Nẽ amnepê mã kaxkwa kamã Tĩrtũm kapẽr o mẽ wrỳk xwỳnh kwỳjaja na prem axtem nẽ Tĩrtũm kapẽr nhĩrôp kuhê nhũm tee ri amnhĩ tã mẽ omu hãmri nẽ amnhĩ nê mẽ kator pa. Mẽ kamã ukaprĩ hkêt nẽ amnhĩ nê mẽ kator pa hãmri nẽ mẽ kot amnhĩ xà htỳx kamã hamak tũm xàta wỳr mẽ hano. Nhũm prem ma hwỳr pa nẽ ahkre xupỳm kãm kamàt kô kamã arĩ hkrĩ ho hkrĩ. Tĩrtũm kot mẽ piitã tanhmã mẽ harẽnh to xà hã arĩgroja jamãr o hkrĩ. Nẽ tee ri kãm hapôx prãm kaprỳ ho hkrĩ.
Rõmãn 11:10 - Tĩrtũm kapẽr ã kagà nyw10 Te mẽ nohkre xwỳnhjaja tee ri mẽ hpa nhĩpêx o pa pyràk. Nẽ omnuj nẽ à nẽ ho gjêx o ri pa pyràk o amnhĩ nhĩpêx o ri pa. Anhỹr o mẽ harẽ. အခန်းကိုကြည့်ပါ။ |
Rõmãn 11:10
13 ပူးပေါင်းရင်းမြစ်များ
Jao Tĩrtũm mã hamaxpẽr kêt nẽ pa. Kãm hamaxpẽr prãm kêt kumrẽx nẽ pa. Te mẽ kot omunh nẽ nhãm hkrã pyràk o amnhĩ nhĩpêx. Rỳ te mẽhõ wa kot axpẽn kãm gryk kãm axpẽn nhĩpêx pyràk o hipêx. Jao te kamàt kô kamã ri pa pyrà nẽ Tĩrtũm kot amnhĩ nhĩpêx pumunh kêt nẽ pa. Jakamã koja mẽ nhỹrmã kuri htĩr tũm nẽ pa hkêt nẽ.
Tĩrtũm kapẽr ã kagà htũm kot mẽ harẽnh kot: Tĩrtũm na hte mẽ kãm kapẽr mar prãm kêt xwỳnhjê pumu nẽ ãm mẽ omu nhũm htem htỳx ri pa ho pa. Nẽ Tĩrtũm mã hamaxpẽr kêt o ri pa. Mẽ kot kapẽr mar tã hprĩ hã mar tỳx kêt nẽ. Nẽ mẽ kot kapẽr ã kagà kamã harẽnh tã hprĩ hã mar tỳx kêt nẽ. Jakamã na htem amnhĩ kaxyw hkôt hamaxpẽr kêt o pa. Tã na htem arĩ jarãhã ã amnhĩ nhĩpêx anhỹr o ri pa. Te mẽ nohkre nẽ mẽ hamak kro xwỳnh kot amnhĩ nhĩpêx pyràk. Anẽ.
Mẽ kot amnhĩ nhĩpêx ã omunh mex tã amnhĩ kaxyw tanhmã kãm hamaxpẽr hto hkêt. Rỳ arĩ hamaxpẽr japêr nẽ kãm: —Nà Tĩrtũm. Ãm hãmri amex kumrẽx. Ãm amex o amex. Apê Tĩrtũm ã ãm apixi mex kumrẽx na ka. Ãm hãmri na ka hte mẽ ixto mex o apa. Anhỹr o amnhĩ kaxyw kãm kapẽr kêt nẽ. Nẽ ãm htỳx tanhmã hamaxpẽr punuj to pix o ri pa. Te kamàt kô kamã ri mẽ pa xwỳnhjê kot amnhĩ nhĩpêx pyrà nẽ mẽmoj mex pumunh kêt nẽ.
Nẽ te mẽ kêp gô xujanãr kot amnhĩ nhĩpêx pyràk. Na hte gô xujanãrja hakàx wỳr kapê nẽ mra nhũm hamrô kỳxpê amgrà kamã arĩk nhũm gô awjanã nẽ ma akupỹm hipôk wỳr mra. Ja pyràk na htem ma nhỹhỹm mra nẽ mẽ kãm mẽmoj jarẽ nẽ nhãm mra nẽ mẽ kãm mẽmoj jarẽ nẽ ma akupỹm mẽ kurũm mra. Nhũm mẽ mar xà hkôt amnhĩ tomnuj rãhã ho pa. Nẽ te mẽ kot kaxkwa hã kanhêre nhỹhỹm htẽm nhũm mẽ kot nhỹhỹm htẽm xà hkôt omunh kêêta pyràk. Jakamã koja Tĩrtũm nhỹrmã kamàt kô kamã mẽ rẽnh pa nhũm mẽ aa hapôx kêt nẽ.
Nẽ Tĩrtũm kapẽr o mẽ wrỳk xwỳnh kwỳjaja. Na prem Tĩrtũm nhỹ hã kapẽr o pa htã tanhmã hamaxpẽr punuj to nẽ ra kãm ja ho anhỹr prãm nõkati nẽ Tĩrtũm kaga. Jakamã nhũm mẽ hã amỹnê nhũm mẽ unê nẽ kàx o mẽ hkaxpre pa. Nẽ nhỹri pika kaxwỳnh kãm kamàt kô htyk kãm mẽ kurẽ nhũm mẽ arĩ kamã hkrĩ ho hkrĩ. Nom koja nhỹrmã Tĩrtũm kot tanhmã mẽ pahpiitã mẽ pajarẽnh to xà hã arĩgro kato nhũm mẽ rĩ kormã hapôx pa. Hãmri nẽ kot amnhĩ tomnuj mỳrapê ma mẽ kot amnhĩ xà htỳx kamã hamak tũm xàta wỳr ma hapêx.
ကြော်ငြာတွေ