽ nhũm Tĩrtũm Karõ ja hã mẽ pahpumu nẽ mẽ pahto mẽ pahkĩnh nẽ. Pu mẽ pahkĩnh nẽ pajamakêtkati nẽ ri axpẽn kôt papa.

Karatas 5:22

No mẽ kot amnhĩ nhĩpêx nywja axtem na. Tĩrtũm Karõ hkôt mẽ kot amnhĩ nhĩpêx nyw o amnhĩ nhĩpêx xwỳnhjaja na htem axtem kãm axpẽn kĩnh nẽ. Nẽ hkĩnh nẽ ri hamakêtkati nẽ àmnhĩx ri axpẽn kôt pa. Nẽ gryk tokyx anhỹr hkêt nẽ. Ãm axpẽn to mex pix o ri axpẽn kôt pa. Nẽ tãm axpẽn nhĩpêx. Nẽ kot mẽmoj tã amnhĩ jarẽnh xà hkôt tanhmã mẽmoj to.

Rõmãn 15:5

Na pu htem Tĩrtũm kamnàr rom pahkĩnh nẽ. Nẽ axpẽn kamã paxukaprĩ ho ri papa. Jakamã na pa hte tanhmã mẽ ato Tĩrtũm wỳr to nẽ kãm: —Pa Tĩrtũm. Apê mẽ ijamãr xwỳnh maati na ka. Nẽ apê mẽ inhõ Pahihti Jejus Kris nhõ Papaj na ka. Nà xep ra Rõm nhõ xwỳnh kwỳjaja kãm akapẽr kôt amnhĩ nhĩpêx prãm jakamã kwa tanhmã mẽ hkrã ho mex to kê mẽ hamakêtkati nẽ ajamaxpẽr kôt hamaxpẽr rãhã ho ri akôt pa. Hãmri nhũm mẽ amnhĩ tã apumu nẽ piitã amex o amex ã ajarẽ. Anhỹr o pa hte mẽ ato kuwỳ.

Juãw 14:1

Nhũm Jejus arĩ mẽ inhmã kapẽr nẽ mẽ inhmã: —Kwa ã ixte mẽ amã amnhĩ jarẽnh anhỹrja ma nẽ tee ri amnhĩ kukamã ajamaxpẽr nẽ akaprĩ hkêt nẽ. Arĩ amnhĩ kaxyw Tĩrtũm mẽ wa inhmã ajamaxpẽr tỳx rãhã ho ri apa.

Juãw 14:27

Nhũm Jejus arĩ mẽ inhmã kapẽr nẽ mẽ inhmã: —Nẽ mẽ kêp ixkwỳ hkêt xwỳnhjaja na htem tee ri amnhĩ kukamã hamaxpẽr o ri pa. Jao hkaprĩ nẽ pa. No pa na pa hte mẽ kurom ijamakêtkati nẽ ixkĩnh nẽ ri ixpa ho ixpa. Tã kot paj tanhmã mẽ ato ka mẽ ixpyrà nẽ ajamakêtkati nẽ axàmnhĩx akĩnh nẽ ri apa. Jakamã kwa mẽ ixte amnhĩ jarẽnh ma nẽ tee ri amnhĩ kukamã ajamaxpẽr o amã ma ho ri apa hkêt nẽ.

Wam Pêtre 1:8

Nẽ Jejusja aa mẽ ate ano ho omunh kêt tã na ka htem kãm mẽ ajapê htỳx nẽ kot mẽ panê tanhmã amnhĩ nhĩpêx to hã harẽnh ma nẽ mẽ amã hkĩnh nẽ. Nẽ amnhĩ kaxyw hkôt ajamaxpẽr mex rãhã ho ri apa. Jakamã na pre Tĩrtũm ja hã mẽ apumu nẽ mẽ ato hkra nẽ mẽ apê õ krĩ kamã wa kuri amex nẽ apa mã xwỳnh ã mẽ ajarẽ. Ja kaxyw na pu prem amnhĩ kaxyw hkôt pajamaxpẽr rãhã jao pahkĩnh nẽ ri papa. Nẽ tee ri tanhmã amnhĩ kĩnh tỳx ã amnhĩ jarẽnh to hkukamã pajamaxpẽr. Kormã aa ã mẽ pahkĩnh anhỹr kêt tã mẽ pahkĩnh tỳx nẽ ri papa.

Eprêw 6:11

Tã kêr ka mẽ arĩ ã axpẽn nhĩpêx anhỹr o ri apa rãhã ty kê nhỹrmã ja hã mẽ ato mex nẽ. Ã mẽ ate amnhĩ nhĩpêx anhỹr o apaja na inhmã hprãm tỳx kumrẽx.

Wam Ximotre 1:1

Pa Ximotre? Xà amex? Ixpê Pawre na pa awỳr kagà nhĩpêx nẽ kumẽ. Ixte Jejus Kris nhỹ hã mẽ ahkre ho ixpa kaxyw na pre Mẽpapytàr xwỳnh Tĩrtũm mẽ Jejus Kris wa ixta nẽ ixãm. Jejus kamã na pu htem pajamak rãhã ho ri papa.

Epes 1:2

E kê Mẽpahpãm Tĩrtũm mẽ Pahihti Jejus Kris wa mẽ ato mex nẽ mẽmoj to mẽ akutã nojarêt rãhã ho pa. Ka mẽ wa ỹ hã axàmnhĩx ajamakêtkati nẽ akĩnh pê tanhmã amnhĩ nhĩpêx to ho ri apa.

Wam Tesarõn 1:5

Nẽ na pa prem ma mẽ awỳr mõ nẽ mẽ amã Jejus jarẽnh o mẽ akôt ixpa. Kot mẽ panê tanhmã amnhĩ nhĩpêx to hã harẽnh o ri mẽ akôt ixpa. Nom pa mẽ amnhĩ krã hkôt mẽ amã ixujarẽnh kêt nẽ. Ãm Tĩrtũm Karõ nhỹ hã na pa prem hihtỳx xà ho tanhmã mẽ amã ixkapẽr to ka prem mẽ inhma nẽ mẽ ixkôt ajamaxpẽr kurê kumrẽx. Na pa prem tãm amnhĩ nhĩpêx o ri ixpa ka mẽ ja hã mẽ ixpumunh o ri mẽ ixkôt apa.

Wam Korĩt 2:4

Nẽ mẽ ate inhmar kaxyw na pa pre ixêx rom tanhmã mẽ ano kupyr to ho ri ixpa hkêt nẽ. Rỳ mẽ pajaja mẽ ixàhpumunh xà hkôt tanhmã mẽ amã ixkapẽr to hkêt nẽ. Na pa pre ãm Tĩrtũm Karõ nhỹ hã mẽ amã awjarẽ. Mẽ ate mar nẽ hihtỳx o hihtỳx ã omunh kaxyw.