Rõmãn 14:23 - Tĩrtũm kapẽr ã kagà nyw

²³ No kot kaj mẽ atõ mẽmoj to anhỹr kaxyw nẽ tee ri amnhĩ kukamã ajamaxpẽr nẽ ajamaxpẽr o: —Ko kot paj apu ja ho anẽ nhũm Tĩrtũm hã ixpumu nhũm ja kêp omnuj nẽ rỳ ko. Anẽ. Hãmri nẽ tee ri amnhĩ kukamã ajamaxpẽr. Tã ra ã amnhĩ nhĩpêx anẽ nẽ akrẽ rỳ mẽmoj to anẽ. Hãmri nhũm Tĩrtũm tee ri ã ate amnhĩ nhĩpêx anhỹr ã apumu nhũm ja kêp omnuj nẽ. Ate hkamnàr rom mẽmoj to anhỹr kêt nẽ amarĩ amnhĩ krã hkôt ho anhỹr jakamã ho amnhĩ tomnuj nẽ.

Rõmãn 14:23 ပူးပေါင်းရင်းမြစ်များ

Eprêw 11:6

Mẽ kot amnhĩ kaxyw Tĩrtũm mã mẽ hamaxpẽr kêt xwỳnhjaja na hte Tĩrtũm mẽ mex ã mẽ harẽnh kêt nẽ. Tã mẽ papajaja kêr pu mẽ Enok pyrà nẽ amnhĩ kaxyw kãm pajamaxpẽr tỳx rãhã ho papa. Nẽ pajamaxpẽr o: —Tĩrtũmja htĩr rãhã ho rãhã. Koja nhỹrmã mẽ ixte amnhĩ kaxyw hkôt ijamaxpẽr xwỳnhjê ho mex rax nẽ. Nà koja mẽ ixto anẽ. Anhỹr o mẽ pajamaxpẽr nhũm Tĩrtũm amnhĩ tã mẽ pajamaxpẽr ã mẽ pahpumu nẽ mẽ pahte amnhĩ to mex ã mẽ pajarẽ. No mẽ kot amnhĩ kaxyw kãm hamaxpẽr kêt xwỳnhjaja na hte ã mẽ harẽnh anhỹr kêt nẽ.

Xitre 1:15

Mẽ kot Jejus kôt amnhĩ xunhwỳr xwỳnhjaja tãm mẽ hamaxpẽr o pa jakamã na htem Tĩrtũm kot mẽmoj piitã ho kator xwỳnh pumu nẽ piitã mex ã harẽ. No mẽ kêp Jejus kwỳ hkêt xwỳnhjaja na htem hamaxpẽr punuj pix o pa. Nẽ mẽmoj mex pumu nẽ mex kêt ã harẽ. Mex tã nhũm mex kêt ã harẽnh o pa.

Wam Korĩt 8:7

Tã no ãm ham mẽ kot Kris kôt amnhĩ xunhwỳr xwỳnhjaja na htem mẽ pahkĩnhã kãm sãnti hã mẽ apkur xà hkur puma nẽ. Ham mẽ kot sãnti kaga nẽ amnhĩ kaxyw Kris kôt amnhĩ xunhwỳr jakamã kormã Tĩrtũm kôt amnhĩ nhĩpêx tohtuj anẽ. Jakamã na htem tee ri sãnti hã mẽ apkur xàja pumu nẽ hamaxpẽr o: —Nà kot paj ja kur kêt nẽ. Kot paj anẽ nhũm apu Tĩrtũmja pê ja omnuj nẽ. Anẽ.

Rõmãn 14:5

Nẽ koja Jejus kôt atõjê hõ mẽmo arĩgromnu jarẽ nẽ hã àpênh kêt nẽ. Ka mẽ apê hkwỳjaja tee ri ja hã omu nẽ ajamaxpẽr o: —Nà arĩgro piitã mẽ pamã mex kênã. Kot paj mãmrĩ arĩgro piitã hã apê. Anhỹr o ajamaxpẽr japêr. Nom kêr ka mẽ ja hã axpẽn mã tanhmã axàkjêr to hkêt nẽ. Na pu htem ahpỹnhã pamã tanhmã mẽ pahte amnhĩ nhĩpêx to hprãm xà hkôt tanhmã amnhĩ nhĩpêx to. No tanhmã ri hã axpẽn mã paxàkjêr to ho ri papa hkêt nẽ.

Rõmãn 13:2

Jakamã koja mẽhõ mẽ kapẽr ma nẽ ãm kuma nẽ hkôt amnhĩ nhĩpêx kêt nẽ hãmri nẽ te kot Tĩrtũm kapẽr mar nẽ ãm mar pyràk o amnhĩ nhĩpêx. Hãmri nhũm Tĩrtũm tee ri ja hã omu nẽ nhỹrmã tanhmã hã ho.